寢宮

Open Now

Now Closed

平時吃完飯，就要再搵地方飲野；今日就選了一間BAR吃晚餐，可以不用走來走去。*沙律+餐湯沙律配上沙律醋，很新鮮；酸酸地醒一醒胃。南瓜湯很CREAMY，很濃味。*香蒜辣椒炒牛柳粒（+$58）牛柳粒很夠淋；香蒜辣椒味較濃，有點辣，個人覺得偏辣。*慢煮西班牙黑毛豬鞍配鵝肝（$328）用慢煮方式煮的黑毛豬鞍，鎖住了豬肉的肉汁，超JUICY；肉質結實，又不會太硬；旁邊的焗配菜，脆肉瓜、茄子等，都焗得超夠熟。

今晚係尖沙咀放工，屋企又冇飯食，所以我就喺附近睇下有啲咩好西食啦！😍😍咁岩見到呢間原來除咗飲嘢之外都有西餐幾吸引，就上咗嚟食啦😊😊其實真係完全估唔到啲食物咁高質素！佢嘅dinner set都有兩版咁多，有排有魚有意粉等等唔同嘅西餐，對於選擇困難症嘅我，都真係幾難揀架，乜都嘗試吓！😆😆因為琴晚食咗牛扒，所以今晚就揀咗一個法式波菜魚黎食，另外加$38-$58就可以有個小食，我就揀咗香蒜辣椒炒牛柳粒🤤🤤因為病咗唔可以飲酒，所以餐飲就叫咗一杯Shirley Temple🤧但我見到佢有好多特色嘅cocktails 好想試呀，唔緊要留返下次！跟餐會有湯同沙律，湯係南瓜忌廉湯，南瓜味濃稠，飲得出煲左好耐，因為味道十分之甜🥰另外個沙律都好豐富，大大碗有四五種沙律菜，食完個湯同沙律之後都有少少飽🤣🤣之後好快個牛柳粒就上咗枱啦，哇個賣相好靚呀，每一粒都大大粒，我急不及待即刻試下，牛柳粒整得啱啱好，超級容易咬，簡直想一粒接一粒咁食🙊🙊而且調味都做得唔錯，蒜蓉炒辣椒，好惹味啊！如果有一碗白飯就Perfect😂😂😂到最後個菠菜魚就要等多小小時間，上枱嘅時候好有驚喜，因為見到除咗菠菜魚之外，伴碟嘅種類都有好多，有

Thanks God, it's Friday!間唔中放工 飲反杯 放鬆一下 相信普遍香港人都有呢個習慣。今次揀左呢間 餐廳兼酒吧 寢宮 貪佢 有得食 又有得飲 場都唔洗轉 慳反啲時間薯仔雞湯好好飲 濃郁嘅湯 仲有個沙律 好新鮮美國肉眼牛扒配燒肉汁 $328 好味值: 5/5點左5成熟 牛扒 鮮嫩 多汁 連埋個配菜食 可以稱得上係錦上添花 。配菜有 四季豆 西蘭花 花椰菜 紫薯蓉 雞髀菇 茄子 青瓜 黃節瓜 黑松露焗薯 炸蓮藕片 炸芋頭片 豐富又夠營養 重點係 全部都 好好好食 慢煮西班牙黑毛豬鞍配鵝肝 $328好味值: 5/5必點 應承我 黎到一定要點呢個！ ！真係好好好 食吖 個 豬鞍 扒好厚 但仍然做到 岩岩好熟 切到最後 都仲係pink pink 的配菜都係有好多除左 焗薯轉左薯仔之外 其他都同上面一樣香蒜辣椒炒牛柳粒 跟餐小食 + $58好味值: 5/5食得辣嘅朋友 同鍾意食辣嘅朋友千祈唔好放過呢個小食 因為一定可以令到你地欲罷不能 辣辣地好惹味 Random Cocktail 跟餐價 $38好味值: 4.5/5好少女心 有樣又有內涵 係呢個環境望住呢杯咁靚嘅飲品 好c

諾士佛臺是九龍版的蘭桂坊，這裡的酒吧不像太子旺角的劈場，酒客都以外藉人士或上班族為主，除了酒吧，近年樓上都多了很多酒吧餐廳，不止飲酒食小吃，同時也有晚餐供應。＊＊＊＊＊＊＊＊＊＊＊＊＊＊寢宮是諾士佛臺內其中一間酒吧餐廳，會來這裡是因為朋友介紹這裡的食物大份又抵吃，而且味道也不錯。店內有私密度較高的梳化座和普通高枱高凳，亦有beer pong、桌球和飛標機等設施。先來兩杯Mocktail，定價不便宜，跟Cocktail價錢差不多。左:  Shirley Temple 2nd($78)由石榴、青檸、橙汁和檸檬汁調成的Mocktail，糖漿下得較重，酸酸甜甜幾好飲。右: Mango Mule($78)以芒果、青刺和薑啤調成，因為加了薑啤，較多汽，以芒果甜味為主。晚餐由$168至$328，包沙律、餐湯和主菜，並可以加錢加配多款小吃。沙律沙鮮菜新鮮，不過略嫌沙律醬太少。雜菌湯雜菌湯很creamy，菌味都幾香濃。香蒜辣椒檸檬汁炒蝦(跟餐+$58)炒蝦炒肉結實，香香辣辣幾惹味，不過碟底就比較多油。香蒜辣椒炒牛柳粒(跟餐+$58)牛柳粒肥瘦適中不過韌，同樣香辣惹味。香煎大蝦配辣椒蒜香意粉($238)大

