The Grill Room (The Humphreys)

Open Now

Now Closed

估唔到尖沙咀堪富利士道會有間裝潢咁有異國風情既餐廳，予人一種去左旅行既感覺。食物方面，今次點左1kg份量既❤️香草白酒煮青口配黑松露薯條（1/2kg $238 ,1kg $398）青口份量好多，大約有20隻，而黑松露薯條屬於幼薯條，薯肉滿滿，口感紮實，表面被黑松露包裹著，鹹味十足，不用配醬汁都夠味。🧡香煎北海道帶子龍蝦汁扁意粉配三文魚子 （$198）一碟入面有3粒帶子，質感鮮嫩，帶有鹹鮮味，闊條麵軟硬度適中，配上龍蝦汁，味道不錯。而飲品則選擇了💜Mango Mini Boba（$68）的Mocktail，雖然叫Mango Mini Boba ，但其實份量超過有手掌大小，飲品除左有芒果既甜味，耶子味亦突出，感覺有少少似芒果椰子糖既味道，而質感卻似綿綿冰，表面仲有幾片真芒果肉，就咁飲哂一杯野其實都好夠飽肚。雖然呢度屬於樓上餐廳，唔係係當眼位置，但係呢度晚餐時段都係坐滿人的，所以建議大家下次想食既話可以選擇早少少，好似我今次6:30-7:00既時間黎，咁就應該會容易啲有位喇。

呢間餐廳好耐之前已經嚟過一次，喺尖沙咀來講都屬於一間令我念念不忘嘅一間西餐廳，無論價位、食物質素、服務態度定係環境都係合格有餘。今日有身邊呢個他「嘴刁的大胃王」，要尋找一間富有情調、食物水準高、份量多、兼價錢合理的餐廳，簡直是難過登天。所以這夜特地來到【The Grill Room - 尖沙咀】品嚐其食物，是次它能否解決我身邊「嘴刁的大胃王」的難題呢？門口有消毒酒精去俾你清潔雙手。然後就會有店員帶你入座。餐廳正門有左邊同右邊中間就係一個吧枱同埋開放式廚房。如果坐喺吧枱開放式廚房前面就會見到廚師細心咁烹調食物，又係另一種進餐風格。今次店員就帶咗我坐得入少少，比較寧靜嘅四人枱，可以慢慢享受食物同朋友傾吓計。店員都親切有禮，絕不吝嗇向客人展示笑容，更是耐心地等待我們的示意。.佢嘅餐牌就係一張餐紙，非常之環保，但係望落去又非常簡潔，易睇又清晰，係我鍾意嘅風格。Starters-Mussels, white wine, dill truffle fries☑️香草白酒煮青口配黑松露薯條 $198即席煮白酒青口，新鮮海鮮配搭白酒味道匹配 。 嚐過一口，念念不忘，序繁多的法國菜，把大家弄得有點嘩然..

本身對這間餐廳情有獨中，一來交通方便，二來位處服務式大廈的二樓，由地下大堂至電梯，以至餐廳內，燈光柔和，甚有酒店FEEL，令人有種由繁華街道進入另一個恬靜空間的感覺。而最重要的當然是餐廳環境以及食物的質素。由於今日主力是嚐主菜，為免吃得太飽，所以我們只選了一個晚市套餐 (主菜+湯+甜品)，其餘則散叫忌廉南瓜湯 (是日餐湯)上檯時，可要求侍應加少許黑椒粉，南瓜蓉已打碎，溶入忌廉湯中，口感相當幼滑，入口有淡淡的南瓜甜味。香草白酒煮青口配黑松露薯條 $198滿滿一桶青口，份量不少，肉質豐滿，嫩滑彈牙，帶少少白酒及海水味，非常鮮甜。另配上粗身薯條，洒上黑松露碎，黑松露味道不是太突出，但薯條熱辣辣，炸得剛剛好，口感外脆內軟，不油膩，加分。慢煮三文魚配香草乳酪汁伴小麥米 $198 初初上檯時還以為是盤沙津，面層鋪滿青青紫紫不同種類的新鮮沙律菜，還有顏色鮮艷奪目的蟹子，撥開沙律菜，便見到主角慢煮三文魚。若果兩人共亨，每人大約可分到大約一個手掌份量；三文魚利用慢煮方法烹調，所以三文魚的天然粉橙色得以保留，肉質鮮嫩濕潤，口感幼滑，混合碟邊帶微酸的香草乳酪汁同食，更能帶出三文魚的鮮甜味道；旁邊拌以外型細細

