Pillowtalk Restaurant & Bar

Open Now

Now Closed

依頭都幾多食店 今次搵左間西餐食😛 環境好有美式酒吧feel～～特別係門口既吧枱位 好有fu😚 Menu選擇唔算太多 除左西餐burger仲有串燒 最特別應該係多款手工啤同調酒👻.◽️頂級安格斯肉眼配薯角 $198大大塊肉眼😍 油脂比例剛好 食落有牛香之餘 肉質軟嫩有肉感同juicy且唔會過膩🤤 點埋個燒汁味道更香口 薯角形狀很可愛 仲炸得好香脆～.◽️fusion避風塘軟殼蟹意粉 $128軟殼蟹份量好多同啖啖肉 炸到金黃色 炸衣唔會太厚 食落都幾香口😚 mix左避風塘有蒜香之餘帶點微辣又幾惹味🤤 意粉幼滑得黎有油香😚 .◽️菠耶菠蘿咪 $88最特別應該係佢d調酒 每杯都用唔同style杯裝😛 我就揀左依個西面婆婆🤭 酒香之間夾雜住菠蘿果香味 都幾大杯可以慢慢chill下～.總結Cocktail造型實在太可愛 會忍唔住要order🤭 質素同環境氣氛都好唔錯 好有情調😍 慶祝黎就岩晒 而且定價都算正常🙆🏼‍♀️ 幾推介desu

今日同朋友打完針，要食返餐好嘅補充體力！我哋篩選咗幾間餐廳，最終揀咗呢間<PILLOWTALK>貪佢夠哂有氣氛，可以慢慢食、慢慢傾！呢度有好多款香港手功啤酒，最衰我哋打咗針，唔可以飲酒！🦪芝士燒蠔（2隻）生蠔嘅size有手掌咁大，但蠔肉唔算大粒，不過不失！入口質感夠滑，芝士醬味道唔鹹，而且帶點甜。開胃小食都算唔錯！🦞波士頓龍蝦意大利飯半隻帶多膏嘅龍蝦，龍蝦鉗夠大隻！肉質鮮甜，而且無雪味！意大利飯夠稠身，咬落有𡁻口，呢個口感會令人越嚟越想食！🐮頂級安格斯肉眼配薯角今日適逢薯角賣哂，改為薯條，無問題啦！安格斯肉眼個size都算大塊！我哋order咗七成熟，但切開差唔多全熟！好彩入口唔算靭，而且牛扒就算唔點汁都已經夠晒入味！我鍾意❤️

🔸Fusion蒲燒鰻魚水波蛋漢堡 $128🔸頂級安格斯肉眼配薯角 $188🔸白汁芝士焗大蘑菇 $58.繼續攻陷大西北地區搵好嘢食😂雖然遠離食店嘅中心地帶，但依間西餐廳仍然係滿座啊！試咗份肉眼扒，叫五成熟但上枱過熟，但係牛味出眾，少少肥膏有油香，而且份量好足有成一隻半手掌咁大。鰻魚漢堡嘅鰻魚係成條上，賣相超剎食啊！而且燒到外皮有少少脆，好好味。最後要特別推介焗大蘑菇，咬落去必晒汁，而且白汁調味剛好，加埋芝士簡直絕配，依味係出乎意料之外咁好味！如果唔係聽日仲要返工，一定會叫埋cocktails飲吓chill吓啊！

和男友放工後來到屯門呢間有情調餐廳慶祝拍拖紀念日。難得平日呢個時間餐廳都有不少客人，證明食物質素不錯，所以能留住不少熟客。餐廳入面有少許board game可以借來消磨時間，而雲石餐具亦看出老闆花了不少心思在擺設上。 頂級安格斯肉眼配薯角(五成熟)$178:上枱時隔住口罩都聞到蒜香味，事關肉眼表面上有好多蒜片。塊安格斯肉眼好大塊。而配薯角大大條，十分香口，外脆內軟薯仔肉，點少少茄汁更開胃。香草醬法式羊架配薯角(七成熟)$168:羊架有三大塊，羊味濃，肉質鮮嫰多汁，不會有很多難咬羊筋。加上伴碟香草醬醬夠清新，而伴碟生菜、磨菇片亦很JUICY多汁。個人認為羊肉比肉眼更出色，食物質數確不錯，不愧是一間有情調高質西餐廳。

