Wanna Eat

Open Now

Now Closed

新蒲崗有好多穩世好野食，呢日行經新蒲崗，見到有間新開，又幾文青嘅cafe，就一於黎試下啦我地叫左個香辣海鮮意粉，唔會好辣，連食唔到辣嘅朋友仔都食到好足料，海鮮都大大粒，蝦更加係好有新鮮蝦嘅味黑松露薯條即炸，好脆，不過黑松露味就唔係好夠紅油抄手絕對係大推! 真係好大粒好好食! 又足料，同埋新鮮出爐仲熱辣辣，真係好滋味 我諗佢嘅其他中式菜式應該都係好好食的呢個窩夫好大份好抵食，而且朱古力雪糕好好味，睇得又食得，真係唔錯另外跟餐加多個是日餐湯，很重香磨菇味，仲有啲粒粒磨菇，真係好足料，啱哂中意菇嘅人再加多杯Yogurt Smoothie好有蜜糖乳酪雪糕嘅味道，好正好fresh呢間餐廳環境都唔錯，乾淨又文青，有時放假想搵間cafe睇下書放空下，或者同朋友見下面食餐飯，呢度係一個唔錯嘅地方

呢日收工諗住去mikiki行一田唔想食d連鎖食店行下行下黎到彩虹道巴士站個位見到呢間個名幾攪笑入面裝修又幾四正嘅小店就決定入去試試可能因為仲係六點零大部分人都未收工所以一入到去都仲有好多空位餐廳已經擺左聖誕樹出黎喇🎄我同老公決定點一中一西嘅食物老公揀左個香辣海鮮蕃茄意粉我就要左個台式三杯雞定食我地仲加$20 要埋個餐湯餐湯係煙肉薯仔湯飲落去有啖啖薯仔嘅感覺Feel到係真材實料唔係水黎老公嘅意粉辣辣地好開胃仲有幾多海鮮下喺座意粉後面仲有幾隻蝦冇入到鏡我嘅三杯雞啱啱炒起好香好有鑊氣跟兩個餐前小吃特別鐘意佢嘅雲耳酸酸地有d d麻辣成個餐都好啱送飯！見到樓面廚房都係幾個年青人呢d小店一定要大力支持！

鬧市中有如此高質的西餐廳，難得、難得！不單環境舒適，服務良好，仲要價錢合價，食得開心又好味！正！前菜先食一個辣辣地的紅油抄手，雖然只有三粒，但係超大粒，兩啖先食到，好足料，仲有不少酸辣青瓜托底，味道好好！香辣海鮮蕃茄意粉，有三大隻青口，三隻爽口彈牙的海蝦，再有三粒鮮味帶子，意粉辣得黎好味，仲有粒粒蕃茄食到，唔會溶哂，啱唔我呢個蕃茄控。辣肉腸手工薄餅，即叫即焗，熱辣辣，皮邊好脆，芝士味好濃，同辣肉腸好夾。Dirty coffee係無冰的Latte,先放牛奶再撞coffee，好似沾污了牛奶，所以叫Dirty coffee，味道較苦，不過好香滑。另一杯係芒果乳酪沙冰，飲到好似有益力多味咁，好好味。

去新蒲崗探完親戚後在巴士站附近發現一間新cafe，決定晚餐就一試這區的小店。一入店內，便愛上這裏的設計。除了走簡約風格，半開放式的廚房、在燈具、店內裝飾也花了點心思；細微至特飲餐牌也下了點設計工夫。我們二人點了一份香辣番茄海鮮意粉、西冷扒、香辣雞翼以及期間限定的富士山特飲。香辣番茄海鮮意粉分量算是很多，而且也有不少海鮮，尤其喜歡非常爽口的大蝦。不過似乎沒有辣的感覺，非常易入口。另外叫了五成熟的西冷扒配沙律薯條，價錢雖然有點小貴，但質素不錯，老公說很有牛味，肥瘦適中。另外，薯條沙律份量也很多。最初以為香辣雞翼會是像是水牛城雞翼的做法，怎了原來是我最愛的炸雞翼！新鮮熱辣炸起的雞翼，應是加了辣椒仔汁去炸，少少惹味，味道調較得剛剛好。而且還有些沙律，減少罪惡感。還有點了一個打卡用的富士山特飲，有玻璃杯度藍色的梳打，連老公也讚很漂亮，唯一便是細杯小小。味道方面，像是波子汽水，不過要首先破壞這座富士山，攪拌才有味道。但它的味道剛好，除了有樣之外也有實力。