牛品台式火鍋

Open Now

Now Closed

🫧天氣漸變寒冷，最啱食乜嘢？梗係打邊爐最好不過啦！難得放星期日，熊妹今日中午就拉埋樹熊去到尖沙咀《牛品》圍爐取暖下先！📌位於尖沙咀樂道中間，就係A出口向海港城方向行一個街口就係。中午12:00開門，就可以食午巿。原來係樓上雅座，上一層樓梯就係餐廳，面積好大，好多梳化卡位🛋️，好多四人座位，中間就係擺放任飲任食區嘅食物同飲品。📌喺門口就先揀選想食嘅套餐同埋湯底🍲，樹熊鍾意食沙嗲又鍾意食海鮮🦑，沙茶海鮮湯底就啱晒佢。入到去就係等店員拿來火鍋湯煲，與此同時就可以出去攞食物同飲品，爭分奪秒呀嘛😆。📌任食自選區有多款蔬菜🥬同丸類🍢，娃娃菜、白菜仔同埋油麥菜都係熊妹最愛❤️，另外仲有冬菇🍄‍🟫、雞髀菇同埋金菇，丸類方面：台灣花枝丸同香芋包心貢丸都好吸引🤩！📌話明過嚟打邊爐取暖，梗係食長啲時間啦，揀咗120分鐘午巿吃到飽套餐，有牛上品，牛極品同埋牛御品，價錢貴啲就包多啲野食。揀個最貴嘅套餐 - 牛御品$308一位，食盡佢啦，星期五、六、日、假期及前夕加$20。120分鐘午巿吃到飽套餐 - 牛御品，$308🐮澳洲M9和牛和牛雪花❄️分怖均勻，肥肉位唔多，恰兩恰就溶化掉，夠瘦岩哂熊妹。🥩美國特級牛小排牛小排肉

餐廳：牛品台式火鍋地點：尖沙咀樂道菜式：台式火鍋放題餐牌：晚市放題有120分鐘，唔同餐做唔同價錢，包唔同種類數量肉類，唔同時間做唔同價錢。10款湯底包括元氣養生鍋、酸菜白肉鍋、牛品麻辣鍋、蕃茄濃湯鍋等。今晚食牛御品餐，平日6點半前入座$319一位另加一。蟹鍋湯底我地揀左呢個季節限定蟹鍋，一隻鮮蟹另上，真係食得出既鮮味。湯底本身鹹香十足，有連殼蜆仔、薑片、葱條等，用黎打邊爐夠嗮味，而且飯後唔覺口渴。鮮活鮑魚每位送鮮活鮑魚一隻，好大隻，連殼上，真係非常新鮮彈牙。QR code落單食物包括：美國牛小排：一盤兩大片，長身，帶適量脂肪，食落又嫩又有牛味美國頂級肩胛肉：一盤三片正方形切割，邊位脂肪多少少，同牛小排一樣好食美國封門柳：一盤兩片蝴蝶形切割，好厚切，唔多脂肪，不過都好嫩口！健康得黎又好食！澳洲M9和牛肩胛肉：一盤三大片，同美國牛小排、美國頂級肩胛肉一樣好味。第一盤仲用圓形大碟上枱，方便打卡！精選美國牛胸腹加拿大頂級牛板腱牛脷心托一口和牛：好大粒，啖啖肉新西蘭羊卷肉：一盤兩片，好嫩，好重羊酥味西班牙粟飼豬梅肉：一盤三大片，脂肪多，所以好爽脆，豬味濃西班牙粟飼豬五花花雕醉雞件青口蝦蜆：雖然細

喺尖沙咀想過下口癮食火鍋，發現呢個牛品午市定食套餐～價錢最平都只係$128/60分鐘，如果想食得輕鬆啲唔使咁趕，揀75分鐘價錢都只係$148，性價比認真高🤩牛品嘅火鍋湯底非常豐富，多達十款選擇，更有特色台式湯底😍而且提供不少台式小食：滷水蘿蔔、蒜泥拍青瓜、雞翼尖等，仲有肉燥同白飯任裝🤣飲品款式有自家冷泡茶，更有甜品吧DIY芋圓糖水～入座時選擇套餐同湯底，就可以打返個台式邊爐！🥢75分鐘午市定食套餐 ($148)🍲湯底 - 牛品麻辣鍋牛品麻辣鍋賣點一定係台灣直送嘅麻辣鴨血😍鴨血吸盡麻辣精華，食落好Q彈，口感一流！不過呢個湯底揀小辣都幾辣下，唔係太食得辣嘅要留意🙈🥩肉類每人任選三款，兩個人總共揀咗五款，分別係▷ 美國特級牛小排 x2▷ 美國頂級牛肩胛肉▷ 加拿大頂級牛板腱▷ 新西蘭羊卷肉▷ 海鮮拼盤肉類當中，美國特級牛小排同美國頂級牛肩胛肉最重牛味，而且口感軟嫩，肉質食落一啲都唔韌～呢個價錢食到如此質素嘅牛，性價比💯海鮮包括紐西蘭青口、海蝦、沙白，全部都好新鮮，沙白仲幾大粒😍🥬自助食品區供應大量丸類、蔬菜、麵類及熟食，種類繁多😍如果你都係嗌麻辣鴨血鍋，強烈建議拎王子麵！麵條配湯底一齊食，掛

2021年12月17日(星期五)早幾日見到尖沙嘴開左間新既台式火鍋店，有開張優惠，網上又非常順利就book到位，就同朋友去試試。餐廳位於係樂道中段，iSQUARE後面，MTR上路面後5分鐘步程，非常方便易搵。由於我早入座(6點左右)，餐廳內客人唔算多，環境布局亦唔錯。肉類、少量海鮮、台式美食、台式餃子係掃QR code後用手機落單。除左一開始個湯要等大概10分鐘，落單一般5分鐘左右就送到。食物點幾多就黎幾多，未見有扣起或者拖時間，而且伙計收空盤速度好快，服務值得一讚。肉類推薦M5和牛肩胛肉、安格斯牛板腱、紐西蘭羊卷肉。肥瘦適中，肉味濃，又有油香。台式美食都各有特色，只係款式比較少。台式餃子有幾款，個人覺得一般。外面醬料區有醬油、辣醬、炸蒜、蒜蓉、蔥、沙茶醬、蔴醬等等，全部有蓋，感覺非常衛生。另外有自助食物區，有幾款菇類、幾款蔬菜、幾款丸類、台灣豆腐、粟米等等。亦有飲品雪櫃可以任攞罐裝或包裝飲品，有多款汽水、荔枝烏龍茶、菊花茶、麥茶等等。如果想飲珍珠奶茶或其他特飲可以另外加錢order。由於新開張有優惠，可以免費升級放題套餐，最平套餐本來唔包和牛，升級後就包澳洲M5和牛。雖然薄切，不過勝