難得來到大西北 當然要覓食一下 今次來到開飯上很多好評的西餐廳原隻波士頓龍蝦配薯條🧀原隻龍蝦佈滿芝士超吸引 還帶點拉絲的感覺🦞龍蝦肉彈牙 還有滿滿的龍蝦膏 很邪惡 膽固醇要爆標了🥗伴碟的沙律菜新鮮 沾有我最愛的芝麻醬🍟薯條是幼身的那一種 炸得脆身不油膩 但個人較喜歡它的薯角頂級安格斯肉眼配薯角🥩肉眼點了五成熟 生熟程度剛好肉眼偏薄身 但不會韌 調味剛好 配上蒜片很香口 但肉眼放涼了會有點柴 幸好側邊還有醬汁可沾🍄除了新鮮的沙律菜 伴碟的還有炒得頗香的菇🍟薯角足料飽滿 炸得很脆 帶點酥酥的口感 即使放久了還帶點脆身餐廳環境舒適 氛圍不錯 適合和朋友和情侶聚一聚 店員服務態度也很不錯 星期五來到餐廳很full booking 大家想吃還是預早book定較好

暢懷盡興pillow talk 真係冇諗街隔紅橋最多食店嘅一兩條街， 而有間有氣氛嘅Bar/西餐廳。和朋友一起。 朋友叫了頂級安格斯肉眼配薯角 我真的叫了fusion蒲燒鰻魚意大利飯 我們加了35元去upgrade。變成有餐湯或沙律(二選一)、蒜蓉包、甜品同餐飲。蘑菇湯是用真蘑菇去製作而成，我一向喜歡這種蘑菇湯多於連鎖式餐廳那一款。 朋友說他的肉硬多汁軟淋。 fusion蒲燒鰻魚意大利飯， 有一整塊圖中鰻魚。 下面的意大利飯也份量呀。 意大利飯口感剛好，不會太軟也不會太硬。 而且沒想到蒲燒鰻魚和意大利飯可以這樣夾， 醬汁融為一體， 不會感到強硬合在一起。  飲品可以再加錢轉做酒或手工啤酒。 我們同樣也轉了手工啤酒再多叫了一支。 在這裏吃東西日間的煩惱也消失了。

自九龍女因為認識了屯門仔，自此發現了屯門有好多好西食！星期四的晚上８時多，這家隱世西餐廳門外仍有不少人群等待座位進膳，而且在我倆等候的期間，都有不少人在查詢等位的時間，這令我們都非常驚訝！從餐牌上看都是一些普通西餐廳應有的菜式，門面的裝潢也未見其吸引力之處，不過羊群心理下，我倆也跟隊輪候，一探其吸引力之處！環境：簡單的佈置，我不記得餐廳是否有播放音樂，但只記得即使對座，談話都不需要很大聲，環境非常舒適。食物：點了1款主菜及1款飯類，並加了$35跟了湯／沙律，蒜包及甜品。前菜的份量及質素算是不錯，特別喜歡沙律是用上芝麻醬，非常好味！主菜：頂級安格斯肉眼配薯角這道真心覺得好味，五成熟，不生不熟，煎得剛剛好，上面加上蒜片，非常香口！亦不得不讚配角的　—　薯角，新鮮炸及翻炸確是有分別，薯角入口仍有餘溫，外邊片非常脆口，正！飯類：龍蝦汁海鮮意大利飯意大利飯煮得不會過生過硬，汁亦適中，龍蝦汁不膩口，而且份量剛剛好，真心覺得好味！甜品：Tiramisu嘩！這Tiramisu入口即溶，曾經試過一些Tiramisu是溶到似水裝的，但這家不會，ＹＵＭ！！總結：終於明白為何於平日時間都如此多人進膳，因為此家

去屯門和朋友食晚飯，發現紅橋盡頭，即威震全港的龍床盤青雋附近，開了一間裝修相當不錯的西餐廳。餐廳環境頗舒適，裝修不俗，燈光昏暗有格調，適合傾計聊天。我們點了二人餐。Daily Soup and Salad頭盤有沙律。沙律口味適中，青瓜爽口；各種蔬菜菜還算新鮮，而且還算爽口。 另外還有餐湯和蒜蓉包。餐湯夠香，而且都夠濃夠滑，不錯的前菜。頂級安格斯肉眼配薯角 ($148)先說牛扒，點了七成熟，都算大分，有一定厚度。牛肉品質不錯，不過煮得偏熟，個人覺得七成更似全熟，油脂足夠，有肉香味，不會太老，幾好！配菜方面，薯角都唔少，香脆可口，都好多粒下喎。 Fusion蒲燒鰻魚水波蛋漢堡 ($92)另一款主菜是Fusion蒲燒鰻魚水波蛋漢堡。我自己之前就未見過呢種漢堡啦！燒鰻魚送來時已經傳來一陣香味，一大塊鰻魚就在漢堡，鰻魚香滑，還有水波蛋和一些燒汁，切開雞蛋立即成為流為流心，，蛋算嫩滑；但傳統的漢堡扒相比，不能說不好，只能說欠了一些口感，但還是不錯的嘗試。Desserts當日甜品是Tiramisu，是我喜歡的甜品之一。Tiramisu尚算香滑濃郁，可以接受。餐廳整體質素不俗，環境舒適，食物價格合理，

