早安越南 (Closed)

今晚嚟到天后搵嘢食，見到越南餐廳又二話不說入咗去嚕～呢間「早安越南」裝修幾得意，牆上圖案紅藍色，富越南特色，枱上面有魚露汁同是拉差辣椒醬～豬頸肉米紙卷（$76）之前成日食越南春卷，今次就試下無咁熱氣嘅米紙卷啦！好食！首先size好大舊，一碟有六件。米紙入面包住豐富材料，有新鮮生菜、檬粉、紅蘿蔔絲、豬頸肉，一食就爆晒出嚟🤤香茅豬扒湯河（$61）河粉吸晒雞湯嘅精華，比較易淋，所以上菜後可以盡快趁熱食☺️上面放咗薄荷葉，仲可以按個人喜好自行加入青檸汁或辣椒調味～啲豬扒好好食！！香茅味香就固之然，仲外脆肉嫩，唔夠食！扎肉手撕雞酸菜凍檬（$61）食越南嘢，撈檬都係少不免～可以自己加入魚露撈，酸酸甜甜好開胃蒜蓉炒貴妃苗（$76）我哋想嗌個菜，就求其點咗呢個。上枱先知原來係呢種菜，平時好少食，又幾好食喎！幾爽口，味道唔算濃，清清地唔錯總體覺得唔錯，可以encore！menu：

天后有好多美食，都有好多間越南餐廳而呢間係比較乾淨、室內設計幾新穎，所以吸引到我兩個人叫左以上食物，唔算太多，但已經食到好飽🔶火車頭河 $91（牛腩、牛筋、牛栢業、牛丸、生牛）份量都幾多大，一個人食一定飽！全部配菜都好有鮮味！牛丸彈牙多汁、牛栢業爽口一咬就分到開一d都唔硬、生牛鮮香有牛味、牛筋好淋又唔係溶（超好）、牛腩都好淋一咬就分開到又唔會硬到攝牙隙。🔶香茅豬扒湯河 $61河粉結實唔易碎，豬扒炸到好香，幾抵食！🔶越式特選拼盤 $91有4樣野：春卷、絲網海鮮春卷、雞翼、蒸粉包最好咪係絲網春卷，因為好少餐廳會做到咁樣既絲網春卷，又脆又香！🔶三色冰 $28沒有晚餐/套餐價，$28原價點，好濃的椰漿底部仲有啲紅豆、黃豆、綠色爽粉（總括甜左少少）飽飽的一餐，另外俾大家參考一下餐牌

這天我們又來到天后午餐啦！是有吃勻整條電氣道的意思嗎？哈哈經過這間餐廳的裝潢非常特別型格，周圍都掛著很越共年代風格的畫，就走進去試試了。餐廳雖然都坐滿了人，幸運的等了不消一會就入座啦！等食物時可以欣賞一下份外有趣的餐紙，哈哈。配合這天的心情，想來一碗清新又飽肚的牛油雞翼凍檬。牛油雞翼尺寸非常的肥大，外皮炸的香脆不油膩，內裡嫩滑多汁。檬粉份量十足，冷冷的麵質非常爽口。本身很喜歡炸蒜、花生粒和青瓜絲等等的配料，加入魚露和酸甜醬汁，醒胃又飽肚。男友點了香茅豬扒湯河。豬扒份量也不少，而且有滿滿的香茅香味，肉質軟稔入味。有芫茜香味的河粉，兩者非常配合。

天氣悶熱, 仲要經常落雨, 濕漉漉咁; 最啱去食越南嘢. 早早地6點幾入到去, 仲未算係好多客人, 等嘢食時可以欣賞餐廳嘅裝潢. 樓底高, 有空間感.  牆上有大型越式掛畫, 幾靚幾有特色. 張枱紙都特別D. 天氣熱最啱食凍檬, 淋埋D越式汁碌冧! 傳統嘅扎肉手撕雞凍檬,  入面有齊甘荀絲,生菜絲, 芫茜,蔥, 炸蒜粒, 炸花生等配料, 一一齊備. 呢個碌冧真係另一個係香茅豬扒湯河,  豬扒係分開上!豬扒熱辣辣, 肉質軟嫩鬆化, 識食一定加埋D香蔥蒜一齊食! 我咃仲叫咗個細拼盤, 包括有雞翼, 粉包,兩款春卷 .當中最值得推介係呢個越式粉包.材料豐富, 味道清爽唔膩, 記得要蘸埋魚露一齊食.