Video
Read full review
2015-10-21
1716 views
近排天氣凍左，紅日假期前撞正夜收工，夜晚十一點幾，好肚餓但又諗唔到食咩。。朋友提議之下不如去豪火鍋打邊爐，於是乎就走左去尖沙咀😊！火鍋店位於厚福街，一問之下，原來凌晨兩點先收工，真係好啱我呢啲夜收工嘅人黎食宵夜。店內裝修精緻，環境好舒服！我哋兩個人你安排到卡位坐，位置寬躺，一邊打邊爐一邊望住街景都真係唔錯！原來夜晚九點半之後，係消夜時段有特價，重慶麻辣雞煲都只係一蚊，真係超值！重慶麻辣雞煲 $1雞煲一上枱，經理教我哋，開大火只需滾一分鐘就即刻可以食得，我哋兩個人只係一蚊就足足有半隻雞，雞好新鮮！連我最鍾意食嘅雞胸感覺都好滑溜，一向鍾意食辣嘅我，對辣味嘅要求其實都幾高，呢個重慶麻辣都好正宗，辣中帶麻嘅感覺超級開胃！1.鬼馬油炸鬼＄48脆卜卜嘅油炸鬼上面鋪滿左爽口彈牙嘅蝦膠，滾咗一陣間就已經可以食。一啖咬入口，油炸鬼已經吸晒湯嘅味道，加上蝦膠好彈口，爽！2.鮮淮山＄28鮮淮山真係唔係度度都可以食到，簡直係打邊爐嘅恩物！試過喺其他鋪頭叫鮮淮山，結果全部都係細細粒架超級薄片。。呢度嘅鮮淮山真係好足份量，每一粒都係大大粒！3.炸番薯＄28紫色炸番薯，上枱時令我覺得好有日式風味，只係輕輕浸一陣湯已
近排天氣凍左，紅日假期前撞正夜收工，夜晚十一點幾，好肚餓但又諗唔到食咩。。
朋友提議之下不如去豪火鍋打邊爐，於是乎就走左去尖沙咀😊！
火鍋店位於厚福街，一問之下，原來凌晨兩點先收工，真係好啱我呢啲夜收工嘅人黎食宵夜。
店內裝修精緻，環境好舒服！我哋兩個人你安排到卡位坐，位置寬躺，一邊打邊爐一邊望住街景都真係唔錯！
原來夜晚九點半之後，係消夜時段有特價，重慶麻辣雞煲都只係一蚊，真係超值！
重慶麻辣雞煲 $1
雞煲一上枱，經理教我哋，開大火只需滾一分鐘就即刻可以食得，我哋兩個人只係一蚊就足足有半隻雞，雞好新鮮！連我最鍾意食嘅雞胸感覺都好滑溜，一向鍾意食辣嘅我，對辣味嘅要求其實都幾高，呢個重慶麻辣都好正宗，辣中帶麻嘅感覺超級開胃！
1.鬼馬油炸鬼＄48
脆卜卜嘅油炸鬼上面鋪滿左爽口彈牙嘅蝦膠，滾咗一陣間就已經可以食。一啖咬入口，油炸鬼已經吸晒湯嘅味道，加上蝦膠好彈口，爽！
2.鮮淮山＄28
鮮淮山真係唔係度度都可以食到，簡直係打邊爐嘅恩物！試過喺其他鋪頭叫鮮淮山，結果全部都係細細粒架超級薄片。。呢度嘅鮮淮山真係好足份量，每一粒都係大大粒！
3.炸番薯＄28
紫色炸番薯，上枱時令我覺得好有日式風味，只係輕輕浸一陣湯已經食得
4.午餐肉＄38
午餐肉明顯係我最鍾意嘅白豬仔午餐肉，正
5.至尊三滑 ＄58
有鯪魚+墨魚+蝦滑，爽口，足料，粉少料多！值得再試
6.珊瑚蚌＄58
冇諗過特價時段嘅珊瑚蚌居然都咁大碟，＄58足足有成大碟珊瑚蚌， 真係好抵食， 而且好新鮮！
7.頂級安格斯牛頸脊(小)＄108
平日打邊爐唔係太好牛肉嘅我，食左一片呢個安格斯牛之後，已經忍唔住不斷再食，呢度嘅牛肉超級新鮮，牛味濃郁！
8.雪糕三文治
平時去打邊爐對佢嘅甜品一般都唔會好期待。。
但呢度嘅雪糕三文治，好明顯都係自家製嘅甜品，兩邊朱古力蛋糕，記住朱古力碎嘅朱古力味雪糕！真係冇諗過係打邊爐嘅地方居然可以食到咁有心嘅甜品！
總括來講，呢度嘅感覺俾我真係唔錯，所有食材都好新鮮，雞煲亦夠滑溜，麻辣超級香口！最難得嘅事經理同埋員工服務態度超級好，細心。。不時都會過嚟幫我地睇吓過火，又會問我地嘅食物啱唔啱口味。。今時今日，火鍋店有咁樣嘅no. 1服務態度!!真係超級難得。。一定會再返嚟幫襯
Post
