M Zone 親和藝術 (Closed)

去尖東整完野就搵下野食～見到e間充滿秘密花園氣息嘅西餐廳，俾佢果份神秘吸引咗入去～職員好殷勤又有禮貌～一坐落已經俾水俾menu我地睇～食物價錢好大眾化，而且選擇非常多，有小食，pizza，意大利飯麵，burger，all day仲要有墨西哥玉米片～我同朋友點咗3樣野食～凱撒沙律($88)，黑松露芝士大磨菇意粉($108)同埋香煎帶子黑松露飯($118)～由於我同朋友都好鍾意黑松露，所以就叫哂佢地share嚟食～～上菜時間好快，大約等左5分鐘都唔洗～凱撒沙律：好好味好夠份量～～食到最後都仲有好多醬汁掛住喺d菜度，唔會食到最後乾爭爭咁～而且芝士同煙肉都好足料～正～香煎帶子黑松露飯：好香黑松露～有三粒牛油香煎過嘅帶子，帶子嘅size好大又好厚～煎完都仲好juicy～飯的軟硬適中～我唔太鍾意食正宗意大利飯中間有咬生嘅感覺，好壞胃～但e間就無e個問題～好啱食～～黑松露芝士大磨菇意粉：原來係大啡菇～切開果振，d菇汁會流出黎～成件事好滿足～黑松露味濃郁～意粉又係軟硬適中～好味～值得一提係食完之後唔會覺得好頸渴，證明煮食用嘅調味料係靚野亦無乜味精～絕對係真材實料～補MENU

今日同朋友喺尖沙咀行街之前，Search到一間叫「M Zone 親和藝術」嘅餐廳，覺得個名好特別，吸引咗我地幫襯😆隨住M Zone 親和藝術嘅店員嘅成長背景，都會令人思考一下自己嘅成長如何，從文字間睇得出佢地嘅家庭充滿愛同關懷，更感受到戈份溫暖。餐廳更會聘用弱聽同埋聾啞人士，達致共融文化。大家都感受到「愛」嗎？☺️親和藝術都系一種好難實現到嘅藝術，有幾多人真系做到🙈冇諗過炸魚手指都可以咁好味😋店員又砌到好似層層疊咁，好盞鬼🤪炸魚手指條條都好大條，表面炸得超脆，冇話好油膩，以炸物黎講幾乾身，裡面啲魚肉都熱辣辣。最近好中意食all day breakfast🤤喺度都不忘叫一份。有黑松露炒蛋、豬肉腸、茄汁豆、煙三文魚、磨菇、蔬菜、法包、鮮果，材料非常豐富。黑松露炒蛋黑松露味好香，炒蛋滑溜，茄汁豆都真系好好食❤️好中意佢整煙三文魚整到食朵花咁🌹蒜蓉包口感脆卜卜，蒜蓉味香濃。帶子同黑松露意大利飯向來系好正嘅組合，煎帶子黑松露飯嘅帶子都系好脆，不過嫌帶子細粒咗啲🙈新鮮就做到嘅。黑松露意大利飯真心好味，入面creamy嘅程度吾系話啱啱好，系比一般仲creamy少少，黑松露味有少少明顯，喺意大利飯入面隱隱

夜晚嚟到M Zone親和藝術，好多人都飲緊酒傾緊計，感覺大家都喺度享受緊工作後自由嘅時光，互相叉下電。飲嘢之外餐廳都有好多大路嘅Cafe主食－點咗廚師推介嘅黑松露飯同芝士牛肉漢堡試試～帶子黑松露飯好香口，食落仲多咗層蒜香味；帶子外面有層薄薄嘅麵衣，輕輕炸過但裏面依然嫩滑，飯入面都有帶子粒。漢堡賣相唔錯，手打牛肉好腍唔乾，除咗芝士外仲加咗gravy同沙律醬，味道幾豐富；另外有得揀配原味／辣味薯條，炸起熱辣辣點茄汁一定好食。睇住咁多人飲酒我地都忍唔住嗌番杯cocktail－可能見我地兩個女仔所以杯Pina Colada整出嚟好易入口冇乜酒精味；每杯飲品都配咗一張Message Card，為客人帶來更多正能量✨