由尖沙咀站B1岀口行去要8-10分鐘，地理位置容易去。每張枱都會有獨立一盞枱燈，現場既氣氛唔錯，有適合情侣坐既枱，亦有適合一班朋友聚既枱，但要影到靚既野食相就要花啲功夫打燈啦。前菜有沙津有湯，份量都岩岩好，開胃同埋好飲既，重點係個碟好靚。Coffee special mix: Up to you被佢個名吸引到，餐牌冇解釋到係咩黎，但杯野飲黎到既時後server就有解釋到係咩黎。其實係一大杯齋啡，側邊有四個細杯分别裝住奶、朱古力醬、糖水同酒，落咩落幾多都“up to you”，幾有趣亦十分乎合佢既名稱。Beauty with King: King Mud-Lun-Yam 傾乜撚飲又係被佢個名吸引到，有以中國四大美人為名既cocktail系列，友人就揀左皇帝。係以Whisky,Bianco, Fresh Line同Soda溝岀黎既，飲落似加左酒既檸檬汁。係個杯幾特别，用兩個杯黎裝住，個款又真係幾皇帝既。香蒜辣椒炒牛柳粒擺碟好靚，有心機，份量岩好夠兩個人食，似豉椒排骨既醃料，牛柳煮得夠冧，切到一啖一粒，好食。蒜辣雞翼條份量頗多，有五六隻雞翼分開兩舊骨去炸成條狀，乾身唔油膩，咬落去唔會岀油，有

尋晚一行三人去左間喺諾士佛臺既上樓餐廳食野，貪佢有酒飲有野玩有得食，又可以唔嘈既地方下吹水。有一張美式桌球，等野食既時候玩左陣。叫左支Torbreck Woodcutter's Shiraz，fruity啲係幾易入口，大家都岩飲。香蒜辣椒檸檬汁炒蝦，蝦好彈牙，蒜唔多作調味用，所以無搶到蝦既味道，唔太辣幾好食。香蒜辣椒炒牛柳粒，好腍好香肉味，加埋蒜蓉令到牛肉更好味。香草炸魚條配檸檬汁，食落似大條版既白飯魚，非常香脆可口。每人一份沙律，菜都好fresh，只係落左少少橄欖油無咁dry。個湯好特別，好似溶哂既薯仔湯但無薯仔味，綠色既湯飲落幾好味。香煎大蝦配辣椒蒜香意粉，蝦大隻爽口，意粉無炒到乾哂，味道偏辣，整體黎講幾好味。焗酥皮羊扒，用酥皮包住令到塊皮索哂啲羊味，羊扒肥美肉嫩，羶味點都會有少少，但唔羶就唔係羊吧。慢煮西班牙黑毛豬鞍配鵝肝，豬鞍肉嫩多汁，肉質軟腍。

寢宮裏發現美食😏Happy Friday 當然同男朋友去諾士佛台飲下酒輕鬆下啦🥰今次就去咗樓上嘅寢宮 環境唔錯喔有基本嘅桌球枱、飛標機等等 仲有靚靚打卡位千秋 吃喝玩樂樣樣齊👍🏻 呢到menu好多選擇 而且質素高 有別其他酒吧喔👍🏻✨ 慢煮西班牙黑毛豬鞍配鵝肝 $328黑毛豬經過慢煮之後 肉質嫩滑 豬味好岀仲配埋鵝肝 味道好豐富 配菜又多 有脆蓮藕片、煙肉脆等等☺️✨ 香草芥末燒羊鞍配露絲瑪莉汁 $318羊架味道唔羶 好香羊味 揀左五成熟亦剛剛好呀🥰有淡淡芥末味 唔會過濃 更能帶岀羊架嘅香味👍🏻✨ 香煎芝麻吞拿魚柳 +$58吞拿魚柳煎得半生熟 加檸檬或點日本豉油又得 開胃呀✨ 香蒜辣椒炒牛柳粒 +$58牛柳粒好惹味 超級辣但好味道呀‼️肉質好淋 不失牛肉味呀✨ 楊貴妃 $98放起茶杯裏面好似品茶甘🙈呢杯楊貴妃重西柚味都幾易入口✨ Flower Market $78蝶豆花做主調嘅mocktail 甜甜地 味道不錯👍🏻🍽 寢宮🔎 尖沙咀諾士佛臺10號5樓A-C室