Goobne Chicken (The Hart)

Open Now

Now Closed

俾呢間烤雞店既相吸引左好耐, 幾次黎都無位, 又BOOK唔到...今次特登未夠6點就黎WALK-IN直入現場已經有唔少客人開緊餐店員話限時90分鐘, 出面有人等位就要走人雞肉係滑既, 不過無咩味, 只有香草粉係雞面, 要靠點醬先得.烤雞其實食落同炸雞都係感覺一樣咁熱氣 無咩特別, 可以一試, 但唔會再諗下次.蛋捲係成餐最好味, 個樣又吸引, 蛋皮結實但唔硬, 做得幾好. 不過價錢偏貴.芝士加魚糕原來都幾好味...韓國人真係咩都可以加芝士...沙津菜就普通野, 但係上面個塊雞唔掂...又淋又凍, 又鞋又無味推介飲柚子沙冰, 酸酸地可以解番食物既油膩藍橙沙冰就完全唔岩飲, 味道太甜, 只係飲到糖水同少少橙味. 

由於去之前我已搵好資料，知道夜晚六點前去實無死果然五點幾去到唔使等已經有得坐一如其他食評所言，服務生都係講英文，店內有播韓國音樂節目(但無聲好奇怪)，另外有音響播韓文歌實物同餐牌有色差，雞肉味好怪，上面啲醬有梅子味太奇特，恕我唔識欣賞正正常常嘅烤雞，食左成盤唔會好滯好油膩，但亦唔會有想再食嘅慾望見係藍藍地好靚先叫離飲，橙味有少少維他橙汁味，有沙冰算好味啲呢杯係友人叫嘅，佢覺得ok，但我就唔評分了

這間韓式餐廳標榜不賣炸雞, 而是一律烤雞. 是次點了韓式烤雞, 原味烤雞和香酥烤雞三款, 一碟已夠九個人分到至少兩舊, share食非常抵食 所有烤雞烤到皮脆肉嫩, 沒有炸粉無減雞的香脆可口, 反而少了份油膩感. 個人最喜歡原味烤雞, 不辣但鹹香很入味. 香酥烤雞則是烤得較乾身, 比其他口味更酥脆. 喜歡辣的點韓式烤雞很適合, 那種韓風甜辣辣得很過癮😊 烤雞還會附上韓式甜辣醬和hollandaise sauce, 讓烤雞多了一層次的風味. Somerby Apple Cider Rita很大杯, 兩人分也很足夠. 夠凍的apple cider加梨味沙冰座底, keep住夠凍之餘也不會溝淡cider味, 凍酒加上烤雞最爽熱食點了砂鍋魚糕湯, 大長今炒年糕和京蔥雞肉併盤. 除雞以外副食選擇不多, 但餐牌上的都比較特別, 不是每間韓食都有. 砂鍋魚糕湯有不同顏色的手打彈牙魚蛋, 雞蛋, peppers, 還有吸了湯汁的魚糕很入味. 大長今炒年糕是濕炒, 有許多牛肉和peppers佐料. 京蔥雞肉併盤無骨雞件本來已醃得很入味, 加上麻醬和京蔥絲很搭整體好好味又好抵食(特別係有咁多人share)

一直都好喜歡食韓式炸雞既我想黎呢間餐廳試好耐架啦，但係知道呢到電話訂座比較困難，所以決定傍晚5點幾黎碰下運氣。5點10到黎到，餐廳已經唔係好多位淨啦。坐低後我地首先叫左2杯野飲: 1杯Blue Orangeade同埋1 杯Somersby Apple cider Rita。Somersby Apple cider Rita 應該係呢到既招牌飲品，因為見到幾乎每檯都有人叫。呢杯特飲只係賣相已經夠吸引，有型到平時好少飲有酒精既飲品既我都要叫黎試下同影下相。呢個特飲底層有D類似梳打水+檸檬沙冰咁，再插入一枝原裝既APPLE CIDER，酸酸甜甜咁，酒味很輕，大大杯，1個人未必飲得晒，用黎送炸雞都幾解渴同下火。至於Blue Orangeade，呢杯係一杯藍色狀既沙冰，似係濃縮橙汁，但同時帶有少少檸檬味，用黎送炸雞既感覺簡直一流。海鮮鍋巴湯: 海鮮湯係微辣既，裡面有大量青口，蝦，雜菌同菜，相當豐富。鍋巴睇落有少少似童年時食既暴暴飯焦咁，但浸左係湯到一段時間後都變腍了。如果可以用碟另上就會更加好啦。香酥烤雞: 落單果時都唔知原來一份雞係咁大份，上菜時見到有成十幾件真係有少少震驚，2個女仔食真係淨低

