Video
Read full review
2023-07-10
74 views
土瓜灣北帝街，多正嘢食就係人都知！今次我係為車仔麵而嚟嘅！車仔麵絕對係香港嘅地道美食之一當然質素亦可以好參差，點解一間車仔麵會出名？ 會覺得佢好好食？真係好取決於佢嘅食材！今日食呢間✨一喜車仔麵，絕對係驚喜連連、誠意滿滿！餐牌上餸菜選擇都幾多~ 除咗平時常見嘅豬皮魚蛋牛腩等，仲有潮汕紫菜四寶、片頭、小米粿等~ 講下我哋食咗咩先！由於太太太肚餓關係🤣 食得比平時多好多～～🍜車仔麵1(油麵/ 牛腩汁/麻辣汁/ 特級瀨尿牛筋丸/ 深海粒粒墨魚丸/汕尾馬鮫猪肉丸/ 蘿蔔/ 紅腸）總是覺得油麵同車仔麵中間有個等號～ 所以油麵通常係first choice～ 牛筋丸夠濃味juicy! 粒粒墨魚丸彈牙有咬口！👍🏻馬鮫猪肉丸真係好特別，混入馬鮫及猪肉再打成膠，落足功夫先有咁好食！ 蘿蔔係車仔麵的靈魂人物，😍我想講呢度嘅蘿蔔係超甜超好食！至於紅腸，老闆寧願成本貴少少都堅持用玫瑰紅腸，比普通的更好食！🍜車仔麵2(公仔麵/ 沙嗲汁/ 炸龍蝦丸/ 魚旦/ 牛腩/ 蘿蔔/ 炸有魷魚粒魷魚 / 生炸豬扒 / 酸齋）朋友就至愛公仔麵加沙嗲汁，炸龍蝦丸同魚旦彈牙好味！ 牛腩軟腍入味又係正！炸有魷魚粒魷魚真係有魷魚🦑
車仔麵絕對係香港嘅地道美食之一當然質素亦可以好參差，點解一間車仔麵會出名？ 會覺得佢好好食？真係好取決於佢嘅食材！
今日食呢間✨一喜車仔麵，絕對係驚喜連連、誠意滿滿！
餐牌上餸菜選擇都幾多~ 除咗平時常見嘅豬皮魚蛋牛腩等，仲有潮汕紫菜四寶、片頭、小米粿等~
講下我哋食咗咩先！由於太太太肚餓關係🤣 食得比平時多好多～～
🍜車仔麵1
(油麵/ 牛腩汁/麻辣汁/ 特級瀨尿牛筋丸/ 深海粒粒墨魚丸/汕尾馬鮫猪肉丸/ 蘿蔔/ 紅腸）
總是覺得油麵同車仔麵中間有個等號～ 所以油麵通常係first choice～ 牛筋丸夠濃味juicy! 粒粒墨魚丸彈牙有咬口！👍🏻馬鮫猪肉丸真係好特別，混入馬鮫及猪肉再打成膠，落足功夫先有咁好食！ 蘿蔔係車仔麵的靈魂人物，😍我想講呢度嘅蘿蔔係超甜超好食！至於紅腸，老闆寧願成本貴少少都堅持用玫瑰紅腸，比普通的更好食！
1 views
0 likes
0 comments
🍜車仔麵2
(公仔麵/ 沙嗲汁/ 炸龍蝦丸/ 魚旦/ 牛腩/ 蘿蔔/ 炸有魷魚粒魷魚 / 生炸豬扒 / 酸齋）
朋友就至愛公仔麵加沙嗲汁，炸龍蝦丸同魚旦彈牙好味！ 牛腩軟腍入味又係正！炸有魷魚粒魷魚真係有魷魚🦑架😂 比起一般魷魚有豐富層次口感～ 生炸豬扒就不得了！真心、出面好多餐廳整炸豬扒都炸到又乾又硬，呢個豬扒厚切得嚟仲好鬆化juicy!! 又係老闆心機之作！ 酸齋酸甜度適中，開胃又滋味！
4 views
0 likes
0 comments
生炸豬扒
5 views
0 likes
0 comments
炸有魷魚粒魷魚丸
6 views
0 likes
0 comments
🥢咖喱三寶
（咖喱魚蛋、牛柏葉、水魷魚）
寫明係「獨門秘製重料咖喱汁」😆啱曬重口味人士！個咖喱汁惹味得嚟又夠香～ 我最鍾意水魷魚，牛柏葉夠爽但略嫌未夠入味～
咖哩三寶
11 views
0 likes
0 comments
🥢汕尾爺父輩傳承手工小米粿
呢個好得意又好好味呀！🤭 外皮似厚身蝦餃皮但更加煙韌～ 入邊嘅餡料勁好食～ 新鮮豬肉加上超香嘅大地魚！ 加少少潮州辣油勁正！一定要食！一定要食！
汕尾爺父輩傳承手工小米粿
5 views
0 likes
0 comments
🥢香辣單骨雞中翼
雞翼一上枱～ 老闆千叮萬囑叫我哋趁熱食呀，證明老闆係一個對食物有要求嘅人！ 的確食物嘅溫度會對其口感好有影響！ 雞翼脆卜卜帶微辣～ 😝送啤酒一流！
香辣單骨雞中翼
5 views
0 likes
0 comments
🥢腩汁蠔油生菜
新鮮爽口，加埋秘製腩汁冇得輸～
我哋真係可以全部K.O.晒所有嘢食😆😆因為實在太好食！ 其實我哋入嚟嗰時差唔多爆場～ 相信係老闆親切熱情，有講有笑～ 客人都食得開心啲！ 間唔中仲會有私人醒🤭 想知係咩？就要自己嚟參透吓la~~
唔好話我自私食😌 潮汕四寶丸同小米粿都係有急凍包，可以買返屋企自己整返熱嚟食㗎！ 今次我都忍唔住買咗兩包返去呢！😆😆 仲有仲有~ 佢枱面上嘅潮州辣油又係好得～ 😂已經強烈建議老闆出外賣裝等我可以買返屋企食～～～ 哈哈！
10 views
0 likes
0 comments
酸齋
4 views
0 likes
0 comments
Post