原來對上一次來這間餐廳已是一年前的事，之前一直未有機會跟友人來，所以今天訂了枱跟他來試試!餐廳以簡約風的裝修為主，以我們被安排坐於bar枱位置，可看到廚師們為我們準備食材。香草白酒煮青口配黑松露薯條，這款青口共有半公斤，會用上一個小桶盛著，這裡的青口非常鮮甜，而且煮得剛剛好，不會烹煮太久，很鮮嫩。醬汁帶有少許酸味，令人食慾大增。薯條是粗薯條，外脆內軟，拌入黑松露醬，十分香口。燒美國安格斯肉眼扒配黑松露薯蓉，牛扒很厚很大份，是16OZ的牛扒，牛扒煎到外面有點脆口，鎖住了肉汁，牛肉肉質鬆軟，牛肉味濃，再配上附有的牛肉汁令牛肉的鮮味更出更惹味!薯蓉有淡淡的黑松露味，唔會太漏，令人食唔停口!香草鮮蠔芥末忌廉汁扁意粉，生蠔弄得剛剛好，不會過火，脹卜卜又鮮甜。扁意粉帶有黃芥末的味道，十分特別又刺激味蕾。還加入蟹子，令口感很豐富!這間餐廳食物味道還能夠保持水準，值得再來!

黎到尖沙咀堪富利士道一幢靚靚serviced apartment嘅二樓, 一出𨋢就係一個大大Open Kitchen+好多位廚師👨🏼‍🍳. 我地坐左喺貼住Open Kitchen嘅吧枱, 對正裡面個Grill同煮食爐👍🏻. >香草白酒煮青口配黑松露薯條 (HKD198)估唔到li桶足足1/2kg青口, 粒粒都可以咁大隻咁厚肉, 係入口要咀嚼幾下個種厚肉🤩, 非常鮮味之餘係充滿葱, 香草, 白酒香. 現炸粗身薯條灑滿黑松露碎粒, 未食已聞到陣陣黑松露香, 份量Starter黎講真心多.>燒美國安格斯肉眼扒配黑松露薯蓉 (HKD338)安格斯西冷同肉眼扒之間我揀左肉質滑d Juicy d嘅肉眼扒, 5成熟正呀! 一大塊16Oz Grill好靚靚格仔肉眼扒😍, 勁易切-無論老公點切都咁嫩滑無筋, 輕輕一咬就分得開, 而且啖啖juicy, 👉🏻高質食材, 望落有點稀嘅燒汁原來味道勁豐富. 黑松露薯蓉香滑, 有d唔夠喉呢.>香草鮮蠔芥末忌廉汁扁意粉 (HKD168)扁意粉彈牙👍🏻索汁, 蠔又肥美, 芥末唔係太突出, 但醉翁之意當然在於即席煮嘅忌廉汁, 以晶瑩嘅蟹子點綴,

