Pillowtalk Restaurant & Bar

Open Now

Now Closed

和男友放工後來到屯門呢間有情調餐廳慶祝拍拖紀念日。難得平日呢個時間餐廳都有不少客人，證明食物質素不錯，所以能留住不少熟客。餐廳入面有少許board game可以借來消磨時間，而雲石餐具亦看出老闆花了不少心思在擺設上。 頂級安格斯肉眼配薯角(五成熟)$178:上枱時隔住口罩都聞到蒜香味，事關肉眼表面上有好多蒜片。塊安格斯肉眼好大塊。而配薯角大大條，十分香口，外脆內軟薯仔肉，點少少茄汁更開胃。香草醬法式羊架配薯角(七成熟)$168:羊架有三大塊，羊味濃，肉質鮮嫰多汁，不會有很多難咬羊筋。加上伴碟香草醬醬夠清新，而伴碟生菜、磨菇片亦很JUICY多汁。個人認為羊肉比肉眼更出色，食物質數確不錯，不愧是一間有情調高質西餐廳。

紅橋一直都係筆者覓食嘅好地方 貪佢夠多小店今晚就嚟到呢間restaurant and bar試下地方唔難搵 都喺正條大路到有室外位 秋天喺到飲返杯都幾愜意🤤入邊地方雖然唔算話好大 但都幾舒適只係閒日夜晚都全場滿座 出面仲有人等位添餐廳入面都有幾多配件 有cushion俾你攬住傾偈 或者同班朋友玩下game都得餐牌：選擇唔算多 不過都ok嘅✨跟餐前菜 $35前菜可以揀湯或者沙律 蒜蓉包就固定嘅同男朋友就各要一個試下啦湯係蘑菇湯 食到粒粒菇嘅 但係屬於比較稀嘅湯沙律就大路野啦 蒜蓉包就味夠但唔夠脆✨香草醬法式羊架配薯角 $148有三件羊架 肉質幾好 加埋個香草薄荷醬好好味薯角亦都夠熱夠脆要7成熟 出嚟個熟度啱啱好整體嚟講好評👍🏽✨蒲燒鰻魚意大利飯 $108條鰻魚有成隻前臂咁長😆燒得幾香亦都無乜骨 而個意大利飯軟硬度幾好 屬於好評嘅fusion👍🏽✨跟餐甜品甜品有一嚿仔嘅tiramisu 帶有橙酒味不過對筆者嚟講個甜品太creamy🙈原來有餐飲但筆者唔知 最後無飲到🤷🏻‍♀️整體嚟講 呢間啲主菜的確幾高質嘅值得encore😗

最近同事問我有冇試過屯門既pillowtalk，聽講唔錯，叫我去試下，於是我就約左幾個朋友一齊試試佢。有戶外坐位，應該係for吸煙既食客。就咁睇menu都唔算太貴，不過屯門啲價錢都差唔多了，加$35就可以轉set，有埋甜品。跟餐的餐湯同沙律，餐湯幾香滑仲有粒粒磨菇，沙律就幾fresh。一共4個主菜：龍蝦汁海鮮意大利飯，雖然唔太食到龍蝦汁味，但個意大利飯好creamy好香濃！香草醬法式羊架配薯角，份量好大呢，有3件大羊架，冇羊羶味配香草醬薄荷好好味。紐西蘭草飼西冷配薯角，都唔錯，算係易切唔UN。德國蜜糖芥末醬焗原隻豬手，個皮好香脆可口～配芥末醬夠惹味呢。脆辣炸雞，另外點左個小食，有啲似麥記炸雞。餐飲點左檸檬茶，跟餐甜品係Tiramisu，甜品好甜同juicy。

燈光偏暗，適合談心，座位寬落，環境幾舒服。香草醬法式羊架配薯角（七成熟）$148:羊架有三塊，每塊size剛剛好，可以方便用手直接拿起來就吃，羊架好淋完全不韌，內裡有肉汁﹗點上少許香草醬，香草醬調較得開胃，應該是加了青檸、黑椒等，與羊架十分之夾，不會羶又好味，頗出色﹗青椒、紅椒、黃椒及沙律在旁邊，薯角大大件又香又脆，好好食呀！香蒜餐多士:十分香脆，點係餐湯食別有滋味﹗磨菇餐湯:飲落好多打碎的磨菇蓉，頗有口感﹗蒜蓉扇貝$42:扇貝大大隻，上面舖滿蒜蓉，扇貝鮮嫰可口。廚師應該是用了生蒜，所以吃起來有少許辣。甜品是套餐跟的，Tiramisu不會太甜，入口即化，浪漫感覺提升晒！餐廳價錢公道，環境舒服適合想來談心情侣，或者同朋友去聚會都得~需要加一消費

pillow talk romantic cafe　*同男朋友食暈全港九*　星期一入屯門做野，男友入黎接順便食埋野兜返歸。經過呢間餐廳幾多人食同感覺浪漫，就決定食佢。　環境幾舒服，樓底勁高，完全冇壓迫感，加上燈光暗暗的，岩晒細細聲傾下計，pillow talk下～我地叫左兩個餐，香草醬法式羊架配薯角及美式BBQ豬仔骨配薯條，upgrade 左，前菜一個跟沙律，一個跟餐湯，仲有甜品。沙律同湯餐跟蒜蓉包沙律係我食嘅，啲菜新鮮配日式芝麻醬，啱我健康之選。餐湯好似係蟹膏蘑菇忌廉湯，男友話蘑菇係新鮮打爛，加油蟹膏，一啲都唔求其，唔係出邊嗰啲罐頭蘑菇菇忌廉湯。點下脆脆蒜蓉包好味道。香草醬法式羊架配薯角好大碟，羊架有三件，仲有一對薯角，雞髀菇同埋菜。羊架要咗五成熟，剛剛好，外皮煎得有小小焦，所以個羊膻味更出，內面又有肉汁，好食。美式BBQ豬仔骨配薯條大舊豬仔骨，有8條骨，烤焗出來好香，加上肉上蘸上bbq醬汁，肉入口柔軟，有咬口，啖啖肉，又惹味，啃埋骨添。甜品-Tiramisu套餐跟的，Tiramisu不會太甜，入口即化，浪漫感覺提升晒！

今日响紅橋見完客，原本打算食個班戟，點知該店正值裝修，唯有睇吓附近有咩食，見呢間餐廳&吧好似唔錯，睇睇餐牌，食物又唔貴，咁就入去試試嘞。店內裝潢好有餐廳&吧的感覺，燈光比較暗，幾有氣氛。今日想鋸扒，叫咗一個羊扒、一個牛扒。主菜加$35可以升級，變成有餐湯或沙律(二選一)、蒜蓉包、甜品同餐飲。餐湯係忌廉磨菇湯，湯內有鮮磨菇粒粒，幾香幾好飲。蒜蓉包又香又脆，好味呀！沙律材料豐富，除咗沙律菜，仲有車厘茄、青瓜、麵包粒...加埋麻醬汁，蔬菜爽口，味道酸酸哋好開胃大大份嘅香草醬法式羊架配薯角，羊架有3件，薯角份量都好多，仲有沙律菜伴碟。薯角大大件又香又脆，好好食呀！羊架肉味香濃，點香草醬薄荷一齊食，唔羶又好味。同行叫咗紐西蘭草飼西冷配薯角，份量都好大吓，見佢伴碟有秀珍菇、蒜片、沙律菜同車厘茄。睇落好似唔錯。甜品係提拉米蘇，口感軟滑帶有微微酒香，好好味喎。