甜圓坊

Open Now

Now Closed

餐廳除左出名食芋圓圓子等甜品，仲有多款地道台灣鹹食。一入門口，侍應就用台灣國語歡迎人食客，非常有氣氛。餐牌上既價錢完全唔覺得貴，親民。而且選擇多，仲有各類甜品、飲品選擇。香酥排骨飯($50)，望落細細碗，但米飯壓得實，所以食完好飽肚。而且熱辣辣，食到中間，都見到冒煙。排骨大塊，有切割，方便分件食。滷得入味，香酥但唔油膩。玉米起司蛋餅($38)，值得一讚，蛋餅頭尾2件既內餡，都一樣多。因為有時其他鋪頭，食到既蛋餅得中間幾件，餡料先多。但尼間係，件件都一樣滿瀉。粟米甜，芝士拉絲，蛋皮酥，唔係煙韌款。芋泥奶露($30)，芋頭控必點，有大量芋頭碎、西米，奶味十足。雖然甜度固定，但完全唔會超甜。招牌綜合芋香剉冰($45)，甜品當然必點，幾飽都要叫。因為超級超級抵食大份，配料仲要多。大量煉奶淋在剉冰上，剉冰內層，原來係蜂蜜味，非常好食，初時以為可能只係得面層既煉奶味。其中芋圓、丸子、黑糖珍珠煙韌Q彈。芋頭綿，就算2人share，都飽到上心口。整體，有2人座、又有bar枱，以深水埗大部分鋪頭黎講，座位算多。食物美味，抵食，食飽過黎食甜品，都好吸引。

早晨喔✨ 小編決定(盡力)每日一po唔知大家有冇興趣睇？🥺🤩上次介紹平價葵廣甜品 今次介紹位於深水埗超抵食既甜點同台灣野呢間小店早起兩三年前已經開始出名 宜家晏少少去都要等位 都真係幾多人食🤣早晨喔✨ 小編決定(盡力)每日一po唔知大家有冇興趣睇？🥺🤩上次介紹平價葵廣甜品 今次介紹位於深水埗超抵食既甜點同台灣野呢間小店早起兩三年前已經開始出名 宜家晏少少去都要等位 都真係幾多人食🤣招牌綜合芋香剉冰 $35唔好以為呢個價錢份量會好細 佢真係cp值極高 係3-4人份量 仲要兩年前食都係呢個價 超級良心小店🤣首先佢有九種配料，包括有珍珠、芋圓、地瓜圓、小丸子、黃豆、紅豆、薏米、芋頭同西米小編最鐘意係佢哋既薏米 超級健康哈哈(平衡返個內心食咁邪惡既甜品) 其次係芋圓 整得好有咬口但唔會有好粉的感覺佢既珍珠同小丸子都好好食 珍珠落咗黑糖去煮入味得黎唔會煮得太淋身同小丸子一樣都好煙韌 煙韌控最愛🥳佢既芋頭都超大舊 而且甜甜地又綿又滑最後講既係個冰底 面頭淋咗西米加上無限既煉奶 同埋珍珠其他配料既黑糖味都融合咗係個冰度 食落甜甜地食到底都仲有甜味食完就透心涼 消暑必備😍評分: 9.5/10🌟香酥排骨

🔴香酥排骨飯($45)同我平時食開嘅香酥排骨好唔同冇咁炸網絡好細碗食落其實好飽我哋幾個都覺得伴碟酸瓜幾好味🟠油蔥拌麵($35)油蔥味幾香麵質不錯🟡鹽酥雞($30)正常鹽酥雞味啦都新鮮炸嘅🟢肉鬆蛋餅($28)唔記得影內部但幾好食英國返嚟嘅大家姐表示好欣賞話說其實我去過台灣不過冇食過蛋餅喺香港都冇食過Layer嘅感覺唔錯🔵招牌綜合芋香剉冰($35)呢度最出名嘅係甜品呢個冰有雙色芋圓薏米綠豆珍珠丸子同芋頭頭頂有啲西米個冰應該有煉奶唔會有普通刨冰果種食到最後冇味嘅情況35好大碗非常抵食嘢飲我哋叫咗水果茶($25)同酸梅湯(跟野食加$10）水果茶幾足料平過出面好多酸梅湯就正正常常咁啦都係度坐咗一排傾下計又一餐~

