李家 (海壩街)

Open Now

Now Closed

得閒行過荃灣又諗起呢間炸雞，因為食完真係好難忘，味道正宗又大份，而且係香港首間由韓國人主理嘅韓式炸雞店。原味炸雞半隻$98 拼青辣椒蛋黃醬炸雞半隻$113我哋揀嘅雞全部都係無骨嘅，個原味都超正，啲雞新鮮熱辣辣即炸，炸粉唔會太厚，入口好鬆脆，咬開啲雞肉勁嫩滑，而無骨更加係啖啖肉。食完呢個再食青辣椒蛋黃醬炸雞，口感更加豐富。個醬汁真係超Juicy，食落鹹香、帶點酸酸地同微辣，入面仲有好多洋蔥絲，撈埋啲醬一齊食真係好好味😋，兩大盤嘅炸雞份量好多。上次食有骨炸雞勉強清晒。所以大家知道性價比幾高。海鮮炸醬麵$198呢碟嘢上枱真係嚇親😱，巨大碟，味道方面都唔錯，個醬汁係濃郁香甜嘅海鮮炸醬味，用料方面都好豐富，有蜆肉、蝦肉🍤、魷魚🦑、八爪魚🐙、洋蔥🧅、豬肉粒、薯仔🥔及青瓜🥒。個份量真係夠晒三至四個人食。最後食炸雞點少得凍飲🥤，點咗柑橘🍊汁同白桃汁🍑。

近日同朋友聚餐，有位朋友提議食韓國野，經過一輪research同比較，決定食李家。餐廳位於荃灣，近愉景新城。餐廳食物質素唔錯，性價比高。我哋叫咗圖上嘅食物，其中芝士雞蛋卷味道雖然一般，但勝咗夠多芝士。另外，炸雞可以半份半份order，哩樣野好customer friendly，可以一次過食唔同味道，而且炸雞相當脆口，青辣椒蛋黃醬炸雞，好好味，Yum!小小辣，多多趣，而且加埋濃郁嘅醬汁，唔會太㶧口。不過蜂蜜大蒜炸雞就太多蜂蜜，有啲太"溜"。性價比最高嘅就係芝士辣海鮮炒年糕，入面有好多唔同嘅食物，而且份量大，係飽肚之選。

在云云炸雞食店中，脱穎而出的會想到李家。無論味道和口感都咁出色，而且份量多得驚人，一份炸雞足已讓二人爆肚，減少了品嚐其他美食的機會。美味的雞蛋卷說：公平咩！午市可叫半份炸雞，而晚市只限全份，大班朋友夜晚來或外賣會合適。分店愈開愈多，炸雞水準依舊，環境乾淨，電視播放KPOP，韓風味不減。價錢合理，美味滿分。半半炸雞 (甜辣 $98 + 青辣椒蛋黃醬 $118)炸雞炸得金黃鬆脆，可揀有骨或無骨，揀了無骨肉質鬆軟啖啖肉。一份可以兩種口味。揀了惹味刺激的甜辣味和香辣甜美的青辣椒蛋黃醬，兩種各有特式。炸雞食多了，此刻仲有兩小碟醃蘿蔔和椰菜沙律可以解膩。雞泡魚乾 $98魚乾三塊薄薄的，肉質緊致口感堅韌，整塊用牙咬撕不開的咪做傻事。要用剪刀自行剪細，形狀會影響咬口，長幼條狀會杉口的，剪小塊狀比較好嚼，味道甜美。Corona Rita $88酒色金黃入口順口，酒精濃度4.5%，芳香檸檬味少少酸，凍飲涼透心，開胃解膩幾啱飲。