雲魅 (Closed)

💙每月閨蜜約會又來啦！去完導賞團後，晚餐去了預約好的《雲魅》食米線，我是被食店豐富配菜及七色米線吸引，《雲魅》位於旺角地帶，餐廳環境闊落，座落18樓，有落地玻璃，環境開揚，檯與檯之間有距離，尚算潔淨。💙一心食米線，我們選了香格里拉豪華配料+七色米線，先上檯是配料，見到已很興奮，湯底及後上，是一個熱辣辣的鍋，跟著溫馨提示將所有料放下，慢慢品嘗雲米線。🥢七色米線是較淋，食慣米線的可以換換口感。配菜每樣細份，可以食到不同食物，大滿足！我選是蕃茄湯底，充滿🍅香，朋友選清雞湯，較為清淡。個人評分食物🌟🌟🌟🌟服務🌟🌟🌟🌟環境🌟🌟🌟衛生🌟🌟🌟抵食🌟🌟🌟🌟回頭率🌟🌟🌟🌟5🌟為滿分

何謂正宗過橋米線呢？上菜時，米線，新鮮食材，砂鍋熱湯，都分開上。再將新鮮嘅食材逐樣放入砂鍋熱湯內燙熟，再放米線一齊食。之前去雲南試過一次呢個正宗食法，香港就第一次試。.🔸雲魅特色湯-香格里拉豪華配料-米線($128)分數: (6.8/10)呢個湯有微微嘅酸辣味，但比較鹹，湯底好濃味。有好多款餸，鮑魚，帶子，鳳尾蝦，肥牛，竹笙，蟲草花，響鈴，炸醬，鵪鶉蛋。米線麵質偏稔身，如果有咬口啲會好食啲。.🔸雲魅麻辣鬼魅雞($78)分數: (6.6/10)麻辣幾香，唔算太辣，雞肉份量唔多，雞肉唔夠嫩滑，反而洋蔥超惹味，吸晒味，好香口。

唔知大家知唔知道咩嘢係真正嘅過橋米線？今次我就黎左雲魅 一試真·過橋米線😌過橋米線每碗配10款配料 總共有四款可以揀又豪華配料去到全素食都有👍🏻👍🏻我就要咗香格里拉豪華配料($128)比起文山精緻配料($108) 就多咗鮑魚同埋竹笙😋湯底方面都有五款可以選擇 我就要左特色湯而MY BOSS 就要老壇酸菜湯店員會先上10款配料 然後熱辣辣嘅湯底就嚟啦特色湯 有一種講唔出嘅好味 好適合做米線嘅湯底而老壇酸菜湯 酸菜味唔會冚過其他配料嘅味道呢一種過橋米線嘅食法 我都係第一次店員會提醒我哋先落肉 後落蔬菜 最後就落米線其實除咗米線仲有七彩面可以選擇架😎除此之外我仲叫咗個傣族手撕鬼雞($58)酸辣獨特 可以用來開胃醒胃😙-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

香港幾乎每隔幾條街就一定會有間食米線嘅餐廳，我平時都成日會食米線，但好似呢間咁，可以自己逐樣逐樣配料加落去嘅過橋米線就真係第一次見，我覺得好新奇好有趣，所以就去試下啦。有幾個配料set可以揀，每set入面都有10小碟配料，揀完之後就再揀埋湯底同埋米線/七彩面。香格里拉豪華配料、雲魅香辣湯、七彩面 $128難得試一次，一於就試最豪華個set啦。有牛肉、鮑魚、帶子、生菜、酥肉、竹笙、蝦、響鈴、炸醬、芫荽蔥、鵪鶉蛋同蟲草花。一嚟到首先就按照店員嘅教導去逐碟逐碟配料放入熱湯入面淥熟。啲牛肉都幾有牛味，幾好食。個人覺得最正嘅係隻蝦同埋帶子。因為係就咁用熱湯淥熟佢哋，所以唔會煮得過熟，唔會太鞋。隻蝦幾大隻幾彈牙，帶子口感唔錯，味道鮮甜。店員話每款湯底都有用雞熬出黎，而我覺得呢個香辣湯底幾有麻辣燙嘅感覺。七彩面賣相十足，望到都覺得開心。怕啲麵太淋嘅話可以逐少逐少咁放入熱湯。另外值得一讚嘅係呢度嘅店員服務真係幾好，會好主動教我地點樣食用，又不斷主動斟水。