家家戶戶

Open Now

Now Closed

經過韓國街，最後揀咗一間人流最多嘅餐廳🤣主打家庭式料理，大部份套餐都係$100樓下😆已經包咗前菜、湯同埋主食非常抵食😇🥢韓式牛肉石頭飯($109)一上枱已經聽到個鍋既吱吱聲🤗配左生菜、菠菜、蘿蔔、芽菜等既配料，同埋燒牛肉加生雞蛋黃，顏色望落好開胃😇拌飯醬甜酸得黎帶有微微辣🌶️撈勻後，夾雜咗飯焦，脆脆地好有口感😌🥢韓式牛肉炒粉絲($98)好鍾意韓式粉絲嗰種實在同煙韌感😆配韓式牛肉帶有少少甜🤏🏻加埋炒得爽口既椰菜好正🫶🏻粉絲餐都一樣配咗泡菜同埋三款前菜+紫菜湯😌前菜分別有魚糕、韭菜同埋薯仔，家常得黎味道很可以😉經過開韓國街，唔好錯過!!

🐙海鮮炸醬撈麵 Seafood Jjajangmyun $109🌟🌟🌟海鮮種類豐富 有魷魚、章魚粒、蜆、超細粒嘅蝦蔬菜方面有紅蘿蔔絲、椰菜絲同洋蔥粒麵條欠缺彈牙嘅口感 有好重麵粉味但每一條麵條都掛滿醬汁韓式牛肉炒粉絲 Bulgogi Japchae $88🌟🌟🌟🌟面層由一大堆椰菜、菠菜同紅蘿蔔絲覆蓋住粉絲炒得好香甜入味 但係粉絲份量有啲少牛肉份量都幾多 可以一啖粉絲一啖肉芝士炒年糕 Cheese Tteokbokki $79🌟🌟🌟明明叫咗唔要辣 但最後出嚟都係辣嘅🥵🌶️面層有一塊車打芝士 無拉絲年糕大大條煙韌結實 有咬口 需要反覆咀嚼除咗年糕之外 仲有好多椰菜同紅蘿蔔絲醬汁甜辣香濃 適合嗜辣人士😋外面的紅磚牆令間餐廳變得好溫暖 有家嘅感覺 室內的二人餐桌較細 放三碟餸/兩個餐就放滿食物並非由韓國人親自料理 所以有種非正宗韓國菜的感覺

今晚係尖沙咀，於是就去咗韓國街搵食。因為每間都好多人，所以就行到街尾的家家户户。一入去，裝修好特別，好有家的感覺，所以坐得好舒服，一d都唔逼。我們叫左2個餐，一個壽司卷。韓式牛肉炒粉絲$78套餐套餐會跟4款前菜(味道好普通)，一個小湯韓式牛肉炒粉絲的味道不夠濃郁，牛肉份量偏小，所以有點失望雞肉韓式什錦飯$77 套餐好普通的一個什錦飯，雞肉沒什麼味道，有一塊煎蛋，可惜太老，而且沒有韓式辣醬提供人客添加，所以不太好味。如果想食，不推介這個，叫石頭飯會比較好味。最期待就是紫菜卷$43可惜味道亦令人失望，整體感覺太硬，飯好像放了很久，而且4款配菜的味道亦不突出，所以好失望。

今日得10度.....同朋友黎韓國街搵食，早啲食6點就黎到，好處係周圍都多位坐，唔洗等👍🏻行到街尾見到門口放左餐單，價錢唔貴，裝修都幾warm, 小磚屋甘韓式牛肉炒粉絲 set $78, 都幾大碟，唔算辣，幾好豆腐豬肉湯 set $82, 冇咩辣味，普通啦芝士年糕$63，份量足，不錯整體不錯，食到一半，間鋪已經坐滿人不過味道可以再辣啲😌

今晚又嚟到韓國街塭食💃🏻🎉，未食之前已經喺街頭嗰間韓式手卷外賣店食咗個泡菜牛肉卷🌯🌯頂下肚先，因為食過好多間韓式料理餐廳嘅卷物，但都不及嗰間外賣店好食！🤣🤣🤣😅😅😅好！講返呢間，叫家家户户，今次揀邊間純粹係因為環境乾淨同好似坐得舒服啲！呢間同其他附近嘅餐廳都一樣，一坐低，服務員會叫你用紙寫低你要嘅order number, 跟住就好快上菜。一入到餐廳見到左右兩邊枱都叫咗炸醬麵食，仲以為好正啦 ？😋🤤跟住一齊叫冇死啦😑點知中咗伏！呢碟炸醬麵極為普通，好多汁同洋蔥但係原來係完全無味嘅，個麵又太淋，不願置評！🤢🙄錯晒。☠️好在我哋另外在叫咗個海鮮煎餅同簡簡單單嘅牛肉炒粉絲，呢兩個就好食好多正正常常！👍🏻😌價錢都算OK幾十蚊一個set... 唔貴，快餐嚟講可以一試ga...😅😅😌😌