米九十

Open Now

Now Closed

餐廳位於馬灣嘅村屋，位置唔難揾。店內面積唔大，我哋差不多1點左右到，全場滿座，好彩我哋有訂位，唔使等，所以最好訂定位先去。餐牌每個月都會轉菜式，但會保留素食選擇。點餐需要係出面叫。呢款素食定食係冇蔥蒜，連味噌湯都係素食，冇魚同肉嘅成分。香菇五目炊飯 Japanese Mushroom Rice Set ($128)香菇五目炊飯包含炊飯、味噌湯、温泉蛋、醃菜同胡麻豆腐。炊飯有香濃嘅醬油味，配料嘅份量同款式幾多，有蒟蒻、腐皮、冬菇、本菇、金菇、木耳絲、紅蘿蔔絲，表面再放有海苔絲。炊飯食到一半，我再將温泉蛋拌勻倒入炊飯到食，每粒飯都充滿蛋汁嘅香味，而且冇齋食炊飯咁乾，感覺更好食。醃菜類似韓式泡菜，有蘋果粒同大白菜，味道偏辣。