汀汀烤活魚 (Closed)

聽過汀汀呢間烤魚好耐啦,今次第一次嚟~估唔到入面係咁型格嘅裝飾,又有塗鴉🎨,又有霓虹燈💡,仲有幾隻Kubrick🐻~母親大人食魚最叻,佢一見到筍殼就話好嘢嚟喎,一定要試🐟~呢隻魚勝在骨唔多🦴,食落啖啖肉,唔太識食魚嘅人就最啱👍~母親大人今日忽然唔想食辣,叫咗淨酸菜都好夠味~提提你,記得一定要食埋塊魚面肉,又大塊又滑,必食😋!鬼馬系列其實係將蝦膠🦐,墨魚膠🦑釀落油炸鬼度炸~記得上檯快啲食,脆卜卜,真係幾盞鬼🤭~如果可以擺塊紙吸下油會更好~母親大人一見到有新鮮魚卜就眼發光😯,因為唔係好多店有賣~一碟嘅份量都算幾多,煮起之後都係好滑捋捋嘅,母親大人表示非常滿意~而我必點就係嫩鴨血🩸,大大塊,煮起有啲咬口~不過真係比較適合辣鍋🌶,因為唔辣嘅鴨血感覺總係爭少少~食咗咁多嘢,梗係要食啲菜🥬~雖然魚鍋都有啲芽菜豆卜咁,但唔係好夠喉🤪~佢呢度都有唔好菜類選擇,生菜,娃娃菜,油麥菜,食咗咁多肉,清清腸胃就最適合~佢哋啲魚幾好味,而且火鍋配料款式都好多🥩🦪,仲好新鮮~如果一班朋友嚟,仲可以book房,等你可以一邊食烤魚一邊唱K🎤~容納10-12人,消費3300就ok,人均around 300,都幾抵玩~

汀汀烤活魚好耐之前就聼過，今次終於有機會去食！雖然招牌係烤魚，但原來佢仲有雞煲。裝修係偏街頭風，有唔少塗雅同霓虹燈可以打卡~ -🎈招牌烤江團魚鍋 ($328)來到烤魚店當然要試試烤魚，見到openrice仲有折🤔！店内提供江團魚、荀殼魚同沙巴龍躉。江團魚肉質會滑嫩啲，而荀殼魚既魚味就會突出少少。一份烤魚可以選擇香辣、麻辣、酸菜同不辣，唔食辣既朋友可以選擇酸菜或者不辣！我自己唔中意食花椒麻痹既口感，所以果斷選擇香辣，BB辣度對我來說剛剛好。-條魚煎香後再用香辣汁煮，諗下都知香口啦~ 煮左一段時間之後肉質依然好滑，算係比較驚喜。入面仲包左少少豬皮、豆卜、蘿蔔等。不過醬汁煮耐左會有少少鹹，呢個時候記得請店員幫手加湯。-🎈鬼馬雙拼 ($78)呢個係必點item，超好食✨ 油炸鬼内釀入蝦膠同墨魚膠後炸香，店員特意提醒呢個要趁熱食，非常香脆！一份有提供甜辣醬，不過油炸鬼點返香辣汁都好好食。-🎈二人安格斯肥牛 ($138)份量唔算多，係剛剛好的二人份量。牛肉唔鞋，有肉味。🎈花枝片 ($68)因為食完魚同牛肉都會開始覺得膩，花枝片夠清爽，同香辣鍋都幾夾~🎈萵荀 ($48)成日覺得食呢啲熱氣野一定要食蔬

🔺汀汀烤活魚（旺角）一入去發現行暗黑及霓虹燈的街頭塗鴉藝術🎨風，仲有bearbrick打卡。🔻招牌江團魚鍋（小辣）$226（特價）嗌左麻辣小辣的江團魚鍋，鍋內的魚肉好滑，仲有的配料豆芽、萵荀、豬皮、豆泡，都係越食越入味。🔻二人安格斯肥牛 $138安格斯肥牛油脂分布均勻，肉都厚身，肉質嫩，值得一食。😋🔻野生竹笙 $58竹笙值得一推，好爽口，索埋個湯正正。😙😙🔻嫩鴨血 $48嫩鴨血口感正，份量都ok。🔻鬼馬雙拼 $78鬼馬雙拼就係蝦膠釀油炸鬼同墨魚膠釀油炸鬼，脆卜卜，適合點附上既甜辣醬又或者點落麻辣湯度，都好惹味。🔻新鮮百仙果水果（梳打）$38依度既水果綠茶仲有得轉梳打，好適合想食火鍋飲有氣的凍飲品又想食生果既人，杯飲品有豐富的熱情果、火龍果、橙、西瓜等，好解膩。📍汀汀烤活魚 (旺角)旺角西洋菜南街1A-1K號百寶利商業中心5樓