天氣真係太熱了，所以lunch time都想去食過刨冰🍧先再努力工作。但呢排胃口真係麻麻，好彩朋友都唔大食，所以我哋叫咗一個咸食同一個甜食share。咸食選擇唔算多，飯麵類得三樣，另外仲有啲小食；而甜品就多啲有仙草、剉冰等等。呢到食物價格都比較平，特別係甜品👍。我哋叫咗香酥排骨飯($45)，賣相都ok啦，炸排骨即係炸豬扒🐷，叫做有四嚿，都幾厚肉，味道都幾唔錯，入味得嚟肉又嫩。鹵蛋就無豬扒咁入味，一般般，另外亦有幾片青瓜🥒，多啲就好。個飯夠汁的唔錯，份量睇落好似好細，但其實唔係!!，係夠2個人食，都叫做可以分到兩細碗，不過豬扒可以大塊啲。另外叫咗🍧招牌綜合芋香剉冰($35)，店員有主動問使咪後上，我哋一次過食埋啦，嘩一嚟到發現份量超多，比平日大起碼1.5倍👍，而且配料好豐富好多，包括芋圓、地瓜圓、芋頭、珍珠、湯圓(白玉?)、綠豆仁、西米、薏仁、紅豆等等，造型夠哂吸睛☺️。剉冰甜甜的，因為有煉奶，咁樣已經好好食，另外亦熔得唔算快。不過唔係樣樣配料都咁好食，我覺得芋圓地瓜圓比較粉，唔夠嚼口，麻麻哋，其他就正正常常，但珍珠就幾好😄。由於lunch time時間有限同埋份量勁多，所以2個人都食唔哂

晚上睇完一套既感人又傷心既電影，心情因而有少許低落、空虛，加上唔餓既原故，所以決定以甜品作晚餐，安慰一下悲傷既心情。由於朋友唔太好甜品，所以特意揀左呢間有鹹甜食品供應既台式小店，滿足哂我地兩個既需求。我揀左呢度既第一人氣-----嫩仙芋奶凍 ($25)除左有芋圓同地瓜圓外，仲有小丸子、珍珠、紅豆、綠豆仁、洋薏米、西米、仙草底，口感非常豐富，各丸子都好彈牙，當中芋圓好有芋味。食客可根據自己既喜好而加奶，不過我中意就咁食，比較清新。順帶一提，呢款甜品只係少甜，好岩我口味。朋友點左個香酥排骨飯 ($45)豬扒好有台灣炸雞小食既味道，屬於重口味款，肉質唔會好死實，有肉汁；小食就點左雙拼蛋餅 ($30) 可惜芝士係用片裝芝士，而非芝士碎，所以無乜拉絲力，而且芝士味亦唔夠香；蛋餅亦比較乾身同韌，同係台灣食到既蛋餅有明顯出入。

今晚食乜好，見到有人叫咗呢個排骨飯都幾唔錯咁，我都要試吓。嘩~塊排骨好香、鬆、脆，仲係即叫即做㗎，嚟到熱辣辣，好正! 唔少得嘅就係嘅青瓜同埋隻好入味嘅蛋，之前試過已經好鍾意😋個飯底同滷肉飯嘅一樣，好味😁

深水埗多美食好多人都知，但想食道地臺灣野就好似冇咩，呢間甜圓坊正正就俾到道地既味覺俾我。今日同老婆路經此地，見門口排哂隊，就俾佢吸引左排埋一份了。等左大約10分鐘左右有位了，當然立即坐低睇餐牌叫嘢食。最後我哋分別叫咗以下呢啲：香酥排骨飯：用既飯係珍珠米，材料有滷肉、滷水蛋、大大塊豬扒。食落味道勁似係臺灣小店食既味道，豬扒熱辣辣，肉質鮮嫩，不鞋口滷肉同滷水蛋想當入味油蔥拌麵：蔥油份量剛剛好，不會太油太喊，麵既份量適合女士食用，滷水蛋入味，不錯不錯仙草紅豆撞奶；呢個好好飲，我個人十分喜歡！飲落奶味超濃，紅豆又夠林同粉，再加上仙草飲落口感滑滑的，口感層次一流！珍珠奶茶：珍珠奶茶正正常常，唔會太甜，不過不失桂圓蓮子甜湯：內含的材料勁足料，熱辣辣，飲落當然好好味，非常潤喉，仲要先$25，抵呀！總匯QQ圓：內含龍眼肉同薏米蓮子，材料非常足，飲落又係非常潤喉，熱辣辣，飲完一啖接一啖停不到。又係$25，這價錢同材料咁足真係係其他地方難找！總結：呢到無論主食，飲品同糖水都非常道地同出色，下次我會再黎試埋個小食鹽酥雞。價錢平民，用料足！值得去完再去！

