Whitewood Coffee (Closed)

中午12點去到，排咗大概半個鐘左右入座🤤咁啱坐咗個位係睇到佢哋整嘢食，發現廚房所有人都好細個😂真係覺得佢地好犀利！同時覺得自己好廢🥲呢度所有食物都即叫即製所以需時🕐$86特級英式早餐🥗好豐富😋炒蛋🍳煙三文魚🐟牛油果🥑德國香腸🌭薯餅🥔茄汁豆🍅迷你牛角包🥐沙律🥗炒蛋又香又滑🤤🤤牛油果冇瘀黑👍🏻呢個價都咁高質All Day Breakfast真係覺得好抵😋😋👍🏻$56芝士蘑菇雞翼🐥將芝士同蘑菇釀入雞翼，竟然異常地夾！🤤芝士超香配埋蘑菇蓉🤤🤤🤤真係流哂口水🤤雞翼外皮又脆🤤肉又嫩又Juicy🤤🤤我俾滿分！💯$76香蕉榛子厚鬆餅🥞香蕉香甜🍌厚鬆餅配榛子朱古力醬🌰個人認為唔夠味🤔如果厚鬆餅甜多少少就更佳😋$44 Iced Cappuccino☕️泡泡有大約3分2杯🥺一開頭都重咖啡味，但飲到最尾開始得番冰水🥲總括而言，食物性價比高，勝在大件夾抵食🤤🤤🤤厚鬆餅可以有進步空間👍🏻飲品份量多少少會更佳🤭

經常喺石門揾食嘅我，終於過嚟試食呢度嘅pancake！中午時間嚟到，門外都幾多人排隊，等咗二十分鐘就成功入去！店內環境唔算大，有個開放式廚房。喺呢度食嘢要先去櫃檯比錢order，同埋自己拎餐具同水。❤️卡邦尼意大利粉 $72即叫即做，上枱熱辣辣好香。意粉煮得啱啱好，唔太淋。醬汁好creamy，係落忌廉去整，適合香港人口味。不過份量少咗啲！好食度：⭐️⭐️⭐️(3/5)❤️香蕉榛子厚鬆餅 $76製作需時，等咗大概20分鐘。食落幾有蛋香，甜度岩岩好。口感鬆軟實在，唔會太空氣感。不過可能攪拌得唔勻，食到少少蛋白粒！自家製cream幾好食又滑身，同pancake好夾！香蕉新鮮，唔會係浸過糖水嘅香蕉。好食度：⭐️⭐️⭐️✨(3.5/5)餐廳推薦度：⭐️⭐️⭐️✨(3.5/5)睇得出係用心經營嘅小店，見到廚房係幾個年輕人下廚，充滿熱誠！值得支持！不過人手唔多，上菜比較慢，各位可能要耐心等候！

住馬鞍山區既我 都幾經常出沙田區食野奈何係沙田區要搵一間唔多人 坐得耐既cafe係好難既事🤷🏻‍♀️石門呢間cafe開左唔算好耐 一直想試佢個soufflé🥞是日係平日下晝4點幾 我同兩個朋友一齊去Cafe環境唔大 裝修大部分係灰白色 感覺明亮舒適到步個時都有7-8個人係入面 我地坐左門口隔離個張四人枱拎杯倒水係自助式 有淡淡檸檬味由於唔係好肚餓 我地淨係叫左一個香蕉榛子味既soufflé等左大概15分鐘 就有得食😍一碟有三件好厚實既梳乎厘 我地影完一輪都唔見佢開始塌味道很不錯👍🏻 好香蛋味本人鐘意有蛋糕texture既 唔係一入口就化為烏有個種呢間既soufflé就做到呢點 而且價錢平 抵食😍食到六點幾都唔會俾人趕 可以慢慢傾下計下次要試下佢既咖啡 事關一路坐一路聞到好香

剛剛工作完，想一個人扮下文青，吸收下文化氣息，在石門站一出，一個人無意識地無定向四處亂跑，行下行下，商場發現了一間極不起眼又座落於死角中名叫Whitewood Coffee 的cafe ,有種神秘魔力吸了我入去，一間小店，以白色裝修，花巧的擺設，開放式的廚房，雲石臺配上啞金色方格椅子，更顯出它的別樹一格。坐下，馬上叫了鎮店之寶---香蕉榛子厚鬆餅(需時20分鐘) ，等下等下，看下書，放空一下，主角終於來了，蛋香已很撲鼻，成條香蕉切成圓塊在旁，三塊品字型的pancakes左搖右擺，配上榛子醬，用叉一刮，已見到pancake 的空氣感及鬆化度已混為一體，連同香蕉及榛子醬一併放入嘴內，好滑好柔軟，心中的世界一秒後被徹底融化了，難怪少女心一個又一個被俘虜了……不得了，很快又會再來了，找回味道記憶！

以往對石門呢個地方都比較陌生，但呢區近日似乎多左好多話題小店，今次就試下呢間以厚鬆餅作招徠既Whitewood Coffee 先 ～京瑞廣場仲比較新 ，店舖不多，所以搵路期間一度以為行錯路，不過店舖門口細細，的確好容易會miss左入口。不過店舖環境開揚舒服，感覺都不錯。早於落單前已經決定要留肚食呢度既甜品 - 厚鬆餅，另外再點左兩款主食：豬柳漢堡拿破崙意粉﹑香蒜白酒硯肉意粉。兩款意粉既味道都不錯，意粉彈牙多汁，而且配料多，份量足，都幾飽肚！呢個咁好天氣既weekend，慢慢坐下飲野食住等，大約20-25分鐘左右，香蕉榛子厚鬆餅終於出場！坦白講，因為有期望，所以有失望。呢個鬆餅係有所謂既空氣感，但唔鬆軟，加上又太少榛子醬，整體感覺都比較乾身，所以仍然有進步既空間。