K2 Kitchen (Closed)

女友趁我生日同我食餐好，今日嚟到觀塘既K2 kitchen，主打西餐。餐廳走型格style，但又不失高級既感覺。但食物既價錢就好親民。一般都係百幾二百蚊。我地叫左兩個main course，同樣加左$58轉套餐。starter我地揀左一個紅菜頭、羊奶芝士、帆立貝。賣相就好靚，上面個堆白色係有檸檬味既泡沫。紅菜頭口感似蘿蔔，少少甜，帆立貝味道偏咸，應該稍為smoked過。整體配搭新鮮，唔錯。再嚟餐湯，揀左蟹肉粟米蓉湯，賣相同樣好有心思。湯好creamy粟米味好濃，加上蟹肉好鮮味因爲我無薯不歡，就叫多左個炸薯條配黑松露醬，份量好多，抵讚既係薯條幼身，炸得好脆！配埋個黑松露醬 ，堅好味主菜方面，我叫左個美國安格斯肉眼，size唔算大，男仔未必夠飽。但味道的確出色！7成熟肉質仍好鮮嫩，肉味濃女朋友就選擇左 紐西蘭牛柳配鵝肝，試左少少，雖然我既美國肉眼正d，但牛柳吸左鵝肝油，又係另一種好味，而且鵝肝超厚最後個set包埋甜品，是日甜品係綠茶慕絲蛋糕，賣相精美，味道當然都好唔錯喇

今朝和同事要去觀塘工作, 工作後打算食埋LUNCH先返公司, 我和同事都係為食既人,當然不會錯過搵間餐廳舒舒服服食LUNCH再開工啦 ! 係OPENRICE 搵左一間較近我地位置, 一於去呢間啦 !餐廳是 K2 Kitchen, 位於觀塘巧明街, 坐港鐵在觀塘站, 想方便的可以穿過APM商場, 見到巧明街方向落電梯過對面馬路向右行, 大約5分鐘, 好方便。原來係OPENRICE 訂位有85折, 雖然我地無訂位, 原來LIKE FACEBOOK 都會有85折。工廈真係多食肆, K2 Kitchen亦在工廠內, 一出電梯便看到, 正值午飯時間差不多滿座, 好彩唔駛等就有位。餐廳裝修主要以黑仔為主, 簡約裝修。一坐低, 職員已奉上長長麵包條及清水。再睇下餐牌, 餐牌用上靚靚珍珠光紙印製,套餐共有8個, 價錢由$68起, 一樣有 : 法式精緻小點, 沙律或餐湯, 主菜, 飲品及甜品。最後和同事點了以下 :F. 香燒羊肩配露絲瑪麗蒜子紅酒汁 $108H. 香煎鵝肝伴牛柳 $158  (5成熟)法式精緻小點是提子芝士, 餐前小食確實不錯沙律或湯, 我和同事都揀左湯, 因為係紫薯湯。 上到枱真係好靚

今日同老公，仔仔係淘大睇完戲晏晝點零鐘， 記得朋友講過觀塘商廈有間餐廳唔錯， 近近哋搭一陣巴士就到。入門口見到個招牌幾型仔。去到差唔多兩點，過咗食晏高峰期， 我哋坐喺靠牆邊嘅梳化椅， 舒舒服服。侍應先畀你法式精緻小點， 係提子芝士加餅乾， 仲有一支長餅乾， 幾有心思。之後我哋揀咗兩個是日餐湯同一個田園沙律。餐湯係薯仔蓉同煙肉碎， 湯好綿， 加埋少少煙肉嘅鹹味， 配得恰到好處。 另外沙律菜夠新鮮， 仲有少少芝士片喺上面，老公同仔仔話芝士同沙律菜好夾。 午餐由$68到$158, 先揀咗香燒羊肩配露絲瑪麗蒜子紅酒汁。個主菜靚都好似成幅畫咁，羊肩生熟剛剛好，又夠淋，吸收了紅酒汁香煎鵝肝伴牛柳， 另外一幅靚畫又出場，鵝肝細細舊但係真係煎得好咁香， 牛柳叫咗五成熟， 冇血水流出，牛味夠濃巴東式燴春雞，有印尼色彩，味道濃郁，足有半隻雞份量。主菜可以配蔬菜或者有機糙米飯， 我哋全部配飯。有機糙米夠健康， 而且啲飯軟硬適中，唔錯。跟住又好齊心一人一杯凍鮮奶朱古力，佢地將鮮奶放面，賣相又一加分。唔會過甜，加上鮮奶好滑呀!最後有精緻甜品，滑滑慕絲，細細件啱啱好。Like Facebook 仲有8折! 抵呀!

餐牌的設計和同一座大廈的另一間餐廳一樣，估計是姊妹店。*法式精緻小點餅乾配芝士紅提，甜甜地又帶點芝士味，頗特別。*是日餐湯是日餐湯是玉桂南瓜湯。湯很夠熱，而且湯底夠稠；是用南瓜打成，有很香南瓜味。*香煎鵝肝伴牛柳($158)鵝肝肥美，充滿脂肪味。牛柳五成熟，掌握得剛好；肉質很淋又多汁；牛肉味濃，比起吃肉眼少了一點肥膩感。配飯，但飯不算太多，一個女生都可以食完完整一個餐。*是日精選甜品檸檬味的mousse蛋糕，質感幼滑，但個人覺得偏甜了一點。