富豪雪糕流動車

Open Now

Now Closed

🥢 不論係香港人定係外國人遊客，富豪雪糕車雪糕點都一定係一生人起碼要食一次嘅經典香港招牌，如果冇食過真係唔好話黎過香港甚至話住喺香港，富豪雪糕車嘅雪糕口味永遠都係咁獨特咁好味，又細細個食到而家長大左都依然咁親切 👍🏻 雪糕車老闆永遠都係咁幽默咁搞笑咁友善，而且價錢咁多年加價幅度唔係話好誇張，性價比依然係極高 ✨ 香滑軟雪糕 $12雪糕質地非常之綿滑，非常香濃嘅奶香同埋雲呢拿味，陣陣雲呢拿味入到口，全個口腔都feel到雲呢拿嘅甜味，而且入口即溶，非常解暑，份量同以前差唔多，都依然係好企身，但而家炎炎夏日就真係要食快啲啦，如果唔係融到成隻手都係，雪糕筒都係好香脆，唔同其他連鎖店嘅雪糕筒，富豪嘅雪糕筒係有特色嘅曲奇味，零舍與別不同，配合埋佢嘅雪糕兩者在經典中嘅經典！

🍦香滑軟雪糕 $12雪糕質地綿滑比起牛奶更加似煉奶 味道偏甜絕對甜蜜蜜 所以都好快融 攞到手就要快快食啦甜筒薄身硬脆 脆卜卜兩者配合相得益彰 食完一支都唔會太膩然後好多人都話富豪雪糕係食童年回憶而唔係味道🙈

-香滑軟雪糕🍦（$12）好耐無食過富豪軟雪糕啦☺️最近天氣咁熱🔥咁岩見到有雪糕車就梗係要食🤪軟雪糕好綿滑又甜*\(^o^)/*食完消暑解渴😚不錯👍-Name🏠:富豪雪糕流動車Location📌:深水埗/尖沙咀/旺角/其他地方價錢💰: 香滑軟雪糕（$12）

香港人不論老少相信都會幫襯過雪糕車叔叔買雪糕 ，小時候只有去海洋公園玩或途經尖沙咀碼頭才有機會食到。今日經過沙田排頭村對出( 由港鐵站通往新城市中央廣場位置) 居然偶遇雪糕車，當然趁機要幫襯下，支持本土美食。雪糕車上供應 : 香滑軟雪糕、果仁甜筒、蓮花杯、珍寶橙冰四款產品，而首選當然是香滑軟雪糕 ；職員會從雪糕機唧兩圈半軟雪糕在一個非常香脆的甜筒上，雪糕質感較輕，似 mousse ，入口幼滑 Creamy ，帶淡淡的牛奶味 ；甜筒質感似薄片餅乾，脆卜卜，很好味。其實食這個軟雪糕味道不是重點所在 ，而是那份童年的快樂回憶 。

係香港，富豪雪糕車真係變唔一道獨特嘅風景線，不過呢，想要遇到雪糕車都係要講運氣，啱好同朋友係尖沙咀行街就撞倒，好lucky！紅白色嘅雪糕車一陣間都已圍住好多人係度買，即使係冬天都阻唔到我地食雪糕嘅心吖，因為天氣問題，為咗我嘅胃著想，我鄭係買咗一隻基本的軟雪糕，如果係天氣好D,我起碼要食兩隻，呢種雪糕我細個果陣都食咗唔少，比K記嘅好食，很滑很滑，牛奶味也很濃，一舔就知道係記憶中嘅味道，真係咁多年都未變過，個雪糕筒都好正，每次食到個筒果陣都會好唔捨得，因為就要食完了，個雪糕筒有D華夫餅嘅味道，香香脆脆的，既解了雪糕的油膩冰涼感，又留下了自己獨有的焦香味，令人難忘吖！

細個時候聽到雪糕車嘅音樂總係覺得好吸引,可惜父母永遠唔肯買俾我食, 話d軟雪糕又貴又污糟又又多菌又無益.......大個後可以自己完成呢個童年夢想雖然我依家on diet, 但總有口痕的時候,呢日就買左個軟雪糕, 一邊行返屋企一路食個軟雪糕真係好香滑好creamy!脆筒又夠脆! 兩重口感加埋好正!有人話以前d軟雪糕仲平, 但對我嚟講$9都好抵!因為呢個軟雪糕絕對唔比果d賣三四十蚊嘅雪糕球差!!!以前聽人講過話d軟雪糕咁滑係因為用豬油整, 但咁好味, 間唔中食一次豬油又何妨?

今天去完書展后和友人一齊坐巴士翻屋企，出了會展中心后，佢問我，喂你食5食雪糕ar，有雪糕食wo。因為我第一眼見到一個雀巢既雪糕車，我就覺得好莫名，唔系ar ma，雀巢雪糕有咩甘好味姐。點知另轉個頭見到我幾乎好幾年未撞見過的富豪雪糕車，梗系食la。雪糕車個阿伯真系好識搵生意做啊，特登停系書展既出口，個個行左甘耐，見到有雪糕嘆，邊個會唔買呢。不過宜家物價上漲得快，連雪糕車也不例外，從一年的$7蚊上升到依家既$9蚊，要左一個軟雪糕，因為友人要攞傘冇手食。阿伯好熟手甘擠緊雪糕~攞到手時唔知點解歪左。。不過真系好好味ar，雪糕好滑溜，又唔會好甜好漏，只不過呢個價錢真系貴左少少，個雪糕筒都依然好脆。雖然佢個價升左好多，不過如果下次有機會再遇到佢，我霖我依然會要翻一個軟雪糕。