帕維亞意大利餐廳

Open Now

Now Closed

帕維亞意大利餐廳九龍城打鼓嶺道85號地舖Score 分數： A講到九龍城，大家諗起d咩？泰國菜呢？講真，除左小泰國城，大家有冇想像過有高質西餐可食？ 老實講，我一d都冇諗過.....就好似出奇蛋咁，少少出奇，又冇咩驚喜，試左就有另一番風味 咁囉…今日介紹返一間九龍城食西餐嘅少高質小店。小店有咩好？好處就係老闆娘親自落場，非常親民還會講下笑添😂對於選食咩好方面，大家先睇餐牌，然後就.....同老闆娘講想點配，就得架啦～價錢佢地會貼返個巿價講你知幾錢。例如：意粉用咩配（芝士／茄汁）主菜（帶子／牛／魚 咩咩～）講到個環境，認真優雅，同朋友聚一聚、追男女朋友 或者 想要好氣氛就一流啦～講到E度，講重點啦～ 得閒行開可以去試下，不過關注我先係最重要，因為我時時都會介紹好野比大家😂

Pavia位於九龍城多年，係一間充藝術氣息而又令人感到溫暖既餐廳。餐廳內牆身和掛畫係一系列廚師和服務員的可愛繪畫；還有現在因臨近聖誕節，餐廳亦佈置了聖誕老人和雪人的擺設。主廚會去每張枱同客人聊天，言談間我完全感受到主廚對呈上俾客人既食物既高要求和原則。其實我真係好鍾意餐廳既主廚會出黎同食客互動，我覺得真係好有heart！餐包有蒜蓉包和芝麻包，配備牛油自用。包暖粒粒，所以味道和質感很好。蕃茄水牛芝士沙律配新鮮紫蘇 $128必點菜式！！水牛芝士軟身，蔬菜新鮮，仲有新鮮既紫蘇葉，味道非常美味。原來呢款沙律係要有新鮮紫蘇配搭一齊食先夠perfect，但出面其他餐廳都無落到新鮮紫蘇，因為要好好保存新鮮紫蘇不容易。焗法國田螺 $98餐廳有提供田螺夾，方便食用。田螺軟度適中帶有點彈牙，田螺底下係一層滑綿綿薯蓉，好味道！煙肉辣肉腸Pizza $128係small size 8"，切開4塊，有煙肉碎，辣肉腸，仲有馬蘇里芝士。馬蘇里芝士係淡芝士，我覺得都幾適合用於pizza上，而且仲做到拉絲效果～～大蝦忌廉汁意大利飯 $268好正宗既意大利飯，軟滑但中心仍保留些微硬度，整體好creamy。兩隻大蝦在上面，

九龍城又被稱為小泰國，不過今次就唔係食泰國菜，轉轉口味試吓意大利風味🇮🇹.「Pavia」位於打鼓嶺道，雖然地方唔大但內裡相當精緻❣️橙紅色牆配上昏黃燈光，其中一幅牆身更畫上壁畫🌈好似去咗意大利家庭式經營嘅小餐館咁☺️.🍴餐包芝麻包+蒜蓉包，呈上時仲暖暖地😚芝麻包嘅芝麻香非常突出，配上橄欖油&黑醋食好好味😋.🍴蕃茄水牛芝士沙律💰$128傳統意大利前菜🥗沙律紅白綠嘅顏色就正正係意大利國旗嘅顏色🇮🇹蕃茄配Mozzarella好清新，仲有淡淡的羅勒香味🌿加少少鹽吊味啱啱好😋.🍴龍蝦濃湯🦞💰$78冇改錯名真係好濃郁😆入口好香龍蝦味且非常Creamy😍湯裡近又大大粒龍蝦肉，彈牙爽口😙.🍴北海道帶子藏紅花忌廉汁意大利飯香港食過嘅Risotto 普遍都偏軟身，但呢度真係似正宗Risotto嘅感覺，米身偏硬且有咬口🥰意大利米吸收晒忌廉&湯汁嘅濃郁味道，加上蘑菇、洋蔥輔助下香氣逼人🤩帶子煎得剛剛好，鮮甜又彈牙😚絕對係一碟高質嘅意大利飯👍🏻.🍴燒西班牙紅毛豬骨💰$318預先切件呈上，按店員建議先就咁食一口，然後再蘸特製黑醋醬😌第一口非常重肉味，肥瘦適中帶陣陣油脂香，肉質軟腍😍第二口蘸上特製黑醋醬後，黑醋醬嘅酸甜

呢間意大利餐廳氣氛好懷舊，感覺都幾平民化。先點一份餐包，牛油好香滑，蒜蓉包外脆內軟，牛油味香濃不過蒜味就比較淡。芝麻包焗到好香芝麻味，外皮香脆，內裏鬆軟。Prosciutto e Rucola(意式風味薄餅）🍕- Pizza 配料豐富，有巴馬火腿，水牛芝士，蕃茄，火箭菜，馬蘇里芝士- 呢個係10吋，都幾大塊，4-6人share都可以，芝士有拉絲效果，餅皮香脆- 芝士鹹香味濃，加埋巴馬火腿鹹咗少少- 餅底比較乾身，建議可以加返少少蕃茄汁醬或黑油醋汁