最近相約友人係屯門食飯 無意中見到呢間餐廳🍴名幾特別 雖然對港島人黎比較遠😹但價錢都唔貴 餐廳佈置氣氛都好有格調 叫左兩個main upgrade 做set會有湯 沙律🥗蒜蓉包🍞同甜品湯係攪碎既蘑菇湯 啖啖都有蘑菇粒 濃郁但可以稠身小小口感會更好 蒜蓉包焗得好香脆卜卜 蒜蓉味再重啲會更好 👍🏻食到一半主菜就到 而且擺碟非常吸睛🤩美式bbq豬仔骨配薯條 $128Ribs係本人最愛所以係必叫！🥰一黎到就心心眼😍足足仲長過友人手臂💪🏻而且仲比我自己本身20cm長既手更大！份量好多好抵食！出面食一份ribs最少都要200up 呢個真心推薦！👍🏻表面佈滿甜甜既燒烤汁 係ribs底下既係薯條🍟都沾到啲sauce🤤而且啲肉既份量唔會得小小同全部骨 啲骨係好幼身 所以係啖啖肉整好嫩口😋多到差啲食唔晒🤣頂級安格斯肉眼配薯角 $138薯角係超肥美🤪大條口感外脆內軟 而肉眼扒一開頭落單叫左5成但最後變左7可能係聽錯左但聞落好香味道不俗😬配左黑椒汁 切落冇血水整體會比較乾身 口感煙韌🤔是日甜品係好似骰仔咁既tiramisu 仲擠左朱古力醬係面so sweet😛蛋糕🎂比較濕潤 乾身啲口感會更好

呢日放左半日假, 黎左屯門搵個朋友~本身唔熟屯門, 就等朋友帶我四圍飲飲食食啦朋友話帶我黎食西餐~行到黎門口已經覺得餐廳幾有格調幾有feel!真係有pillow 喎!店員安排左我地坐高枱. 估唔到呢D位都可以坐得好舒服揀野食先!D menu 識發光咁, 好型!Drink Menu~前菜: 沙律、法包、菠菜湯首先黎左前菜先, 菠菜湯好特別呀法包好脆好香口!頂級安格斯肉眼配薯角朋友無牛不歡, 揀左呢個安格斯肉眼塊扒好大塊呀! 配菜仲有菇叫左5成熟, 岩岩好!入口嫩滑多汁, 重牛味薯角熱辣辣, 岩岩炸起好正!FUSION蒲燒鰻魚水波蛋漢堡鰻魚水波蛋漢堡呢個組合對我黎講好新鮮!個水波蛋整得好靚呀! 條鰻魚好長, 誠意十足望住半熟既蛋漿流落黎, 真係流哂口水DKLM好特別既飲品名側邊仲掛左頂草帽好得意, 飲落又幾清新!Summer Break Up我就揀左杯Summer Break Up將Mango, Coconut milk, milk集結為一身, 味道好新奇, 正呀!個杯好cute!總括黎講食物好高質! 坐得好舒服~店員服務態度不錯

因不時探望住在屯門的婆婆，所以一向都有在屯門覓食的習慣。那晚上相約媽媽到景峰輕鐵站附近試新菜餐廳名子吸引我慕名而來，彷彿與友人在餐廳裡談心有如與枕邊人悄悄說心底話一樣得到心寧滿足，我想應該是一個可以把酒談心，促膝詳談的地方鋪位位於小巷內，所以餐廳內外環境寧靜，灰黑色裝潢在暗黃色的燈光及輕聲的音樂襯托下，顯得份外柔和及心境沈實意外地餐牌有自動感應，打開餐牌會自動亮燈，並非平板電視，而是紙餐牌放在光管底板上使餐牌亮燈，在昏暗燈光下確實有用武之地。最後決定點2個主菜並加$30升級至套裝有是日餐湯/沙津、蒜蓉包、是日甜品及茶或咖啡餐湯很足料所以味道到位，湯中滿佈蘿蔔絲、菜、番茄皮及牛肉絲，全部食材都炆至腍身，除了番茄味外還帶有淡淡牛肉味，而且辣度剛好不會在喉嚨有灼熱的餘韻，令人回味的餐湯為晚餐揭開好的序幕另一套餐選擇了是日沙津，食材尚算新鮮但略嫌較乾身欠缺水份，內裡有沙津菜、青瓜、番茄、桃及麵包糠粒並撈日式芝麻，這算是個不死配搭吧餐包選用了脆身餅條，再加上蒜蓉粉及調味料在餅身，做出蒜蓉包之味道，但始終餅乾與麵包有別，選用蒜蓉餅還是欠缺了咀嚼感及麵包獨有的香甜味其實鰻魚漢堡已經不罕見，早前在元朗