麵屋丸京

Open Now

Now Closed

好耐之前食過深水埗既麵屋丸京，d叉燒真係好好味。經過牛頭角發現原來呢度都有麵屋丸京，就坐低食個拉麵先。入面座位大概有二十個，門面同裝修係呢條街黎講係頂呱呱。星期六一點半黎到要等位，好旺。落單紙簡單易明。拉麵有五款，寫明有幾多叉燒同幾多配料，可以加錢再加配料。湯底可以揀濃湯，清湯，或者加錢揀一味辛濃湯或黑蒜油湯。小食有五款，包括餃子，七味炸雞，醬油野菜，名古屋雞翼，香蔥沙律炸雞。飲品有九款，有汽水，梳打同茶。上次試過丸京拉麵，今次要試下其他野先。叫左個極上拉麵同真·叉燒拉麵。湯底分別要左清湯同濃湯。極上拉麵 (叉燒6枚，蛋，筍)配清湯 $93極上拉麵賣相超靚。好欣賞師傅將六塊叉燒舖得靚靚喺面，然後將啲拉麵同配料加上部份湯放喺叉燒上面，等啲麵冇咁快稔。叉燒係薄切，微微燶邊，好香。完全唔肥但係好稔豬味又濃，正。拉麵係幼身嗰啲，質感唔錯，幾有咬口。溏心蛋一隻切開兩半，係凍凍哋，又稔又滑但係唔甜。筍片有五塊，爽脆香甜。蔥花好多，令啲麵更好味。我揀左配清湯。呢個清湯好正，好清而雞味超濃。真·叉燒拉麵 (真叉燒6枚，蛋)配濃湯 $108真叉燒係低温慢煮，超粉嫩嘅賣相，食落比起濃邊叉燒少層香味，但係更

上次聽朋友話呢間拉麵好正，已經有啲想去，不過講咗幾次都無去(因為行上宜安街嫌遠😁)，今次終於去試吓。入到去坐底有啲小店感覺，見到落單紙佢嘅選擇唔係好多(不過拉麵唔多選擇都係正常)，叫了過濃湯丸京拉麵同香蔥沙律炸雞。先講碗拉麵，一上台個觀感覺得幾靚，用叉燒鋪滿整碗麵。第一樣即刻試佢個湯，一入口啲豬骨味都幾濃，唔錯。第二樣試佢兩款叉燒，薄薄的，唔韌，同埋都幾入味，食落口有啲麵豉嘅感覺。跟住到啲拉麵，唔淋，食落佢又少少硬，正係我鍾意食嘅麵身。反而佢隻溫泉蛋差少少，唔太夠醬油味，同埋淋咗少少，可能熟多啲會挺身啲。另外如果想再濃味啲，加埋佢枱上嘅蒜蓉，簡直係一絕。跟住到個香蔥沙律炸雞，好多蔥鋪喺面，個沙律醬食落去酸酸地、鹹鹹地，幾開胃。同埋炸雞唔韌，咬落口都幾嫩，個皮亦唔厚，幾好食。整體嚟講呢間麵店幾好食，同埋應該係觀塘最好食嘅拉麵店(*觀塘雖然唔多拉麵店😁)，可以再幫襯，值得推介。👍