Dodam Chicken (1亞太中心) (Closed)

講到食韓式炸雞自己幾鍾意dodam chicken，之前淨係試過銅鑼灣店，今次試返觀塘店🤤同銅鑼灣店唔同，觀塘店環境更加光猛，走優雅路線～星期日六點左右去到，未係好多人，唔使排隊就直接入去食。今次三個人食叫咗兩份雞，手抓飯、仲有一個pizza同嘢飲。總共食咗700蚊左右全餐最驚豔就係呢個鹹蛋脆雞，賣相已經好吸引，一上菜就聞到好香好濃鹹蛋嘅味道😈 揀咗無骨雞，成舊雞放入口外脆內軟嘅感覺真係好正🥰 鹹蛋食得多係有少少膩，但係配搭飲品同其他食物都OK另外一樣好鍾意就係手抓飯，好得意地要自己捏成一個個飯團🤣 蟹柳蟹杍紫菜沙律醬嘅配搭簡單但係好夾，鍾意食飯團嘅朋友仔一定要試吓烤雞比起脆雞個人覺得冇咁特別，可能係因為我哋叫咗原味。不過配搭佢俾嘅bbq醬同芥末醬之後都幾好食嘅叫多左一jar 西柚梳打，用嚟解膩一流！唔會太甜，飲落好清爽！個人鍾意black truffle and mushroom 個邊，truffle味好出，配搭甜甜嘅蕃茄醬都幾得意

同朋友放工後相約係觀塘，想食韓式炸雞。而apm旁邊的亞太中心就有一間唔錯嘅韓式炸雞餐廳Dodam Chicken 去到就會見到門口有個很搶眼的公雞標誌，餐廳環境以寶藍色為主調餐廳環境闊落，燈光暖調，櫈亦坐得幾舒服來到炸雞餐廳，當然要叫一款炸雞試試，口味選擇都幾多，而最吸引我的口味便是黃金鹹蛋味😋而餐廳亦有一份和半份選擇，十分貼心因為只有我和友人兩個，所以我哋叫了半份炸雞一上桌便聞到好香嘅鹹蛋黃味，炸雞上亦見到很多鹹蛋黃。炸雞脆漿很薄身，但仍做得十分鬆脆的口感，亦有很香濃的鹹蛋黃味，十分足料。如果鍾意食鹹蛋黃，一定要叫呢款炸雞🍗！因為想飽肚一點，就叫了一個韓式手抓飯。見到整碗飯都被蟹子，紫菜和蟹柳舖得滿滿～拌的時候發現裏面還加了沙律醬配料十分充足，拌好的飯都痴住卜卜脆的蟹子，香甜嘅蟹柳和紫菜香味，不自覺地就食曬成碗飯小食方面就叫了照燒汁焗魷魚🦑同樣十分足料，餐廳很貼心將成隻魷魚切好，十分方便食用。魷魚易咬開不韌，配上甜甜的照燒汁十分惹味，再配上沙律感覺更加清新食嘢又點少得叫返杯飲品～呢杯Mango milkshake 十分大杯，有清清的芒果味，味道亦唔會太甜，飲落順滑，充滿韓式水果奶的風

自從上次食完銅鑼灣分店，一直都想再食dodam chicken嘅炸雞。難得嚟到觀塘，終於有機會再試。不過我就未試過午餐食，以為會有lunch menu，點知同晚餐一樣價錢...... 個下有少少傷心，唯有慳住食！本身係因為貪平又飽肚先叫呢個韓式手抓飯，但食落又OK喎！配料都係蟹子、沙律醬、麻油同飯，但夾埋嘅味道幾得意，唔錯~ 不過職員淨係比咗一隻手套我地，無咗手抓飯個儀式感XD死慳死抵就係想食雞！果然都係脆卜卜又夠晒熱，雖然牛油加蜂蜜令我地食到一半就好滯，但配埋蘿蔔就啱啱好~ 結果午餐都係每人100蚊左右，心痛~

一直都有聽朋友講呢間韓式炸雞好食，3點幾去到有全單7折，真係點都要試試佢😍餐廳以深藍色為主，裝修感覺高級，坐得舒服，環境幾好👍🏻另外，職員服務幾好又有禮貌，唔會因為落場時間就冇人理🥰🥰🎈黃金鹹蛋脆雞 $198呢到既炸雞有十多款，真係睇到人心大心細，有d又可以揀有骨定無骨款又可以揀叫半份👍🏻不過我係超鍾意食鹹蛋黃，所以見到呢個黃金鹹蛋脆雞就知揀咩😋😋雖然我地知道全份係一隻雞，不過呢一份好大份呀⋯⋯平日出面食一定唔會咁大碟🙈超香鹹蛋味之餘，炸雞外層仲有好多鹹蛋粒👍🏻👍🏻外層炸得脆口，內層保持Juicy，而且肉質好，唔會覺得d雞肉冇彈性😋😋🎈炸魷魚鬚薯角 $148又係大大碟🙈炸魷魚鬚真係好香口，就咁食已經好好食，餐廳另外有配埋梅子醬，食落會冇咁油膩感👍🏻👍🏻🎈韓式手抓飯手抓飯 $78唔好睇相以為咁少飯糰，其實一共整左差唔多20粒🙈🙈我覺得如果可以再多d紫菜會更加正😛😛食物份量真係比預期中大份，我地3個人叫左3樣野都真係食唔晒🙈建議2-3人都係叫半份雞再試其他野，除非你淨係想食雞😂如果第日冇限聚，真係好岩成大班人黎開炸雞派對🥳🥳😋😋