INN - I’m Not Nothing (Closed)

5月1號去咗九龍灣國際展貿中心，食咗個打卡西餐，佢地門面幾靚幾光猛，中午一點見到好多人喺入邊啦。餐廳環境好有港女打卡feel。擺枱今日餐湯係車打忌廉湯入到去有音樂，加埋d公仔，好迪士尼feel，跟住原來聽聽下變左法文歌，仲有玫瑰人生 首C'est la vie 😆😆Set Lunch 都唔少選擇，Menu 當然係西餐啦。我地Order左 习草蒜香牛油焗鯛魚柳配南瓜薯蓉 & 慢烤加拿大保濕豬肉眼配櫻桃沙律醬。野飲就叫左青檸薄荷梳打同埋士多啤梨藍莓奶昔。影出黎係好唔錯：味道呢當然都好出色啦，另外份量好足，一讚，呢餐我哋買單齊頭數$300。

超ins 風餐廳！打左好多卡😏🙌🏻😏諗緊叫乜嘢食嗰陣，偷睇下隔離枱，發覺份量都好大份，感覺好多都叫左呢個青醬意粉🥰首先叫咗一個諾曼第海鮮青醬扁意粉$138，價錢同pici差唔多，雖然唔係手工意粉，但係材料上比pici更多料同豐富～ 醬汁方面，諾曼第喺法國嘅一個區域，青醬醬汁味道柔和，口感豐厚，用來搭配海鮮好正，可以帶出鮮味，意粉口感係濃郁嘅，唔會話好稀嘅醬汁，十分掛面，味道非常之入味，海鮮方面有帶子同青口，份量係每樣兩款，雖然唔算話份量超級多，但係每一隻帶子都係肥美，帶子輕輕外邊微微嘅焦香，入邊仲係有嫩滑嘅感覺，火候控制得唔錯，青口幾飽滿，兩款海鮮我都幾滿意！睇開我食評都知道我係一個好鍾意食偏硬身麵條，唔太鍾意食天使麵等等太軟嘅麵質，呢一款真係好啱我心水啦～ 雖然青醬好濃郁好多，但係意粉仍然煮得啱啱好，唔會好林，有口感同麥味，我都好鍾意！加餐湯及飲品 $38餐湯係跟咗粟米湯，粒粒粟米湯係餐前飲一碗，暖下個胃幾舒服，唔會話好有味精咁，簡簡單單嘅一個湯～Mocha ，跟餐可以半價加購嘢飲，就叫咗一杯摩卡，咖啡味同朱古力嘅比例啱啱好，但略為甜啲，上面嘅拉花好可愛，比得上出邊咖啡店嘅質素～墨西

睇襯戲都會黎九展，因為早場少d人又坐得舒服啲，就算搬左入大西北都keep住左呢個習慣～今個星期日又出嚟睇戲，就預先訂左位。餐廳環境舒適，因時間較早，未有坐滿：是日餐牌：我地叫左兩個set lunch, 再加一份甜品～先上餐湯，湯有粒粒南瓜蓉，好味：再來炸魚薯條，魚柳厚身大件、炸槳鬆脆：原本想叫三文魚螺絲粉，但餐廳今日冇三文魚，轉左叫帆立貝龍蝦汁意大利飯；飯汁味道十分香濃：湯飲，叫了咖啡及熱檸水：到甜品了～ 肉桂蘋果同班戟好夾：埋單$250蚊，非常抵食～

這日星期六嚟到九龍灣國際展貿中心行，午餐時間去INN食INN這間名字也幾特別，I’m Not Nothing 店內嘅裝飾都幾優雅，感覺舒適餐牌上面嘅選擇好吸引，價錢都好合理我哋點左兩個set先嚟嘅有餐湯，此白湯味道好好，有碎碎細細的薯仔粒同埋肉粒，一上枱就係有香香嘅蘋果甜味，豬扒係厚身嘅，本身肉嘅味道適中唔會太過重味，因此配合埋蘋果醬一齊食令到味道配合及甜香。配菜嘅薯角都煎得外面香口，幾好味。我哋平時好少食有鹹味嘅crepe, 今次就試吓呢個加上菠菜、煙肉、班尼迪蛋的crape。感覺都幾夾，香軟嘅crepe本身有麵粉香同有少少甜味，同其他配菜配合味道好豐富😊 班尼迪蛋也整得好靚😊飲品方面，我哋點左一杯熱朱古力及Matcha latte。熱朱古力嘅心心拉得都好靚😊matcha latte味道都唔錯開心嘅一餐☀️

香燒焗豬肉眼配玉桂蘋果醬 $108豬肉眼份量好多！有兩大塊，非常厚切。有肉汁，而有連住少少筋同脂肪😘好有肉香。雖然小編唔鍾意食玉桂味，不過呢一個玉桂蘋果嘅肉桂唔算太濃烈，配埋肉食可以解到油膩😍仲有紫薯用同埋西蘭花🥦，配菜都煮得幾好食👍🏻鹽燒虎蝦配南瓜意大利飯 $92虎蝦有兩隻，南瓜意大利飯醬汁濃稠，咸甜適中👍🏻見到餐廳都幾多人叫呢一個飯，係一個幾輕盈但係又飽肚嘅餐跟餐配忌廉湯入面有薯仔，西芹，煙肉等等。係一個調味偏重嘅忌廉湯。飲落有飽腹感，幾幼滑😆檸檬梳打熱檸水餐廳環境方面，座位好多，而且有落地玻璃，中午有陽光射入黎，感覺幾舒服。總括而言，呢一個價位食到呢個質素嘅食物簡直係CP值超高。九龍灣終於唔係食物沙漠啦😍得閒就過嚟坐吓啦INN - I’m Not Nothing (九龍灣)九龍灣展貿徑1號E-Max 國際展貿中心地下21-23號舖