最近靚女好友話見到尖咀有間韓式餐廳好正，有炸雞啤酒 喎，個個聽到蠢蠢欲動, 咁啱大家呢個星期六晚又得閒，即興搞返個4月份生日聚會！餐廳時限個半鐘交枱，我地唔敢怠慢，準時到埸！簡單既韓式裝橫，座位比較狹窄。大家睇完一輪menu, 發覺來來去去既食物款式，都係以雞肉為主 ！韓藉侍應生温馨提示我地，有几款食物係特別辣㗎，例如豬手...唔係雞既就係超辣款，今晚唯有食全雞宴  啦!1.雞蛋卷 : 是晚最正就係呢款食物 ，我地encore左一次！雞蛋卷皮厚厚的，好似d日式壽司既甜蛋咁，饀料有午餐肉、紅蘿蔔、紫菜、青瓜等……加埋d沙律醬，very yummy !2.雞肉沙律 : 一般般既沙律，有紅腰豆、粟米、車厘茄等。至於d酥炸雞肉, 口感嫩滑但無咩鮮味囉 ！3.原味烤雞 : 原味即係唔辣，不過有朋友話覺得有少少辣味！味道就類似KFC既炸雞 囉 ！4.香酥烤雞 : 又係普通炸雞，不過好辣吓！用來點雞既醬料就好好味！食炸雞點可以少左啤酒呢，要跟劇本而行，哈哈…5.Somersby apple cider rita : 造型特別既啤酒，可惜我本身有酒精敏感，只可以點汽水 ，其

環境開揚味道唔錯星期日食晏拍拖嘅好地方重有terrace 可以吹下風夜晚飲野會重開心講返野食先 同女朋友兩丁友叫唔得多剩係食左香酥烤雞同蛋卷啲雞真係滑 一啲油都無 超脆味道方便就有啲啲辣 可能佢注重雞味 唔係點落鹽 我就覺得淡左啲食雞重有埋叉同夾仔 重有個筒比你放骨 好貼心 如果有把刀仔重好 因為我中意刀叉多啲蛋卷外屠超香蛋味 勁滑反而入面啲材料無咩味 如果係用泡菜或者酸羅白會開心啲簡單啲泥講 值得推介 一定會返泥試佢個辣雞同黑椒雞

所謂人不可貌相，食物如事，這款黑胡椒烤雞千萬不要被其外貌嚇到黑胡椒烹調而成既辣味唔似一般韓式食物咁...辣到不停流口水反而...黑胡椒烤雞香中帶辣，即使不食的辣而又鍾意食辣野既人絕對可以嘗試黑胡椒口味(好似我呢類)爽口豬啼併雞肉，當中既醬汁一試難忘，有d似甜芥茉醬，好醒胃有別於一般雞蛋卷只有雞蛋，此款特制雞蛋卷更包有蔬菜，有如韓式紫菜包飯，但其則使用雞蛋包裹，軟綿綿既雞蛋包有香滑芝士以及爽口呢青瓜﹑蘿蔔又有午餐肉，蟹柳等。即叫即做，花滿心思，即使要等40分鐘都願意。可以稱為goobne招牌貨既BASASAK烤雞，食既時候真係會懷疑明明話係烤雞但咁似食緊炸雞既，但又唔油淋淋﹑唔膩，好香口好岩配啤酒強烈推介海螺筋面...爽口美咪屬於冷盤，韓式辣醬併海螺同筋面，超爽口開胃，面份量較少，兩個人食每人都係一啖到，但作為頭盤的話非常唔錯。