凡高廚房

Open Now

Now Closed

第一次係男朋友帶我黎，先知銅鑼灣有間咁有氣氛嘅樓上餐廳。最近朋友生日就諗到帶佢黎慶祝因為本身冇諗住寫食評，所以冇影晒全部菜式。大部分相都係第一次去時影嘅，第二次去時又叫返啲相同菜式，同之前一樣高水準。🥣「餐湯」個人認為一定加錢換98%野菌忌廉湯，份量都幾多飲完都飽飽地，所以如果細食嘅話，建議唔好咁快飲晒，留返啲位俾主菜～🍴「香煎法國鵝肝」豪華套餐嘅美味前奏，擺盤十分精緻。🍤「海鮮拼盤」掛住食冇影到🤣只可以同你地講生蠔好新鮮好好味！！擺盤都好靚🥩「牛扒」都係冇影到，叫咗5成熟，煎得啱啱好，好大份仲有配薯仔真係🍢「火焰美國Prime護心肉牛柳串」，終於有影到。因為太驚豔，所以一定要影下。燒緊嘅相係段片嘅截圖。本身以為咁誇張嘅菜式，應該係得個樣好睇先知食落都有驚喜，牛柳軟硬適中，同啲醬汁好夾。雖然望上去好似好少咁，但大大舊食起身就覺得好滿足。最後甜品焦糖燉蛋、心太軟都冇令人失望，不過飽到食唔落喇...豪華嘅一餐完美結束！本身真係冇諗住寫食評，因為食物質素同店員服務太好先寫。下次有特別日子會再幫襯！

朋友一行12人，約定限聚令當日一齊解禁。想來凡高厨房，用行動支持一下小店。餐廳氣氛非常浪漫，柔和音樂，裝飾擺設都配合尤如在畫廊中用餐。提前兩日特意叫總廚為我哋安排手製菜單，想食啲特別啲嘢。頭盤廚師精選沙律，芝士焗生蠔非常正。香煎法國鵝肝伴菠蘿amazing配搭清新，重頭戲海鮮塔，底層係燴銀雪魚，中間係鮑魚，仲有Cocktail蝦，魚子。海鮮非常新鮮，汁底做到非常有心思，真係食到連汁都撈埋。多人聚會去凡高有保證，唔會令客人失望。

同男友慶祝生日，揀選了主題別致嘅凡高餐廳，希望可以增添我地嘅藝術氣息，做吓偽文青😆。歐陸式小食分別係渣芝士同埋蝦煙三文魚卷。炸芝士夠香脆，三文魚卷入面亦都係包住芝士，兩款都合我口味忌廉湯柔滑，忌廉味比菇味重。洋蔥湯有別於一般法式洋蔥湯做法，沒有芝士，沒有焗過，單純以洋蔥、蔬菜和高湯熬製而成，甚有自家風味。香煎法國鵝肝$108，鵝肝厚切，橫切面比法包還要大，底下有去油膩感的鮮菠蘿，賣相精緻，味道不錯，鵝肝表面若再煎焦點相信油香會更為突出。炭燒美國頂級prime牛肉眼$408，一上碟，陣陣炭燒香氣傳來，牛油舖面頓時溶化在牛扒上，睇見都流晒口水。我將中間肥膏部份先切走，再逐啖肉品嚐，肉汁多而鬆軟味濃，配菜薯仔以香草牛油煮過。Spaghetti Carbonara $108，加$68轉餐有湯、飲品和甜品。意粉有嚼勁，掛起蛋汁好不邪惡，配料份量夠，味道不錯。意式芝士餅，賣相精美，小小一件不會過於飽滯，口感偏似蛋糕般鬆軟。奶凍質地軟滑，芒果醬的微酸配上香濃的奶味很夾。眼見餐廳環境清靜舒適，旁邊數枱都是一男一女的組合，大家都很享受自成一角不被打擾，能夠專注地談天，品嚐菜式，是一個寧靜慶祝的好地方。

約左好姐妹撐枱腳 佢最叻搵食今晚佢又帶我食好野 凡高餐廳 好藝術的名字一開門 傳來陣陣悠和嘅古典音樂再望望周圍嘅油畫 果然同凡高有點關係大至牆上一幅幅的 甚或枱上迷你的都盡顯店主對凡高嘅質賞👍🏼重有攝影最佳位置 「千秋」😍同姐妹一人一個set 佢㨂和羊 咁我㨂肉眼扒先黎前菜煙三文魚大蝦沙律沙律由多塊煙三文魚包裹着 賣相係靚嘅👍🏼餐湯加錢轉左餐廳出名嘅98%蘑菇忌廉湯果然無令人失望 粒粒蘑菇嘅口感 好香滑加錢叫左一份鵝肝 一上枱超香😋😋😋鵝肝底下除左配有兩塊麵包外還有菠蘿粒同燒菠蘿片 酸酸甜甜去油膩鵝肝入口軟林味濃 超好食 停不了口👍🏼主菜終於到了 炭燒肉眼扒 好大塊😂入口非常juicy 而且牛味濃 有咬口👍🏼唔洗點汁已經十分夠味 同時有點咸⋯餐飲選了最普通嘅咖啡 所以無影😅係咁嘅優美嘅氣氛下享受一餐咁豐富嘅晚餐的確人生一大樂事😁😁

男朋友生日嘅一餐，因為知佢鍾意食羊 (平時食小肥羊佢食咗成隻羊咁濟...) ，今次同佢食好啲，食羊架~因為佢係銅鑼灣區返工，一早知道呢間餐廳，見到呢度評語好似唔錯，所以就打去book 台啦，好似仲有台~我哋8 點幾上到去，無乜人，店主話平日無乜人，因為主要做包場同週末，仲叫我哋介紹畀朋友開PARTY tim~ 睇吓好唔好味啦~好味就幫吓手~ hahahaaa見佢個餐牌都用凡高嚟做焦點，店主應該好藝術我哋2個人各自叫咗個餐，我食牛佢食羊，可以交換食一吓~~~個前菜三文魚蝦卷好好味，但唔多，啲海鮮好新鮮！酸酸哋好開胃~上網睇個個都話要試呢個湯，原來真係好好味，因為好有咬口，好濃味，男朋友都話好正，佢話先頭以為係鑵頭湯，但一飲先知佢哋係手搞嘅湯，好有心機嘅前菜呀！哋加錢叫咗個鵝肝！超級Creamy同好食，佢哋整得啱啱好，唔會太過過火，鍾意食嘅人必食！我叫咗個5成熟嘅肉眼扒，一嚟到見到個size 真係好開心，好大塊，可以同男朋友分享，但有啲過熟，我諗有6-7成喇，但都仲好正，唔會係好冧 (用鬆肉粉果啲)，好有牛味，佢個汁都好正，應該係自家整出嚟！男朋友個羊架終於到，7成熟今成就真係啱啱好，入口