真心泰國菜館 (Closed)

真心lee間泰國菜好耐冇食過了。之前多數係去朗豪坊果間真心。今次去左通菜街果間，一入到去，坐滿人。生蝦，唔錯算新鮮，配上佢既醬汁都不錯。冬蔭公有火熱住，香料重，有蝦有菇，湯真係幾辣下，越耐越辣要小心，不過偏咸，我地冇飲哂。咖哩蟹都ok，但蟹唔夠新鮮。西柚辣沙津係必叫既泰國菜式，柚子肉都好多，少少辣，但今次調味唔夠酸，再酸d就正嘞。泰式炒貴刁，正常。馬拉盞炒通菜(走辣)都係我必叫之一，因為我每餐都要食d菜。有鑊氣，又夠味。泰式串燒（雞+牛）較為失準，牛醃過龍。

最近喺旺角食飯，多數是一大班人去cafe，或者食雞煲，泰國嘢印像中都有兩三個月冇食，突然有d掛住 炸蝦餅同埋泰式生蝦，亦因為順路的關係就去左通菜街的真心泰菜館。喺通菜街嘅所有餐廳都係細窄形，呢個亦都係條街特色，但內籠裝潢都幾有特色。見餐牌好多一人套餐價錢大約60至70蚊包飲品， 想食豪d啲嘅有二人套餐，我就選擇就散叫，叫了炸蝦餅， 馬拉盞炒通菜，青咖哩炒飯，及一杯咸檸七。想叫埋泰式生蝦，但見m要156蚊就冇叫。炸蝦餅配甜酸雞醬，一上碟見到8大舊， 但每個都係切開的。內有飽滿彈牙蝦肉，又炸到外層脆卜卜，好味馬拉盞炒通菜，可能唔啱時節，菜不夠嫩，但馬拉盞嘅醬好味，提味不少。其實馬拉盞同蝦醬幾似，都係用蝦仔發酵成，但馬拉盞多了辣的層次，如果點菜時選擇選擇了椰菜苗咁會好食好多。青咖哩海鮮炒飯，可能係因為加了青咖哩，碟飯色水冇咁好，但內有魷魚，青口等，其實都幾豐富，所以大家唔好以貌取人連加1埋單都係3百頭，都算抵食。