飛陽砂鍋粥潮州打冷小廚

Open Now

Now Closed

老媽出名要求高, 唔知帶佢食咩好, 就帶佢去雞地食街任佢揀. 竟然媽對打冷店情有獨鍾, 更意外的是原來元朗國有黃打冷店. 由於是週末晚上, 都要排隊入坐, 坐門口位, 好彩下午落完雨不是太熱. 餐牌食物多到令人選擇困難😂鹵水鵝真係好彈牙有口感, 重要俾隻鵝髀我哋, 性價比超高👍🏻 阿媽至醒, 知道碟底有鹵水豆腐同花生韮菜豬紅好惹味, 又嫩滑. 汁底可以當湯飲埋😋椒鹽脆炸三寶~魷魚豆腐九肚魚. 火喉剛好, 外脆內軟.蠔仔粥超多料, 蠔仔多到呢🥰

今晚到左晚餐時間，每晚都係幾個朋友你眼望我眼話唔到去食d乜，今晚好彩難得有朋友提出，話去親戚開去潮洲菜館一試，今日一行五人轉戰元朗。    落到元朗雞地，依到泊車好方便，附近都設有好多既咪錶位，泊完車行唔夠一百米，就已經到餐廳門口，隨便望望，依間餐廳同一般既潮洲菜館，係裝潢，佈局都大致上相同，簡單講就係正常既逼逼夾夾。    坐低，一行五人都有d胃口，叫左七菜一湯，慢慢品嚐依個豐富既晚餐，過左一分鐘到就開始上菜，一開始上到枱既當然係潮式大眼雞，韮菜豬紅同滷水拼盤。    大眼雞非常鮮味，肉質實，而且夠大條，絕對值得再食。而豬紅同滷水拼盤就普通小小，兩樣都唔夠入味，豬紅咬落去更會覺得「太實」，而兩樣既佩料：辣椒油，白醋，都做得同一般潮洲菜館唔同，辣椒油比較似桂林辣椒醬，白醋就酸味較濃，夾唔夾就見人見智。    之後既菜：有去到邊都無特別既魚肚羹，霸王雞，同埋一樣唔夠入味既涼拌魚皮，而最後兩樣「炒通菜」同「蠔餅」算得上係依餐最好食既菜式，炒通菜就夠晒濃味，食落有新鮮菜先有既爽口感。蠔餅入面夠晒多蠔，而且炸到啱啱好，唔會太硬，食落口感當然一流。    依餐價錢方面就算抵食，叫左八樣野，飲品白