幾個月前得知深水埗開了一家台式餐廳，供應滷肉飯和珍珠奶茶外，還很難得地有賣芋圓，於是把它放到 to-eat-list 上。幾個月之後，朋友邀約到深水埗，問哪裡晚餐，我便提議這店。沒想到幾個月後，這店竟然哭臉增加了。我不想朋友失望，問她是否繼續前往，我可是不想她跟我一起中伏。朋友一臉瀟灑，說：「不怕，我就去看有多伏。」哈哈，真夠勇敢！ 我懷著戰戰競說競的心情到餐廳用餐。參考了網上食評，都說芋圓令人失望，不嘗也罷。我跟朋友「打咗個底」，說明不點芋圓，免得中伏後，吃又不想吃，不吃又被冠上「大嘥鬼」罪名。於是，我們當天點了2個主菜和2個飲品。誰知，說著普通話的店員大力推介：「我店最聞名的是甜品，正宗台灣風味，你們試試吧！」……既然如此，我們也不好意思再推搪……只好硬著頭皮說好，心裡在碎碎唸的：不會太差的，應該已經改進了的吧……手工滷肉飯 $30 相對於滷肉飯，我比較喜歡肉燥飯，因為看不見粒粒肥肉，感覺來得沒那麼邪惡；而這裡只有滷肉飯，也接受吧。店員端來的滷肉飯，大大碗的，十分足料。我看到也感覺飽了一半。哈哈。 賣相過關，味道又怎樣呢？滷肉是半肥瘦，不過吃起來不算太油膩，是我可接受的程度。滷肉

至於個排骨飯小編覺得一般啦！首先佢哋嘅排骨比較似係豬扒（叫排骨但係冇骨？）不過冇骨都有無骨嘅好處至少唔使「論」骨呀！另外好彩佢哋個香酥排骨一啲都唔韌仲唔「鞋」口添，咬落去仲食到有少少肉汁，而且排骨嘅厚度都唔算薄大約有5mm左右啦！另外唔可以唔睇就係佢哋嘅排骨真係即叫即整，攞出嚟嗰陣嘅香噴噴…真係冇得彈啊🤤另外佢哋喺個飯上面都有加少少肉操，所以入口唔會剩係得白飯味，可以食到有少少肉操嘅香味。另外排骨飯仲配上滷蛋同埋酸瓜添，佢哋嘅滷蛋好入味而且一啲都唔硬（即係唔會煮咗特耐）而且酸瓜仲有左消除油膩感添！呢碗剉冰嘅size絕對可以做到正餐啊，唔使食飯齋食佢都夠晒飽😂剉冰既表面淋上左煉奶，所以基本上面頭嗰一半嘅冰都係食咗有好香嘅奶味。以下面嘅冰佢哋就落咗焦糖漿係上面，雖然叫焦糖但佢哋嘅焦糖唔係苦係甜架，食落有好重嘅蜜糖味添（但係小編真係講唔出係邊種蜜糖味，總之就係似曾相識😂）呢個剉冰足足有成八種配料，而且每種配料仲要堆到成座山咁高添！剉冰既煙韌指數完全爆曬錶啊，有芋圓同珍珠都唔夠仲要加埋湯圓添。雖然佢哋嘅芋圓就唔係最煙韌嗰間，但就絕對係比上不足比下有餘，絕對有能力K.O.之前介紹過嗰4間嘅其中3

