Amitie Kitchen (Moved) New Location

Openrice見到呢間西餐貌似唔錯，雖然價錢有啲啲貴，但都即管試吓啦～考慮到價錢同食量，我哋叫咗一個dinner set，另外散叫咗一個main。麵包有幾款，微溫，牛角包好香☺️餐湯係粟米忌廉湯，味道香濃。香煎紅鯛魚田園沙律伴青檸蜜糖油醋汁 沙律都係普通食到嘅嗰啲，唔特別講，但我好似第一次食煎嘅鯛魚，平時刺身/茶泡飯入面加熱到剛熟嘅薄切鯛魚都食過，但厚厚一塊、煎過嘅真係印象中無食過😂 佢肉質厚實但一啲都唔會鞋，好食👍🏻西班牙黑毛豬扁意大利麵、黑松露汁 套餐$298 黑毛豬肉嫩，調味做得剛剛好。最驚喜嘅係，一拎開塊豬，發覺個麵原來鋪滿洋蔥，所以成個麵食落都好香口😋低溫慢煮美國羊T骨配原個香草燒蒜頭、意大利青醬 $248 食羊T骨一嚟貪佢多肉食，二嚟羊味夠。當日食嘅每啖都充滿羊味，不過比較肥，而且係分佈不均嘅，變相有部分係脂肪，棄咗。燒蒜頭我好喜歡食，燒得香甜👍🏻需加一服務費，埋單2人約$600。P.S. 打文時先發覺，原來食滿$600用匯豐卡埋單有折，我當日差幾蚊...如果你鍾意睇我嘅食評，不妨關注我，支持吓我，謝謝你☺️💕

上次黎亞士厘道食野發現呢度有好多餐廳，所以呢晚都揀左一間位於呢條街嘅樓上餐廳 - Amitie Kitchen。好正！！呢晚係萬聖節，一上到去已經見到餐廳門口有萬聖節裝飾，入到去就見到每張枱上面仲有halloween theme嘅餐紙，而且店員都有化萬聖節妝，超有氣氛！🎃有唔同套餐揀，而且個餐入面有好多嘢，價錢相當公道～ 我地一人嗌左一個set dinner～跟餐包、餅乾嗌完之後就上咗啲包同餅乾喇～每個都好好味！除咗附上牛油之外，仲比咗士多啤梨果醬～意大利巴馬火腿凱撒沙律Caesar Salad with Parma Ham跟餐沙律～好味！香煎紅鯛魚田園沙律伴青檸蜜糖油醋汁Pan-Seared Red Snapper with Garden Green, Honey Lime Vinaigrette另一個沙律係田園沙律配酸酸地嘅油醋汁～酸酸地好開胃！廚師是日餐湯Chef's Daily Soup是日餐湯係薯仔甘筍忌廉湯，好好味！薯仔打到變成蓉，令到個湯好creamy烤燒大啡菇、焗釀北海道帶子、虎蝦意大利飯伴龍蝦汁（$228）Grilled Portabello Mushroom, St

尖沙咀這鬧市中想搵間寧靜舒適西餐真係要推介呢間「Amitie Kitchen」，除了坐得舒服夠空間感，仲服務貼心又有禮，重點是每道菜都令我十分期待，因為很精緻外觀滿分，亦份量剛好夠飽肚。餐廳有晚餐套餐、二人晚餐、單點各款菜式，可以自由配搭，我倆不花時間選擇亦得，就簡單每人揀了套餐。餐廳也有特別推介寫在牆上的黑板。等待前菜時，就送上三款餐前麵包，餐廳都好用心有誠意。分別有圓形小餐包、迷你牛角包、香草脆片，配牛油及杏桃醬。烘得微暖又鬆軟，塗點牛油、果醬已經好好食。迷你牛角包唔會好油，配甜絲絲果醬最夾酥油香。個人最喜歡香草芝士脆片，鬆脆得來帶陣陣香草味，仲有少少芝士咸香，單食或配餐湯都一樣美味。香煎紅鯛魚田園沙律伴青檸蜜糖油醋汁擺盤精緻又吸引，前菜的沙律的確令人食慾大增。因為沙律醬汁用青檸，特別清新怡人，也可配搭魚肉來食，加上蜜糖令油醋汁酸酸甜甜。魚肉用紅鯛魚煎香，魚皮仍帶膠質彈性，肉質扎實嫩滑亦不會腥。最岩喜歡食魚的我，不竟很少沙律會用到熟的魚肉，所以我特別欣賞。周打蠔湯聽落係咪令人期待，平時都用蜆肉，呢度竟用蠔，賣相看上去不大分別，但味道卻有大轉變。第一口已感受到蠔味濃郁，好順滑微微暖，