文華廳

Open Now

Now Closed

眼見近月多間老字號紛紛結業，為秋天嘅三位壽星長輩慶生，大食會就好懷舊地揀咗喺快將花甲嘅「文華廳」品嚐星級粵菜。據悉，文華東方酒店襯疫情最嚴峻時為中菜廳翻新裝修，由從前俗套嘅桃紅及酒紅色變成更為時尚嘅藍中閃金設計，簡潔嘅雀籠燈飾、屏風等裝潢明顯冇咁刺眼同浮誇，視覺上負擔輕鬆得多！厚厚嘅地毯好吸音，厚墊嘅椅櫈亦十分舒適。近窗嘅散座有靚景睇，相信最受情侶歡迎，因拍窗擺出嘅大多為二人枱。限聚令下，十一人飯局被安排入座最內側嘅兩張七人及四人圓枱，私人空間感足，寬闊尤甚。餐桌上擺有美觀齊備嘅自用及公用餐具。另有鮮花盆栽擺設。整晚由Marco哥哥帶領招待，分餸及斟添酒水等服務都做到足，實在周到。嘻嘻，睇見茶杯底嘅兩條魚魚，心情尤其輕鬆寫意。如顧客有意自攜佳釀，標準裝紅酒、白酒、汽酒之開瓶費為$500/樽，從酒牌每叫一樽相同容量嘅酒酒即可括免一樽開瓶費。八頁餐牌可於網頁上下載，精明嘅XO仔當然係為生日會預訂埋菜單啦！（https://photos.mandarinoriental.com/is/content/MandarinOriental/hong-kong-restaurant-man-wah-

✨食物服務環境都一流✨.多年榮獲米芝蓮一星嘅文華廳，自 1968 年以來，一直憑藉精美嘅粵菜讓客人稱心如意❤️ 上年年頭裝修後，耳目一新嘅室內環境比以往多咗種優雅感；餐廳設於 25 樓，往外看則除咗有城市境外，都睇到少少海景～最近男朋友趁住我生日帶我黎食生日飯，一試果然名不虛傳٩(ˊᗜˋ*)و.▫️香烤片皮鴨 半隻 $688有別於一般地方食到嘅片皮鴨，職員會係你面前切下鴨皮，仲會去除皮下脂肪，令鴨皮香脆而不膩🥰至於餅皮亦夠薄物及柔韌！.除咗有傳統嘅片皮鴨餡料外(甜麵醬、青瓜、京蒽)，文華仲預備咗另一種食法——用餅皮包住甜酸醬、蘿蔔、哈密瓜及鴨皮黎食✨呢種食法都係第一次食，又幾fresh，仲意想唔到咁夾，雖然我個人比較傳統，鍾意傳統餡料多啲～但呢個創新食法令我好impressive!.二食：魚香茄子炆鴨粒至於二食非常惹味，我哋選擇咗將鴨肉會煮成魚香茄子炆鴨粒，魚香茄子味道鮮美及軟潤香，鮮咸適口；鴨肉食起上黎有少少似豬肉，配上魚香茄子毫無遺和感，真心好好食，食落非常好送飯😋.▫️ 原隻鮑魚雞粒盞 三件$188暫時係我食過最正嘅鮑魚雞粒盞❤️鮑魚口滑嫰有嚼勁，雞粒亦入味，再配上香脆酥皮撻，好好食(≧

呢間餐廳由掌廚40多年經驗嘅行政總廚黃永強師傅主理，連續多年獲頒米芝蓮一星殊榮🎖自 1968 年提供一系列精緻傳統粤菜同冷門失傳嘅珍饈美饌，搭配各式各樣茗茶同酒品🍴💗黑魚籽牛肝菌燒賣 ($54/ 2件)餡料用上豬肉、鮮蝦同冬菇粒，口感爽滑鮮嫩，以黑魚籽點綴，但牛肝菌略嫌唔夠突出🦐💗帶子紅菜頭餃 ($72/ 2件)餃皮加入紅菜頭汁搓成，口感薄身煙韌，包住鮮美嘅帶子粒同清爽嘅紅菜頭粒，味道清淡樸素🥟💗原隻鮑魚雞粒盞 ($126/ 2件)牛油撻皮香脆酥化，盛載雞粒增加層次。面頭嘅鮑魚細心一分為三，炆得軟腍爽彈，蠔皇鮑汁咸鮮濃厚🥧💗津絲乾煏鮮蟹鉗 ($468)蟹鉗大隻肉厚，結實鮮甜。粉絲加入蟹水、鮮蟹肉同茨汁一齊煮至收乾，口感幼滑入味，絲絲分明，加入適量薑蓉同蔥花提鮮🦀💗香烤片皮鴨 ($688/ 半隻)師傅先切下「鴨皮」，去走皮下脂肪，口感酥脆而不膩，鴨油甘香滿溢。即蒸餅皮薄身柔韌，將鴨皮包進，配合兩種唔同食法：1️⃣加入甜麵醬、大蔥絲、青瓜條捲起，味道傳統經典，醬濃惹味2️⃣加入酸梅醬、哈蜜瓜條，紫蘿蔔條捲起，味道酸甜清新，有助減膩💗蠔皇鮮菇炒鴨肉 (二食)鴨肉肉質嫩滑纖細，肉味濃郁。加入爽口嘅鮮草