拉麵來 (Closed)

拉麵來曾經有喺旺角開店 而家就只係剩返大坑同尖沙咀兩間佢哋嘅門面同裏面裝修一向都係走傳統日式風格 好容易認到 門口打卡會有少少返咗鄉下嘅感覺🥲今日當然係專誠走去食佢哋嘅拉麵啦! 魂之一杯乃係佢哋嘅得獎之作 超濃厚豚骨湯底同拉麵渾為一體 拉麵掛湯能力高 有彈口 而兩片叉燒亦都好出色 半肥瘦 剛剛好 不過要留意呢款拉麵每日只係限量供應10碗 想食到的話就請早啲去排隊其實佢哋嘅side dish都好吸引 以後開返晚市堂食的話就想試吓佢哋嘅餃子 魚干配啤酒🍻另外佢哋有多款特色飲品 街外比較難搵到 例如wasabi汽水 綠茶可樂 蕃茄汽水 都幾特別

新界牛為了醫院的報告出了城，經朋友A推薦，原本是想去「兩草」吃咖央多士和肉骨茶的，不過很遺憾遲來了，它已經光榮結業了。🥲只好在旁邊的大坑美食區隨意走走，尋找我的午飯。然後就發現了剛開門的「拉麵來」，之前在旺角試過（經朋友B闡釋原來大坑是總店）。原先是被門口餐牌上的牛舌牛尾湯拉麵所吸引，不過坐下後發現了每日限量供應10碗的「魂の一杯」，就忍不住點來試食一下。濃厚的豬骨湯味道相當濃，配菜也很好👍🏻另外，我個人喜好也點了個「鹿兒島豬軟骨」，非常惹味。時間關係，相片沒留下就只剩下醬汁了。

12O 出發去大坑食拉麵 , 出發前幾日 , 已經傾好左 , 要食呢間 一 「拉麵來」去到咁岩有人食完要走 所以企左唔洗5分鐘就入得去食~ 真lucky~~如果唔係夏日熱辣辣 我應該企唔夠15分鐘就放棄唔食叫左個只係得星期六同日先有 + 限30碗既「魂の一杯」湯要濃 麵要硬 蔥油乜都要。等既果時 , 認真睇過 , 發現呢間野幾復古 , 好型我鐘意等左唔洗十分鐘就有 ~ 好快手湯真係好濃 , 所以好快就覺得好流 但個湯認真唔錯 ~ 下次如果係食番呢個 就會叫普通而麵就唔係幾覺硬 , 普普通通 .另外個肉就好好好好好普通 , 同平時出面食既差不多所以成碗麵 , 最主要既係湯x麵 , 料係其次：）

好似好多人話呢間正，又排哂隊，我又去試吓。又中招！見 Openrice 冇人話佢差，我就冒住又俾人暗吋嘅 risk，都要寫出我感受。我食咗佢嘅名物「魂の一杯」。麵，冇乜彈牙感覺。我揀硬，但其實軟定硬唔會好影響到彈唔彈牙。佢係唔彈牙嘅。湯，好杰，但真啲，其實唔係好濃味。其實濃味同杰係兩回事，一風堂（香港都有）或一蘭（香港未有），個湯都唔杰，但好夠味。濃味如無敵家（池袋嗰間），個湯都唔使整到咁杰。叉燒，係我從來食過最差嘅。無論喺香港定日本，都未食過咁差嘅叉燒。以我嘅理解，日式叉燒應該用醬汁煮好多個鐘，煮到冧晒同入哂味嘅。呢度，就咁豬肉切片煎熟，冇味，好韌，真係好韌。希望唔會又有人同佢辯護話咁先正宗啦。卵，又係失敗之作，祇是未熟，而非溏心。但就算唔要求溏心，以半熟卵嘅標準，佢都唔合格。下圖左邊淺色部分蛋黃已熟透起粉，但大部分蛋黃又流哂出黎。令我覺得可惜嘅，係咁樣水準，都咁多人讚，咁多人排，做飲食嘅，就唔需要做啲好嘢出黎吸引食客喇。

還未及 Bookmark 和品嚐某幾家新的日式拉麵店, 那一邊廂又有另一些新的拉麵店開業 － 現時本港的日式拉麵店市場就是如此蓬勃, 這次的新店是ラーメン來 (拉麵來)。拉麵來位於大坑浣紗街, 貴為區內最繁盛的大街, 如果仍不知是那裡的話, 相信以出售肉餅山而聞名的民聲冰室應該無人不曉, 而拉麵來正是其緊貼著的鄰居。來到門口, 發覺門面的裝潢非常面善, 除了甚有懷舊日本氣息外, 不期然令人想起八王子和瀰月屋這兩家格局甚為相似的食店, 心想：「難道是同一集團嗎?」(事後跟店方負責人傾談過後亦證實了這點。)週日中午十二時正來到, 進入店內後, 發覺店子面積不算太大, 坐位也不足二十個, 幸好時間尚早, 店內只有兩三名顧客, 我們一行五人來到, 還有選擇座位的權利, 而店內左邊的座位剛好有五個, 於是這邊便成為我們的私人空間。店內的裝潢和門面風格一致, 同樣以大量懷舊日式物品為主, 包括海報、人形、公仔紙 等, 對很多成年人來說甚有「那些年」的感覺, 未吃東西便因環境而加了第一印象分, 可算是該集團其中一個致勝之道。環境固然會加分, 但食品質素才是最重要。拿起一張點餐紙, 設計已令人眼前一亮