Olive Cafe (新領域廣場) (Closed)

荃灣食野通常會諗起路德圍，但近愉景選擇都唔算多，醒起荃錦落去有間西餐廳之間同fd慶生去過，就睇下有冇位啦 🤗 餐牌又覺得ok就入左有set dinner menu但唔想食咁多肉，就揀左一個意粉一個意大利飯，抵啲又多啲選擇 😋 另外仲叫左個黑松露薯條 🍟薯條係粗身，新鮮炸起超辣口 😛 黑松露醬比較似沙律醬，酸酸地，都有得揀茄汁 👍🏻蜆肉意粉真係深藏不露！個樣係小普通，抵讚既地方係 1️⃣ 蜆肉多 2️⃣ 意粉有口感 3️⃣ 蒜香味好重 💯Risotto 都好食！雖然餸係得一隻大蝦同帶子，但個汁本身好重海鮮味所以夠食。蝦肉超爽口👍🏻 另外叫左兩杯Double chocolate 勁邪惡！香濃朱古力，加上朱古力雪糕🍦🍫😋😋

今晚去食既係係荃灣站附近既新領域廣場一間幾有情調既olive cafe😆 餐廳環境頗大 氣氛浪漫 係慢慢傾下計食飯既好地方👍🏻呢到有4個dinner set 我地就揀左比較多人試既德國蜜糖芥末烤鹹豬手 跟餐有餐湯 Appetizer 同飲品 因為好耐無飲過龍蝦湯我就加$38 upgrade 左個湯😋 龍蝦湯味道不錯 仲有隻蝦係入面🦐 Appetizer係香煎芝麻呑拿魚配香芒沙沙 用芒果做醬汁好fresh👍🏻 主菜德國蜜糖芥末烤鹹豬手上碟好surprise 超大碟！ 已經起左肉所以食既時候好方便 外皮烤得好好超級脆 就算凍左都保持到鬆脆唔會韌👅 而且仲有薯條同沙律伴碟 1個人實食唔哂🙊由於本身唔知豬手份量咁大 我地仲叫左1個主菜同2個小食😂 分別係扇貝大蝦龍蝦汁意大利飯 炸香醋雞軟骨同香炸薯條配黑松露蛋黃醬😋 Risotto 龍蝦汁味道夠濃 飯粒口感都唔錯👍🏻 雞軟骨用香醋調味後酸酸甜甜 係唔錯既送酒小食🍻 而炸薯條係超級粗薯 點黑松露蛋黃醬好正架😛飲品我地就揀左double chocolate 凍朱古力上加上cream 同朱古力雪糕 夠邪惡做埋甜品都得🌟

位於西樓角路天橋底嘅OLIVE CAFÉ係我上次無意之中坐巴士嘅時候發現的，所以今次就帶埋朋友過黎一齊食。點餐之前，店員已經端上餐前小食比我地，就係一塊脆脆嘅面包香炸薯條配黑松露蛋黃醬---薯條係粗身嘅，岩岩炸出來嘅薯條對我黎講就係有一種莫名嘅吸引力，配埋黑松露醬一齊食，岩晒同朋友邊傾計邊食黑松露野露菌意大利石鍋飯---呢個飯嘅黑松露味比起黑松露蛋黃醬更濃，而呢個飯嘅野菌係非常JUICY，每一口咬落去都有大量嘅汁湧出黎呢款pizza係一個素薄餅黎架，黑森林就係指唔同既雜菌，岩晒唔係食好多肉既朋友或素食人士，而Pizza餅底都好脆，仲要全部都可以拉芝架

今日同fd諗住行新嘅八咪半廣場，由於無行行人行橋，途經見到此餐廳，好似幾grand，價錢又ok，就入左去食個lunch是日餐湯系忌廉湯，餐包幾特別喺迷你法式長麵包加左隻蝦天婦羅，同雞翼，兩樣都很香脆，尤其蝦天婦羅香煎紐西蘭肉眼扒配雜菜薯蓉，牛扒五成熟，好淋，而且多汁我叫左日式咖哩吉列流心芝士豬扒飯，一切落去芝士心就流出來，整塊豬扒亦好淋，可以用鬆軟來形容，再配合豬扒醬同咖哩汁食，更好味朋友見餐中只有薯蓉，怕唔飽，特登叫多個香炸薯條配黑松露蛋黃醬，薯條好大條，蛋黃醬冰凍，有冰火口感