Le 188° 餐廳及酒廊

Open Now

Now Closed

星期一同老公係台北返香港後一齊放假，夜晚去北角港島海逸君綽酒店Le 188° 餐廳及酒廊食飯補祝結婚三週年紀念日。之前係chill eat book左7:00食，埋單$981.6，環境好靚，全玻璃設計，望到閃閃發光既維港夜景，可惜食物質素相對普通，無乜特別，主要食環境同氣氛。每人有一杯welcome drink，揀左紅酒同橙汁。餐前麵包有三款，青醬幾好食，唔夠可以再加。餐前小食係日式磯煮鮑魚，幾煙韌，唔會似橡膠甘。焦糖牛骨髓伴雞軟骨沙律,牛肝菌及牛他他配烤麵包和南瓜牛他他無乜味，牛骨髓應該可以再好食啲。蟹肉他他、香蔥油和海鮮雞尾酒醬汁正常發揮。湯係椰菜花忌廉湯，椰菜花打得好幼細，無椰菜花粒粒，仲有啲松露味。香烤澳洲羊臀肉配蘑菇餡餅、芝士汁、森林蘑菇和青蘆筍羊肉叫左七成熟，肉質都幾嫩滑，無乜羶味。地中海鯛魚配粟米餅、野菌和青蘋果醬鯛魚幾新鮮，少少彈牙，魚肉都滑身。甜品係咖啡朱古力棒，另外book枱既時候留左remark係甜品碟上寫Happy 3rd Wedding Anniversary，估唔到餐廳另外送多一個lava cake，並係上面寫字。Petit Four有果仁朱古力、朱古力味同

今次 staycation經kkday 訂嘅，最初係睇中呢間餐廳，成個pkg包左Le188午餐，下午小點，cocktail同早餐buffet。（可惜疫情關係 早餐已經轉左一份份咁上，唔再係自助形式 冇得瘋狂食食食🥲講返重點 我哋最期待嘅午餐☺️☺️餐廳係酒店最高層41樓，一入到去全部落地大玻璃，正如餐廳名一樣188度沿海景色映入眼簾，超正！😍😍坐低落單冇耐，職員就送上熱辣辣嘅餐包，附上橄欖油，牛油同香草醬。個人就比較中意個香草醬，相對地清新一啲。前菜原先餐牌上有個龍蝦球係幾吸引嘅，但係當日禁岩轉左個油甘魚沙律，聽落都唔錯決定一試。碟沙律一上到黎，即刻影返張相先！先唔講味道 賣相一流，成副畫咁 果然冇決定錯😍油甘魚味道清甜 岩晒做開胃菜，食落都唔會話好唔新鮮。更令人期待下一道菜。是日餐湯蘑菇忌廉湯，冇乜特別唔會話有太大驚喜🤔但係都好夠熱，同埋相對地杰身濃郁啲👍🏻終於嚟到主菜我就嗌咗個牛肝菌意大利飯。呢度嘅廚師果然好注重美感，食物都擺得靚一靚嘅，打卡一流🤣🤣個飯相對地比較硬身少少 味道就比較淡一啲勝在有個牛肝菌搭夠。甜品對於雪糕控嘅我來講當然係揀佢啦💁🏻‍♀️💁🏻‍♀️兩大球Movenpick雪糕

由法藉大廚主場的 le 188，出品向來都有水準，碰巧外地返港的朋友正住在港島君綽酒店，大家同意取近捨遠，重聚晚餐選址在酒店頂樓的 le 188 餐廳酒廊。 飯前大家刻意走到42樓平台欣賞無敵維港夜景，這兒只供住客進入，難得的機會。 高居林下，五光十色，維港夜景真的漂亮，未到八點幻彩詠香江，奇怪見到不少大廈在投射燈影，後來想起旅遊協會今年特別舉辦聖誕維港閃躍維景燈影展，想必正在練習。 三面落地玻璃188度無敵海景，再配合現場鋼琴演奏，氣氛非常寫有格調。 吃要時令，我們就在秋冬松露菜精選中選擇。 餐前麵包 首先值得一提再提，建議必吃墨汁麵包，因為內藏一棵新鮮無花果，新鮮的果甜已經足夠為外脆內軟的墨色調味。而三款蘸醬中我最愛塗香草醬，另外兩款是黑橄欖醬及牛油。 Canadian Scallop Carpaccio 加拿大帶子薄切配黑松露及榛子香草醬 松露之珍貴在乎它的香氣，配襯的菜式適宜輕巧。 薄切帶子鮮甜味清非常合拍，加上幾粒榛子碎粒倍添口感，香草醬清香亦夾，但當中的芝士片似乎過重，有點喧賓奪主之感！ Dutch Veal Tenderloin Tartar 韃靼