星星 Pho Cha

Open Now

Now Closed

有留意開韓流嘅朋友仔都應該知道，韓國人好鍾意一邊用餐一邊小酌怡情。雖然我同幾位姊妹都係韓迷，不過大家都酒量淺，即使係酒精濃度唔太高嘅米酒，都唔太受得。好在佢哋早前好細心為唔識會飲酒嘅女仔著想，推出果味米酒，等我都可以同班好姊妹微醉地談談心，同米酒嘅味道最match就係香蕉味，今晚喺呢度都飲到，好開心。有米酒相伴，就可以盡情食辣野，叫左碟辣炒八爪魚，八爪魚堆到滿滿的，咬落煙韌彈牙，香濃辣味中帶住鮮甜滋味，的確好辣好惹味，辣到噴火、辣得很爽，令人非常回味……再嚟大大碟韓式粉絲雞煲，好適合秋冬天食，熱辣辣香噴噴，大大件雞肉沾滿汁醬，無乜骨食得更開懷，粉絲勁有口感，飽肚感十足！

今日上韓文堂，老師剛好教到韓國料理的講法，於是落堂後就跟同學仔來這裡實習兼開餐。芝士炒年糕：韓式辣醬的色澤鮮亮，看起來就令人食慾大增，年糕口感軟糯彈牙，配上香辣的醬汁及味道濃郁的芝士，好搶手。烤熏製鴨肉：烤出帶陣陣獨特煙熏木香味，皮薄脆，鴨肉脂肪均勻、嫩滑鮮味，夾生菜食即可平衡油膩感。韓式粉絲雞煲：近年香港人都紛紛迷上雞煲，韓式做法你又試過未？汁底甜甜辣辣，粉絲索盡所有汁的精華，雞件大大塊，入口又香又辣，配埋薯仔、蘿蔔、洋葱等配菜，非常豐富和惹味，佐飯也會相當不錯。