CAFÉ LANDMARK

Open Now

Now Closed

我哋一家人每次黎親都係叫差唔多同樣嘅餸，尤其是係呢度較為出名嘅龍蝦意粉😋。餐牌好多選擇😮仲有其他頁冇影到，但係我哋都係照叫同一碟餸🤣叫完嘢食，先嚟個🥖餐包。啲包熱辣辣好好味，皮唔硬。🌟波士頓龍蝦意大利幼麵 · 龍蝦忌廉汁［改番茄汁］（$290）我同阿媽都叫左同一碟😁本身呢度嘅龍蝦意粉係跟白汁，但係我哋比較鍾意番茄汁所以叫佢改咗😁意粉係我最鍾意嘅嗰種，比較幼同埋薄，唔會煮得太腍。龍蝦嘅份量算大，廚師幫你起埋啲龍蝦肉出嚟，切到一粒粒，撈埋係個意粉裏面好腍，有啲可能會熟過頭。我個人覺得番茄汁唔夠蕃茄嘅酸味，可以加少啲糖。整體來講係我食過最好味嘅龍蝦意粉，又抵食，一定每次再嚟都會食呢碟😍法國鵝肝意大利麵 · 蕃茄肉醬（$200）抵食！真係一粒粒鵝肝，唔係鵝肝醬。本身係跟意大利麵，但係啲細路轉咗做長通粉，份量都係俾足，但係醬汁唔夠。賣相亦都做得唔夠細緻。燒和羊架 · 蔬菜 · 羊肉汁（$320）羊架都有三舊，肉都幾腍同埋有啲粉紅色。個人覺得配菜冇乜心思去整，整淨係淥過啲菜，紅黃椒都係生嘅。我哋打算叫兩種甜品一齊share，第一次食佢呢度嘅甜品叫咗：心太軟 · 雲呢拿雪糕（$80）心太軟裏面啲朱古

諗住黎試下cafe landmark好耐有次去完中環 終於同幾個朋友一齊食左去到門口，因為有朋友有優惠想問清楚可唔可以用先入位，門外接待已經唔係好友善入到餐廳坐低侍應又有啲催落單感覺唔係太好畢竟置地係甲級商場，餐廳本身定位亦唔係好casual嗰種我地期望服務態度係更好餐廳提供餐包餐包質素好好，外殻好脆亦唔會過乾包芯好軟熟同好有麥香雜菌意大利飯唔係特別出色，意料之中嘅味道唔需要喺呢間餐廳食都得，慳返啲錢試下其他食物會好啲之前已經聽聞過cafe landmark嘅龍蝦意粉廣受好評果然聞名不如見面主角龍蝦熟得啱啱好，肉質結質味道鮮甜意粉彈牙白汁好香龍蝦同忌廉味，如果落少啲忌廉去突出龍蝦味會更好宜家個汁有啲太膩但整體都係好食呢個西冷牛扒完全係意料之外地好外面焦香，入面粉紅有肉汁肉質腍得黎唔削，肉味好香唔知係廚房火侯控制得好定用左慢煮機煮完再煎封煮得好好有機會會再食 或者試下surf and turf整體黎講食物質素中上檯與檯之間空間好多，雖然係開放式餐廳但客人同週圍環境都安靜，幾有私密感店員服務態度則可以改善，如果唔鐘意做街客可以去做會所打得開門口做生意就唔好對生客態度差始終收得呢個價錢都唔係