金屋泰國菜館

Open Now

Now Closed

荃灣多好嘢食就出哂名，近排發掘咗間位於楊屋道嘅「金屋泰國菜館」🇹🇭份量大大份之餘，價錢仲要好親民😍即刻捉埋同事收工開餐😝.🍴泰式炸蝦餅💰$78外層炸得金黃香脆，內裡彈牙無比，蘸埋酸甜醬，正！.🍴泰式煎蠔餅💰$88鐵板熱辣辣呈上，蠔仔粒粒飽滿脹卜卜，蠔餅煎得好香口，加埋辣醬份外惹味😋.🍴馬拉盞炒通菜💰$72同行朋友都不禁驚訝，點解碟菜食極都仲有😂份量真係巨多😆馬拉盞嘅味好濃料，好捨得落料！通菜新鮮爽口！.🍴泰式黃咖喱薯仔雞🍴泰式香蔥蒜蓉包💰$88、$42咖喱味道偏甜，重椰奶味，口感滑溜！薯仔、雞肉份量都好多，而且好入味☺️加埋蒜蓉包嘅絕配，好滿足🥰.🍴香葉辣椒肉碎炒飯💰$78炒飯夠晒乾身，粒粒分明！豆角增添口感，辣椒增添惹味😚中間個煎蛋仲要煎到流心，撈埋蛋醬無得輸👍🏻.叫咗咁多嘢食，每人一杯嘢飲，四個人買單先六百幾，人均百零蚊👍🏻性價比相當高‼️餐廳另外主打泰式燒海鮮，下次都可以試吓😆

見最近好多朋友都去食，決定今次自己都去試下，鋪頭位置鄰近楊市道街市。芒果沙冰 咸檸7- (30$+28$): 推薦大家可以試下芒果沙冰，飲落好濃芒果味，而且出黎既效果唔會好水。串燒豬牛雞- (88$): 每樣都叫左2串，個人認為豬係最好食，肉質好彈牙，仲好有咬口。相對之下牛肉比較偏柴。香葉辣椒肉碎炒飯- (78$): 隻蛋仲識流心，撈埋落炒飯到更加加分，而且肉碎食落好香口，成件事既配搭好好，不過要留意返佢都辣度十足，假如唔食得辣，可能要同佢地講返要小辣。泰式燒鮮魷- (85$): 好推薦大家去試下，因為燒出黎既效果好香口，而且又唔會太濃，食落又有口感。泰式明爐烏頭- (148$): 食落去酸酸甜甜，而且份量好多，兩個人食岩岩好，再加上係天氣凍既日子，食住呢啲暖笠笠既美食，更加開心。

首先要講一下呢間餐廳嘅裝修好有泰國feel 座位都好闊落 坐得舒服平時同朋友食泰國野都係會去九龍城無諗到嚟到荃灣都會有咁地道嘅泰國餐廳Menu選擇好多 基本上想要嘅泰國菜式都有揀左好耐最後叫左青木瓜沙律，香葉辣椒肉碎炒飯，泰式青咖喱雞同埋泰式薄餅芒果沙冰夏日炎炎 出面成三十幾度一坐底就叫左杯芒果沙冰消下暑杯沙冰清清甜甜 飲得出係用新鮮芒果整嘅 無額外加糖漿 飲到底仲有芒果肉青木瓜沙律去泰國餐廳我都必點嘅青木瓜沙律呢間嘅青木瓜沙律嘅汁味道較得好好酸酸辣辣 好開胃香葉辣椒肉碎炒飯炒飯好大碟肉碎好香辣 雖然有d辣 但係會想繼續食 上癮嘅辣 正同埋炒飯好有鑊氣好好食 不過唔食得辣嘅人可能會覺得太辣泰式青咖喱雞食落去椰香味好濃 青咖喱汁香甜 唔會太辣👍🏻啲雞都好大舊 同埋都好滑料都好多 仲有大大舊嘅茄子索哂啲青咖喱汁薄餅薄餅略嫌有少少唔夠鬆脆 不過要嚟送青咖喱汁一流👏🏻👏🏻甜品推薦椰汁千層糕椰汁味好香 同埋好鍾意個口感好煙韌整體黎講 食物質素不錯 價錢都合理推薦比荃灣街坊以後想食泰國野 唔洗去到九龍城咁遠 係荃灣都可以食到地道嘅泰國菜