一早打算試下新野但去前幾日見到FACEBOOK廣告心諗出事啦今。次。有。排。等點知真系等足45分鐘酸梅湯味道偏淡無咩特別跟飯+$5可接受手工滷肉飯見上網好評幾多一於試下不過無想像中好食亦做唔出台灣水準但又唔系難食或者系唔夠入味唔推薦香酥排骨飯哩個反而有驚喜成餐入面最好食排骨好Juicy 熱辣辣好味道味道適中好適合餸飯本身想點鹽酥雞可惜賣哂但唔知點解後面果枱遲落單都有嫩仙芋奶凍配料種類好多仙草。芋圓。地瓜圓。原粒紅豆。紅腰豆。薏米。台式珍珠。鑑於我同朋友仲唔中意奶所以我地無落奶直接食芋圓同地瓜圓都暖暖地嘅但食落真系好足料呀會咬得出芋頭泥同蕃薯肉而且又煙韌彈牙食得出系新鮮製作算系我系香港食過最接近台灣質素嘅芋圓整體黎講哩到嘅芋圓相當唔錯可惜人手不足系最嚴重嘅問題😶明明座位唔算太少但收銀傳菜樓面夾埋先得兩個人🤦🏻‍♀️收得錢黎又落唔到單出唔切菜廚房上菜嘅速度亦都系一樣慢加上Facebook落埋廣告根本就無可能做得切🤷🏻‍♀️希望下次去嘅時候已經解決哩個問題因為我覺得個排骨同芋圓都做得好好所謂貴精不貴多而加嘅菜單已經夠啦如果可以再加強就更好

喺呢間台灣菜仲係試業時已經mark低左想要一試，奈何經唔少媒體介紹過後，小店嘅人氣不一般，加上正值暑假，有唔少人都慕名去。嗰次下午四點幾去到，甜品已經售罊，我地意欲都減半，而且門外有十幾人排隊，只怪我地耐性比平常人低，唯有轉去康瑞。事隔個零月，喺鴨寮街辦完事，即管過黎睇睇咩環境週日六點半鐘，排隊嘅人就冇上次咁多，但店內已經滿座，睇清楚甜品冇售罊後，我地就決定等位，幸運地只係等左十分鐘。小店嘅位置唔多，有部分係高枱，其餘係窄到肥少少都坐唔到，背貼背程度，唔會舒適。裝潢普通，但全店只有兩個店員，客人爆滿，感覺不論樓面定廚房兩者都承受唔到咁嘅客量，有外賣嘅人等唔切取消單退錢、有堂食嘅客人等候時間太長，難怪評語好壞參半。相信未來除左穩定品質外，人手短缺都係店主要解決嘅一大問題。餐牌選擇唔多，主食有滷肉飯、焢肉飯、排骨飯、油蔥拌麵；小食有皮蛋豆腐、青菜、酥炸排骨同鹹酥雞；甜品方面有芋圓、仙草、西米露、剉冰及兩款甜湯；飲品有珍奶、仙草撞奶、檸茶檸水咖啡酸梅湯、沙冰類，定價唔貴。食物大約等左十幾分鐘，個人認為可以接受手工滷肉飯 $30新鮮熱辣上枱，滷肉偏肥膩，滷汁唔會太鹹，反而覺得飯粒太濕笠，滷蛋冇

偽台妹很喜愛試新鋪頭， 決定去深水埗吃台灣美食。主要原因偽台妹的好友住附近，順路叫佢帶我去基隆街，嘻嘻。。。。 到了基隆街，看到有4位人仔係門口等緊位，我們便乖乖跟住隊尾去排，等左10至15分鐘到啦，終於有位啦！叫了油蔥伴麵，香酥排骨飯，仙草紅豆撞奶先，吃到大半先再吃甜品，招牌綜合挫冰。油蔥伴麵，是最好味的一種食物，雖然偽台妹不愛蔥味，但今次都決定要挑戰呢個油蔥伴麵，果然沒有令我失望，味道很好，很夾，油和蔥份量適中，麵的軟硬道也很好，值得大家去試試，可以 encore 呢個食物。香酥排骨飯，非常失望。飯的軟硬道好差，飯很硬，明顯是太少水去煮，職員們希望可以注意。排骨比較炸得乾身，一般水平， 略為有點鹹。仙草紅豆撞奶，唉。。。。。 奶味很蘇，味道有點奇特，不像紅豆冰這樣好味。可能奶味又蘇又濃，紅豆又略為硬，不能多吃。招牌綜合挫冰，也是另一個可以推介的食物，味道似台灣夜市吃的一樣，非常好。但真的要等待，時間等到比較長一點啦！可以值得大家試吃的，油蔥伴麵同招牌綜合挫冰