一喜車仔麵

Open Now

Now Closed

黎到土瓜灣呢間一喜車仔麵，本身諗住求求其其食飽就算，點知野食完全超出我預期🤩每一樣都係心機之作，同埋好多野都係自家製，店家仲好熱情，係咁同我地推薦邊啲嘢好食。佢地啲潮汕丸仔同米粿都唔係普通車仔麵店食到既😋我覺得專登入黎食都值得！1️⃣香辣單骨雞中翼（$28） 脆香微辣好惹味🔥單骨方便食用啖啖肉😋  2️⃣椒鹽孖寶（豬扒拼片頭）（$30） 椒鹽味道惹味得黎唔會太過重口味，豬扒同埋片頭都好好食！特別係個片頭！店家介紹係用左80%魚肉，淨係落左20%麵粉，食多啲都唔怕肥😗  3️⃣炸韭菜餃（$30） 即叫即炸既韭菜餃，就咁睇個樣已經覺得係靚仔啲。脆卜卜而且唔會有油膩感，仲粒粒飽滿添🥟  4️⃣咖哩三寶（魚蛋、魷魚、魚腐）（$45） 佢地個咖喱汁好惹味！店員好好～本身呢個三寶係拼牛柏葉既，但係我同朋友都唔鍾意，佢就幫我地換左魚腐。魚腐可以索味👍另外魚蛋同魷魚配咖喱汁都係好正！  5️⃣紫菜四寶（油麵+$10） 有秘製特級瀨尿牛筋丸、汕尾馬鮫豬肉丸、汕尾手工小米粿、有魷魚的魷魚丸，配上黃金雞湯同埋紫菜。呢個真係必食！湯係濃郁金黃色，用左雞骨、鳳爪等多種食材熬成，絕對真材實料！另外特別驚訝個牛筋丸，真係爆汁既！一咬開

土瓜灣北帝街，多正嘢食就係人都知！今次我係為車仔麵而嚟嘅！車仔麵絕對係香港嘅地道美食之一當然質素亦可以好參差，點解一間車仔麵會出名？ 會覺得佢好好食？真係好取決於佢嘅食材！今日食呢間✨一喜車仔麵，絕對係驚喜連連、誠意滿滿！餐牌上餸菜選擇都幾多~ 除咗平時常見嘅豬皮魚蛋牛腩等，仲有潮汕紫菜四寶、片頭、小米粿等~ 講下我哋食咗咩先！由於太太太肚餓關係🤣 食得比平時多好多～～🍜車仔麵1(油麵/ 牛腩汁/麻辣汁/ 特級瀨尿牛筋丸/ 深海粒粒墨魚丸/汕尾馬鮫猪肉丸/ 蘿蔔/ 紅腸）總是覺得油麵同車仔麵中間有個等號～ 所以油麵通常係first choice～ 牛筋丸夠濃味juicy! 粒粒墨魚丸彈牙有咬口！👍🏻馬鮫猪肉丸真係好特別，混入馬鮫及猪肉再打成膠，落足功夫先有咁好食！ 蘿蔔係車仔麵的靈魂人物，😍我想講呢度嘅蘿蔔係超甜超好食！至於紅腸，老闆寧願成本貴少少都堅持用玫瑰紅腸，比普通的更好食！🍜車仔麵2(公仔麵/ 沙嗲汁/ 炸龍蝦丸/ 魚旦/ 牛腩/ 蘿蔔/ 炸有魷魚粒魷魚 / 生炸豬扒 / 酸齋）朋友就至愛公仔麵加沙嗲汁，炸龍蝦丸同魚旦彈牙好味！ 牛腩軟腍入味又係正！炸有魷魚粒魷魚真係有魷魚🦑

主打潮州食材車仔麵🥕豪華九寶大雜麵$49⭐️⭐️⭐️⭐️⭐️牛腩炆得好入味又夠淋5會鞋口，瑞士汁雞翼又係夠晒入味夠晒淋味道適中，豬紅真係超級新鮮實屬難得，豬皮蘿蔔都係大塊又淋又入味，紅腸有輕輕煎過好香口。粗麵食落好滑身，仲要好大份。最後老闆仲送左潮州魚片俾我地試下呢～真係好正宗好正！🥕紫菜4寶$39⭐️⭐️⭐️⭐️⭐️有魷魚既魷魚丸冇落粉所以真係好彈牙，完全係真材實料。秘製瀨尿牛筋丸係潮汕小吃，又係手打牛筋丸，所以好彈牙，一口即爆汁一定小心食，好重牛味好正！汕尾馬駮豬肉丸好難得仲會食到，味道幾特別，幾香魚味又夠鮮味。再配上店家既黃金雞湯，非常清甜，微微既雞香，仲有好多紫菜同生菜，好抵食！重點全部丸都係人手捶打製造實屬難得🥕咖喱魚蛋魷魚$36⭐️⭐️⭐️⭐️⭐️咖喱好香，不會太辣，感覺有落少少玉桂，魚蛋同魷魚幾入味，魚蛋夠彈牙魷魚夠淋🥕香辣單骨雞中翼$26⭐️⭐️⭐️⭐️⭐️雞中翼炸到好香脆可口，又夠Juice又肥美仲好滑，再撒上辣粉真係好惹味！🥕酸齋+$9⭐️⭐️⭐️⭐️☆酸度剛好，食落好開胃，比較重蕃茄汁既香。🥕手打檸檬茶⭐️⭐️⭐️⭐️⭐️好清新，不會太酸太甜剛剛好🥕低糖有機豆漿+$10🥕無糖烏龍茶+$10🥕無糖茉莉花茶+$10枱面既菜脯