小城鎮 (Closed)

人生要處理的事情那麼多，至少在吃東西時要拋開煩惱，好好享受當刻的味道和環境。在北角找到這個舒適的小角落，名字挺特別叫【小城鎮】。我也想搬到一個【小城鎮】裡去，無憂無慮地生活下去。北角地鐵站走過去大概行五六分鐘， 轉入內街就會見到一間裝修好有英倫式小城既門面，這時候你就到了！以火車做主題既餐廳入到去真係幾有美式風格，燈光格外暗之餘，用紅磚牆做牆身，而且掛滿各種裝飾品，美式得黎其實懷舊感十足！懷舊蒸汽火車、復古鐘，裝潢真係唔錯，投放了一些心思！感受到那種復古味道。配上70-80年代既歐美悠然音樂...更能營造出獨特氛圍。被安排坐低後望望餐牌，睇落都幾抵食唔太貴呢！二人餐包前菜、主菜、甜品都係400有找，雖然係吸引！但今日胃口比較好但又貪心,因為難得入到黎北角呢頭！想試多幾款想食既野食！所以 最後我地點了兩個主菜同一個pizza再加$18轉左餐！！其實兩個人黎講食量都算驚人吧！！！$18轉套餐可選沙拉/餐湯...得知是日餐湯紅湯即就係係雜菜湯，喜歡夠濃味又多料！朋友都係選擇紅湯，附送埋牛油多士，有一件微脆既蒜蓉多士伴碟都唔錯，沾下雜菜湯食都幾香而我既沙拉竟然係柚子沙拉...好開心呀！柚子做沙

是日出 job, 約附近朋友食晚餐，佢介紹左呢間。裝修幾cozy , 柔和燈光，歐式佈置，暖暖的格局，甫一坐低已經覺得好 relax , 我的 happy friday 呀！環境舒適，食物又如何？等我一一回味吓 ：煙三文魚蜂蜜醋沙律$68上層是滿滿的煙三文魚，下層係新鮮沙律菜，再配上粒粒乾提，細膩甜美。欣賞佢的沙律汁，係蜂蜜醋，酸酸甜甜，加上陣陣蜂蜜味道，好香，精神為之一振。呢個價錢，抵食。白酒忌廉燴青口$78白酒忌廉汁係落足料炮製，好濃好香，調味適中亦食得出有好香白酒味。青口一客六隻，部份青口肉略嫌細隻左少少，話咁快食完，浪費左D咁正的忌廉汁。巴黎牛柳粒扁意粉 $76牛柳粒好得，有咬口有牛味又唔韌，牛柳粒最忌 overcook, 佢火候控制得幾好，完全好易咬。扁意粉的質感亦唔錯，唔會太淋啱啱好。唯獨偏乾，冇乜汁，早知留返個青口白汁來撈意粉啦⋯⋯香煎比目魚扒配香草忌廉汁$128極具驚喜的一道菜，一上枱便香氣四溢，連隔離枱食飽飽的也很感興趣。比目魚皮煎得金黃，薄薄一層卻非常香脆。下面是雪白的魚肉，充滿油香，嫰滑可口，果然係皮脆肉嫩呀！魚皮上舖了蕃茄沙沙，好開胃，但其實比目魚唔使額外調味都

小城鎮喺北角明園西街, 由北角地鐵站行出嚟其實兩三分鐘就已經到好方便。 餐廳都幾大可以容納到好多人， 好彩我哋之前都有book位， 如果唔係分分鐘冇位坐。餐廳裝修都幾別緻， 以鐵路為主題， 牆上又掛咗幾個唔同地區時間嘅時鐘， 即使只係同男朋友食一頓西餐， 都可以引發出唔同嘅話題。今次我哋叫咗幾度菜式四人餐前菜可以揀沙律或者湯， 餐湯係羅宋湯, 落咗好多蔬菜喺入面非常濃郁， 另外有配咗半塊 蒜蓉 多士， 非常香脆非常香口。小城鎮炸雞翼雞翼炸到金黃色，不論大人或小朋友都喜歡吃唯一美中不足的是味道有少少過咸。香烤德式豬手配酸菜及薯蓉德國咸豬手的外皮烤得像中式燒肉，外層可做到又脆又煙韌之餘，豬手的肉質仍然保持嫩滑。雖然外表看來好像有點乾身，但其實入口肉汁豐盈，鹹香惹味，並且佐以酸椰菜，幫助消化。香煎比目魚扒配香草忌廉汁整條魚連魚皮都煎到脆卜卜，比目魚肉質嫩滑，輕輕煎已經煎出比目魚的魚香鮮味。另外又配以香滑的薯蓉，令人回味無窮。四人套餐仲包括咗甜品㖭， 係時令鮮果奶凍， 鮮果奶凍有好香嘅奶味亦都非常順滑， 奶凍上高仲有啲火龍果同埋藍莓， 仲有唔可以睇小嘅係佢嘅伴碟，佢個伴碟都做得好靚， 有百香果