麗姐廚房

Open Now

Now Closed

來到一間未食過嘅素食餐廳，樓上舖，可能係平日關係，人流唔算多。餐廳闊落，座位之間無壓迫感。〽️涼瓜菜甫煎蛋涼瓜唔會太硬但仍然保持爽口，偶有食到菜甫令到涼瓜與蛋之間添了份甜味。〽香煎蓮藕餅略嫌蓮藕唔夠，口感唔夠爽口，偏腍，味道可以。〽️香椿炒飯一上枱，陣陣香色撲鼻，好吸引，炒飯粒粒分明又乾身，炒得好有鑊氣！〽️鮮露筍百合炒淮山鮮露筍清新，百合爽甜，唯獨美中不足就是淮山，本應係爽甜脆，但可帶有酸味。〽️雙併糕（紅豆、馬豆）傳統糕點，兩款味道都唔會太甜，椰汁亦唔會過重。簡單素食，簡單享受寧靜嘅相聚。

有時食膩左、或者個口生痱滋，總會有時想食清一啲，自然會諗起食素，所以呢排鍾意食素既人有增無減，尤其係上班一族，貪健康又易消化。平時食齋嘅人、或者唔太食開齋嘅人，最怕就係見到啲好悶嘅菜式，一係就好驚菜式會重又重油，為咗令到味道豐富啲，或者會有好多炸物，所以食齋都唔一定係健康啲，食完都唔一定會瘦。不過依一間灣仔嘅素食私房菜，唔單止菜式夠創新，嘢食好食唔油，而且價錢合理，啱晒一班人嚟食。中環、灣仔一帶，如果想搵會做晚市嘅素食店，實在唔多，但灣仔就隱藏咗一間高質嘅素食私房菜。呢間餐廳唔係一間打卡餐廳，所以網上嘅討論程度唔高，係一間低調食素既小店。呢間麗姐廚房，由從事素食行業超過二十年既麗姐一家打理，麗姐由一間唔顯眼既小店做起，到後來成為素食店顧問總廚，再自立門戶開設呢間麗姐廚房，靠呢份努力同堅持，做出與眾不同既素菜。餐廳午市主打抵食的$50三餸飯，配無限任添糙米飯同例湯套餐，晚市主打特色素菜小菜。食齋最怕就係油淋淋同好多味精，但呢度食絕對可以放心，因為老闆娘麗姐嘅宗旨係佢自己都食先可以比到人哋食，所以素菜主要係用鹽、冰糖同埋純天然菇粉去做調味，係挑選食材方面都嚴格，首選本地種植嘅蔬菜，保證低碳

星期五晚還以為好多人，可能當日又落雨又動，而且是樓上餐廳，比較少人。服務員非常有禮，餐牌好多選擇，座位亦多，坐得舒服。好多選擇，座位亦多，坐得舒服。環境非常適合傾計交流，十點半才關門，不像某些樓上素食餐廳好早九點多便關門。我和朋友點菜前先想開飯啊看別人食評和照片，好多人讚黑醋咕嚕和糖醋咕嚕，原來是兩味餸，我們還以為一樣，叫了糖醋咕嚕。糖醋咕嚕 $88 🆗可能黑醋咕嚕會比較好味，糖醋咕嚕味道一般，咕嚕有幾家餐廳我覺得好得多，這個我給3分。香煎蓮藕餅 $78 🆗 則比較好少少，不過都係比期望中的蓮藕料較少，感覺較多粉或麵筋。客家土豆絲 $68 🆗量好多，味道中規中矩。