有個理由慶祝去食好野終於可以黎呢到食，平日Book左八點半，去到仲見到坐滿大半個場，證明個熱潮仲未退。餐廳中間係開放式廚房，而左右兩旁係座位位置，以雲石配金屬嘅裝潢夠時尚，坐得又舒服，好岩姊妹們傾計好地方。服務好好，上菜速度快又會講係咩菜。野食相當有質素，特別係肉類表現好出色。兩個人叫左三樣，加一後，每人平均$300。 特色主題燒吞拿魚車厘茄杏仁片沙律 $128吞拿魚只燒到表面熟帶有燒肉嘅香味，而中間仲係生淋身，令到口感好好。沙律菜配上醋酸酸地好開胃，再加上杏仁嘅香口。 香草白酒煮青口配黑松露薯條 $198一盆大約有十五十六個青口，無腥無沙，帶有陣陣香草香味又咸咸地，加上檸檬，個鮮味更出，而且，煮得岩岩好，唔會鞋。薯條新鮮炸出，外脆內軟，黑松露好平均分布薯條上，唔會過濃過多。 炭燒豬腩肉鹽味焦糖汁配青蘋果沙律 $218 一碟有六舊，個皮好脆，肉嘅脂肪層係入口即溶，成個比焦糖汁包圍住，個焦糖汁有少少似樂家杏仁糖嘅味，入口甜甜地再配上青蘋果一齊食，多左蘋果清甜味更加好食。

與朋友到尖沙咀辦些事情，辦完後朋友帶我到堪富利士道一間樓上扒房晚餐。由於時間不早，而且未有訂位，所以只餘吧枱位置。吧枱與開放式的廚房是完全貼著，幸好廚房沒有多大油煙傳出來，所以都沒有影響。整個備餐的過程容許客人近距離觀賞，餐廳對廚房及廚師必然有很大的信心才能夠這樣做。雖然坐的是吧櫈，但今晚沒有帶太多衣服，也算舒適，而且餐廳內環境寧靜舒泰，座位整齊擺放，朋友間交談也方便。菜色是走較高的格調，頗為精緻。雖然來到扒房，但因為過年食得多，要調節好身體狀態，今晚就稍為收斂，不打算食牛扒，所以揀選了較為清一點的菜色。兩人共點了香草白酒煮青口配黑松露薯條($198)、巴馬火腿配溫泉蛋黑松露露筍沙律($78)、燒吞拿魚扒配意大利黃瓜($188)，與及香草鮮蠔芥末忌廉汁扁意粉($168)。先來的巴馬火腿配溫泉蛋黑松露露筍沙律，以鹹鮮的巴馬火腿圍成一個心型，包住半熟的溫泉蛋，上面放了些香草。朋友讓了給我，我也不想將溫泉蛋弄破在碟上，所以就整隻溫泉蛋連同外面包著的巴馬火腿一併都塞進咀裡。溫泉蛋在咀裡爆破，夾著鹹鮮的巴馬火腿，果然「別是一般滋味在心頭」。露筍都很幼嫩清甜，入口爽脆，配以橄欖油及黑松露，食味不錯

這間餐廳離尖沙咀地鐵很近，幾分鐘路程就可以去到。星期三晚上去光顧就看到餐廳有七成滿，自己身邊有學生朋友吃過，沒想到當晚看到很多白領和外藉人士侍應安排了我和男朋友坐吧枱，可以和開放式廚房近距離接觸。在這裏會看到廚師如何煎一塊香口的牛排，也會直接看到廚房的衛生情況。我們剛出下侍應便率先端上水杯香草白酒煮青口配黑松露薯條這個很快便送上！每一條黑松露薯條都帶有黑松露的味道，咬下去亦非常脆，內裏是像薯蓉一樣的。青口數量十分多，差不多有三十至四十隻，吃下去有牛油香燒澳洲有骨豬排配香茅芥末籽忌廉汁這個十分推介！雖然餐牌的名稱是有骨，但上到來卻沒有骨。每一塊豬扒咬下去都非常多汁，也看到碟上的豬扒漏了很多汁出來。肉質唔韌，結實得來很香口，加上油脂的分佈令整碟菜加分不少香草鮮蠔芥末忌廉汁扁意粉這碟菜有三隻中等size的蠔，每一隻都很肥美。菜式加了蟹籽減低不少忌廉汁膩的感覺，芥末亦令到吃起來更惹味這個價錢配得上它的食物，特別推介它的肉類食物！朋友聚餐也會是不錯的選擇，那當然情侶用餐更為推薦💘