コメダ珈琲店

Open Now

Now Closed

📌 コメダ珈琲店 - 紅磡黃埔天地黃埔號(第6期)AEON Style地下G01號舖🗓(24/12) 星期六 ⏰ 下午3點左右 💈特式：呢間連鎖cafe我去日本旅行時都有去過，見佢係香港開第一間分店，一直都想去試，但無奈日日大排長龍，見今日係附近睇戲，佢又可以手機攞飛，咁就係差唔多電影散場前一個鐘手機攞定飛，睇完戲去到門口都仲又大約等多15分鐘先有得入座，但都比係門口乾等好好多。🥩🍔🌭🌮🥗🥯🥘🍲🍝🍣🥟🍤🍱食物：因為睇左成3個鐘電影，由唔肚餓都變到肚餓，所以就叫多幾樣野食下，睇下佢同係日本食分別大唔大我，等我同大家講下🎌味道先。香辣炸豬扒方堡 - 本身想食味噌味，但見佢呢個係同日本名店中村屋共同研發嘅口味，好似比較獨特、所以就叫呢個，一上枱感覺係估唔到有咁大舊，落單時仲可以選擇將個方堡一開二或一開四，我已經揀左開四，但每件都仲好大件，要再開二/三件先可以成件擺入口，味道就一d教唔辣，但有咖哩香味，炸豬扒好脆又唔油，個包都好鬆軟，賣$75蚊我就覺得唔貴。KOMEDA黃金炸牛堡 - 本身係想叫正常漢堡扒嘅漢堡，但佢呢個標明<香港限定>，就點都要支持下香港口味，呢

黃埔又有新餐廳！今次係名古屋café 🍴コメダ珈琲店。新開無耐就去咗食：食咗：🍦迷你冰與火$48（分大細size）▪️香辣炸豬扒方堡 $75（可切兩份/四份）▪️紅酒燉牛肉 $90 （跟兩片法包）☕️歐蕾咖啡 $26（跟餐加配）🥤蜜瓜雪糕梳打 $48-上菜次序：飲品 - 主食 - 甜品每杯飲品都會跟一包豆，食落似魚皮花生。當時唔知係咩用意，香脆幾好味。睇返資料，原來呢個係名古屋喫茶店文化，嗌飲品會送豆菓子。今次飲咗咖啡歐蕾（牛奶咖啡）同蜜瓜雪糕梳打。梳打特飲成隻綠色襪咁，頂頂有牛奶雪糕，童心未泯睇見都開心🥳。成杯飲品，有被牛奶雪糕驚艷到🤤係香濃牛奶味。-方堡有四款，分別係原味炸豬扒、味噌炸豬扒、香辣炸豬扒同炸蝦。成塊豬扒都有麵包糠，香脆有肉汁，辣醬食落似日式辣咖喱。方堡麵包鬆軟，食晒呢份真係飽晒。另外仲叫咗紅酒燉牛肉，跟法包兩塊。牛肉軟腍，中間白色係原味薯仔沙律，連紫菜絲一齊食，味道好似章魚燒😂。🧊🔥一開始睇到介紹係俾甜品冰與火吸引。未食喺到估會唔會係冰火交融呢🤩甜品冰與火有分兩款size，有主食當然叫一份細嘅試試味就好。丹麥麵包聲稱有64層，不過甜品嚟到當然要即刻品嚐，同埋雪糕就快融🙈食先

之前看見OpenRice介紹這間名古屋的過江龍餐廳，等佢一開張，就特登嚟黃埔試吓。週末午餐時候等待的人非常多，站滿整個門口，我差不多等了大半小時才可以入座。餐廳裝潢走日式木系風格，佈置簡潔明亮，以不同顏色的玻璃燈點綴及照明。用餐座位比一般餐廳寬敞，座位有手機充電位，並提供1小時免費wifi，有圖文並茂的餐牌比客人睇，以手機QR code落單的，非常方便，座位上亦裝有一個按鈕，有需要時可以按鈴叫服務員過來。餐點以三文治、意粉、炸雞、甜品等輕食為主。第一次到訪，當然點餐廳名物。我揀咗餐廳同新宿中村屋共同研發嘅香辣炸豬扒方堡，再加$20要個熱嘅招牌KOMEDA咖啡。招牌KOMEDA咖啡係先上嘅，仲送一包細嘅豆菓子，咖啡幾香，但味道不算太有特色，同豆果子也不是很夾，相比之下，個人覺得UCC嘅咖啡更加香濃同順滑😅可能顧客太多，香辣炸豬扒方堡係咖啡嚟咗一段時間之後先上，可以在下單時選擇將方堡切開幾多份，方便與朋友分享，一試之下，豬扒炸得鬆脆，不是太油，但豬扒幾薄吓，沒有Juicy的口感，麵包是幾鬆軟的，中間加咗椰菜絲及日式咖喱醬，味道不錯，食完肯定飽肚，但沒有什麼特色，也不至於齒頰留香，名過其實。