自己係九龍城工作左一段時間，都無發現原來有一間意大利餐廳係九龍城。一次巧合朋友約我去九龍城食呢間餐廳，第一次去意大利餐廳食飯有啲期待。餐廳門口裝潢簡單，但係餐廳內裝修好有異國風情，店內服務員主動有禮，特別係老闆娘。每次所點既菜式上台，老闆娘都會介紹菜式特點，非一般嘅體驗。我同朋友分別點左前菜牛油果大蝦沙律🥗 配有特色醬汁👍🏻 ，牛油果份量好多好。 餐包配有牛油🧈，值得推介嘅菜式係燒西班牙黑毛豬，第一次食7成熟嘅豬肉，味道比得上食上好牛扒，加上酸酸甜甜嘅醬汁非常野味之後再點左份清炒蒜片辣椒意粉🍝，意粉炒得非常乾身，又唔油膩👍🏻 值得下次再去幫襯

九龍城除咗食泰國嘢，仲有好多精緻嘅西餐。Blue Monday同朋友食好嘢叉下電，最後揀咗Pavia一試🤓首先上嘅係白芝麻餐包同蒜蓉包，香脆可口。青口有好多隻😂每一隻都好飽滿，淡淡嘅白酒味配新鮮飽滿嘅青口，滋味無窮。意式風味薄餅，配料有Parma ham、火箭菜、水牛芝士。餅底薄脆，芝士味香濃，令人忍唔住食多一塊😂牛扒好重牛味，肉質好嫩，一啲都唔韌😋伴碟嘅忌廉薯蓉同雜菜都好香好creamy🤤餐廳環境舒適，微黃嘅燈光令人覺得好放鬆。其他客人亦唔會太大聲講嘢，大家都可以喺一個安靜嘅環境用餐🤗

冇諗過九龍城都有咁舒服、又好食嘅意大利餐廳！見到呢間Pavia係Openrice有好多好評，今次預約到黎試下喇！餐廳唔會太難搵，係出面已經感受到係一間安靜舒服嘅餐廳🍴廚師推介嘅餐牌，應該係成日都會轉嘅！叫咗一個Set dinner，另外叫咗一個廚師推介嘅白酒煮青口，二人分享😋餐包好快就熱辣辣送到，其中一款仲係蒜蓉包，兩隻包都好香好好吃😋下一樣上嘅菜就係呢樣白酒煮青口，果然用咗不少時間準備，白酒非常入味，再加上嘅青口夠晒新鮮，咁大碟非常扺嗌，推介！之後就係餐湯，入面有不少海鮮，啖啖肉！龍蝦味亦好重，夠晒認真製作，足料！到咗主菜西冷扒，叫左五成熟，火喉控制得啱岩好，肉非常以柔軟，肉汁夠，個汁同薯泥都非常夾，而且個扒好大份啊。食咗個幾鐘已經飽到幾乎捧住個肚，最後呢個甜品為我哋嘅晚餐劃上完美嘅句號。呢個係紅莓蛋糕，本身都怕會食唔落，但呢個酸酸甜甜嘅蛋糕黎得恰到好處，又有甜野入口，又一啲都唔滯，再加上草莓、藍莓，健康又好味。我同友人都好享受今次嘅晚餐，安靜又舒服，可以好好傾計，而且每碟菜都需時準備，可以慢慢食享受。店員亦不時關心我哋對食物嘅意見，好有禮貌。總括呢間九龍城嘅餐廳非常有值得一試！

今日約左朋友仔去九龍城食個飯聚下舊，我本身都諗住黎九龍城食泰菜，不過朋友仔話佢喉嚨有D痛，所以我們轉左去Pavia食意大利菜。唔知大家會唔會同我一樣係個餐包迷，每次都好期待食餐廳的餐包。餐廳的餐包均暖粒粒脆卜卜。外脆內軟的芝麻餐包，芝麻本身已經好香，加埋軟滑的牛油，又真係幾好食。另外，餐廳仲會提供脆卜卜的蒜蓉多士，多士夠乾身但又唔會過硬。我好欣賞餐廳的蒜蓉多士係搽滿蒜蓉牛油，味道上好滿足哦！為食的我倆叫左一份意式酥炸魷魚圈。餐廳仲會提供新鮮蕃茄醬汁及檸檬比大家調味，令魷魚圈食落唔會有太油膩的感覺。魷魚圈無雪味，仲只係用左薄薄的粉炸。另外，我們仲點左一份夏威夷風味薄餅。Pizza係用薄脆的餅底，加上甜甜的菠蘿、焗香了的火腿及拉絲的Mozzarella Cheese。身為食肉獸的我，當然要叫返塊排食下啦！呢塊燒美國頂級西冷牛扒燒得岩岩好，再加埋香滑的薯蓉，真係好極！最值得一提的係餐廳用了牛油去煎香D瓜菜。牛扒的牛味都幾濃厚，肉質又幾嫩。見到好多枱都有叫到Apple Crumble==============================鍾意我的分享的，我邀請你訂閲我的食評，我會繼續與大家

