Grill ขนทอง (駱克駅)

Open Now

Now Closed

天寒地凍，今日去左食熱辣辣泰式串燒。地點係銅羅灣駱克道Grill，位置非常方便。門面有大大既火形圖案，好易見到。入面座位都唔少，基本上都係高凳，播放酒吧音樂，非常之有happy hour feeling。Grill主打泰式串燒，串燒有肉類海鮮同蔬菜單點。除左串燒，餐牌亦有海南雞，幾款泰式飯，沙律，小食，仲有飲品。午餐由11:30到6點，時間好長，有3款飯同一款沙律選，餐包野飲，有檸茶，檸水，或者奶茶揀。落單先同門口服務員落，然後服務員比個數字牌你自己揾位坐低，服務員會自動送食物比你。識食當然先黎個抵食午餐，然後再加串燒同其他食物。泰式串燒雞肉配炒飯 $65泰式串燒雞肉配炒飯比泰式串燒豬牛雞配炒飯仲要平幾蚊。泰式串燒雞肉唔覺有皮，食落啖啖肉，本身已經夠味，另上沙爹醬，個沙爹醬花生味濃，好惹味。串燒下面有椰菜墊底。泰式炒飯呈咖啡色，加左青豆粒同辣椒一起炒。青木瓜手撕雞沙律 $69青木瓜手撕雞沙律份量好多，成座山，手撕雞既雞肉又瘦又稔，完全唔鞋，配另上既甜酸汁，味道酸酸甜甜，好開胃。下底青木瓜絲好爽脆，撈埋青瓜絲同紅蘿蔔絲，分量真係好足。泰式去骨海南雞半隻 $135一向都鍾意呢度既海南雞。去

走在駱克道街上，被餐廳玻璃窗內的串燒深深吸引著呢！是一間泰式餐廳呢～餐廳牆壁是色彩鮮豔的壁畫，坐位是類似吧枱，有點高身的。除了串燒和泰國菜外，還有提供泰國生啤🍺和Cocktail🍸。♡青木瓜手撕雞沙律$72很清新的組合！除了青木瓜絲外，還有蘿蔔絲和青瓜，製成絲狀，更方便客人進食呢～手撕雞份量都不少，配合醬汁吃味道好開胃啊😍♡泰式串燒配炒飯及雜菜$72炒飯是深啡色，帶點微辣，味道香口而且十分惹味，感覺很有火候🔥！串燒下有些生菜，串燒分別是雞、牛、豬各一串，配上沙嗲醬，味道不錯！♡雞中翼$22♡牛仔骨$45♡豬頸肉$25調味料香味撲鼻，非常惹味😋三款串燒肉質都很軟稔，時間烤得剛好，不會烤得太乾，咬下去充滿肉汁。•雞中翼很香口•牛仔骨肥瘦適中，煙韌且有濃郁牛肉味•豬頸肉很有口感♡焦糖燉蛋$36想不到泰國菜餐廳都有法式的焦糖燉蛋！而且很好吃👍味道出色～面層有一片焦糖，下面是香濃幼滑的燉蛋😍♡龍眼冰$25🥤龍眼肉很多，喝下去味道鮮甜透心涼～▪︎另設有中環分店✖️餐廳不設加一服務費

中環蘭桂坊既Grill就食得多啦，原來銅羅灣駱克道都開左間Grill，今日就黎試試。餐廳係正港鐵站出口對面，位置方便。同老蘭一樣，呢度主打泰式串燒，有多款唔同肉類，海鮮同蔬菜既串燒，餐牌亦有海南雞，幾款泰式飯，沙律，仲有飲品。原來呢度都有酒類飲品供應。居然都有午市套餐，一共有4款選擇，首先一人叫一個餐先。另外再叫串燒同小食。首先去收銀處落單俾錢，然後自己揾位坐低放低數字牌，等送上食物。呢度無加一服務費。青木瓜手撕雞沙律 $69青木瓜手撕雞沙律成座山咁，下底係滿滿既青木瓜，中間加左d紅蘿蔔絲同青瓜絲，上面就鋪滿手撕雞。醬汁另外用膠兜上。青木瓜絲都幾生，好爽脆，加左d甜酸汁都幾好食。雞絲既質感都幾好，好瘦不過又淋。泰式串燒配炒飯及雜菜 $69泰式串燒分別有豬牛雞，牛肉啖啖肉，豬肉香口，雞肉已走皮，全部脆皮架，個人覺得牛最好食。另上沙爹醬，不過我覺得唔洗，本身已經夠好食。串燒有椰菜墊底。炒飯加左青豆粒一起炒。食落濕潤，味道辣辣地，好惹味。呢個抵食！餐包野飲，有檸茶，檸水，奶茶揀。我地都揀左凍檸水，甜度剛好。串燒我叫左3串，包括白鱔，牛仔骨，同豬頸肉，用紙袋包住上。白鱔 $65白鱔叫左唔辣，不