無麵不歡 - 中華私房粉麵 (Closed)

一向欣賞呢條街多野食 今日又黎找一找 見到呢間門口開得有啲入 有少少隱蔽嘅中華菜館 就去試試佢嘅裝修幾有特色 不過有少少暗主菜我地叫左2個麪 呀媽食涼拌蕨麪 佢個樣好黑 但食落勁彈口 個味吾識形容 甜甜酸酸咁 好開胃 配料亦丰富 正喎！然後我叫左胡椒豬肚雞麪 omg 好鬼正 佢有個爐仔比我一直加熱個湯 好貼心 個湯堅足料 雞同豬肚都好多 令到佢好甜 入面仲有紅棗 好補哦！😍小食方面我地都叫左幾個 當中我最中意嘅係個黑臭豆腐 佢又係黑卒卒咁 聞落就冇街邊果啲咁攻鼻 但咬落去個味就湧晒出黎 夾埋啲配菜 食落似係醃蘿蔔 好惹味 我呢個臭豆腐控好樂意為左佢番去哦值得一讚嘅係好多時食完中華菜館啲嘢之後都好口渴 因為味精 但今次完全冇！證明佢地好食得黎味道都係真材實料的 good ar~

曾經在報紙上看過「無麵不歡 - 中華私房粉麵」的介紹文章，裡面寫到麵店師傅是特地到廣西學藝。未入門口已經嗅到那股螺獅粉的專屬香氣，可惜筆者未能接受酸辣筍的怪味，所以點了其他款式的麵食。麵條質感滑身，軟硬度亦剛好。吃上來感覺應該是米線，更分有黑白兩色，整碗麵色彩豐富。湯底分有清湯、酸辣和麻辣三種口味。餐牌上推薦的是麻辣，但由於不知辣度如何，筆者最後選擇了酸辣。辣度是很輕微，再添加酸菜味道，更是惹味。配菜蠻多，分別有鯇魚片、滑豆腐、脆黃豆等。鯇魚片有魚骨，吃起來有點麻煩，但也是無可避免；魚肉有點鞋身。煎蛋餃有5隻。香脆的蛋皮包著豬肉和馬蹄，進食時有豬肉的彈牙也有馬蹄粒的爽口。店員服務也頗值得一讚，姐姐熱情的推介麵食，當有客人不能吃辣時，又多番提醒廚房走辣，頗體貼。