講到九龍城，相信大部分人都係即時諗起泰國菜了吧，呢間西餐廳係朋友推薦的，網上評語都不錯，同男朋友收工之後過黎食晚飯。本來因為地點關係，確實心裡面都唔敢期望太高，估唔到相當有驚喜，都算係最近食過比較質素高嘅西餐呢，由湯到主菜到甜品，每一樣都滿意餐廳位置唔多，裝潢比較似係啲舊式西餐廳，感覺頗高級，播住輕柔嘅音樂，入座時只有一對情侶，後來到左8點零鐘，都愈黎愈多人，全部都係一雙一對，如果有心食不妨先行預約位置，以免撲空。全店只有兩位店員，但完全唔需要擔心招呼、服務，因為佢地都好細心餐牌方面供應薄餅、意粉、意大利飯、扒類、燒春雞、羊架、三文魚柳、湯、包、沙律等，定價合理，不過就一律單點。如果想食套餐，比較完整的話，可以選3道菜/4道菜的晚餐，包括：頭盤/湯/主菜/甜品、飲品，定價$358/$398。我地各自點左一份三道菜晚餐，非常豐富同滿足。餐包由餐包開始已經感覺到餐廳嘅質素，麵包入口鬆較，微溫，足以融化牛油，蒜蓉包香脆，簡單美味龍蝦濃湯龍蝦湯係飲過當中比較出色的，相當足料，有誠意，夠熱辣辣，裡面有魷魚圈、魚肉、鮮蝦、帶子粒，製作認真，非常新鮮，入口有濃郁嘅龍蝦、蝦味，而且完全唔鹹，單靠食材做

係九龍城買完野好肚餓想搵間泰國野食下點知好多間都要等位行行下見到呢間氣氛不錯又唔洗等既西餐廳就同朋友入左食晚飯入面既氣氛幾好配合住歌劇音樂同黃色既燈光比起播流行音樂更有情調呢間餐廳唔係好大但老闆同老闆娘人都好好同我地介紹有咩招牌菜色老闆娘話佢地既意大利雲吞係經過改良個個食客食完都大讚甚至會再去食多次聽到我地都心動😻最後我地叫左一個意大利雲吞、自家秘製既pizza 同五成熟西冷牛扒點完之後就先黎麵包有芝麻果個麵包好好食外脆內軟而且滿滿的芝麻香之後就到前菜意大利雲吞出場喇皮薄多涵仲有黑松露汁配搭住比起傳統既我更愛呢個改良版雲吞😻💋之後就到pizza出場Pizza鋪滿火箭菜同pizza一齊食感覺好特別幾好食但唔係人人接受到火箭菜既味道當然我例外😂😂😂接住就係西冷牛扒既出現雖然係熟左少少有點硬不過味道唔錯就咁灑d海鹽都已經好食最後有個心太軟甜品食埋佢就好滿足喇呢間既回頭指數幾高會介紹其他朋友去光顧

和朋友路過九龍城找地方食晚餐, 最近吃太多泰國菜所以不想再吃~ 最後去了Pavia吃意大利菜!!門前黑板寫了Chef Recommendation~ 因為時間還早, 我們去了人不多(7點多的時間差不多坐滿, 有不少人都是預先訂了位)Set Lunch唔算貴WOR~ 下次可以試下~Set Dinner 都幾吸引, 不過我朋友想食西冷牛扒, 所以還是單點職員服務很好, 推薦了一些菜~環境很舒服, 餐廳播著好像是意大利文的歌~ 桌子上放了真的蠟燭 燭光晚餐~餐飽熱熱的~ 蒜蓉味好香很好吃, 另一個芝麻包也不錯~頭盆要了火腿配哈蜜瓜, 職員介紹是48個月的西班牙火腿Ham唔會太喊, 配埋超級甜的哈蜜瓜 Italian pizza 有好多火箭菜, 食落回甘~上面的HAM是意大利~ 配上芝士一齊食叫了5成熟西冷牛扒, 煎得好靚好均勻~ 加了一些海鹽, 味道更出~除了塊西冷煎得好食, 估唔到連旁邊的配菜都好好食@@甘荀仔好甜! 瓜菜也有味道好食的~第一次連配菜都覺得好好食@@最後叫了一個Apple Crumble~ 不是很多餐廳有, 所以點了它新鮮焗出來~ 有點像食蘋果批~ 上面有一層鬆軟的餅干~