稻乙日本料理

Open Now

Now Closed

適逢生日，老公揀咗稻乙食omakase慶祝。我哋兩個都係第一次食Omakase，樣樣都想試，唔知點叫好。好彩店員好友善亦好有耐性咁介紹，於是我哋叫左一set Omakase 再散叫幾樣嘢試下。個Omakase本身係$788up，店員提議我哋加錢，俾d好嘅食材我哋，於是我哋就加到$1200，另外叫左生蠔、石桓貝刺身、燒亞波美（好似係咁叫）雞翼兩隻、半份魚湯烏冬、燒牛舌同燒雞心。先上前菜：蟹羔蟹肉蕎麥麵-好鮮甜刺身：全部都好新鮮，個右口魚同灸燒銀鱈魚好驚喜！壽司：樣樣都好新鮮，唯一係帶子得半粒，如果全粒就perfect 燒牛舌：燒得啱啱好、唔韌燒雞翼：好大隻、熱辣辣好脆好夠味燒雞心：老公話好味天婦羅：好好味呀！d炸粉唔會太厚亦冇油溢味，隻蝦仲好鮮甜喜之次：第一次食，好鮮甜好脆A4和牛：入口即溶！夾埋d炸蒜片一流！魚湯烏冬：本身個set係就咁魚湯，可以加稻亭烏冬，個湯好夠熱，白雪雪，店員話冇落味精、冇落牛奶、豆腐，完完全全用魚煲出嚟，好香好濃好甜，烏冬幼身、好滑，成碗食晒一滴湯都冇剩甜品：芝麻同綠茶雪糕，圓滿嘅句號飲品方面我哋冇叫清酒，叫左一杯生啤同柚子蜜梳打，柚子蜜梳打足料好味環境都幾舒適

最近迷上omakase，鍾意咗用錢解決食飯諗食咩嘅問題，今次試嘅係尖沙嘴嘅餐廳。真蠔 望落漲卜卜，味道鮮甜，而且肉厚，配上香蔥蘿蔔蓉提鮮，好正。針魚乾 針魚刺身就食過，針魚乾真係第一次，刺身咁食好淡味，估唔到整做魚乾後，更添魚香。刺身 有平貝同鮫鰈魚，平貝同帆立貝個樣都幾似吓，但係肉質好大分別，帆立貝係肥騰騰嘅，而平貝就係肌肉型嘅，肉質實淨。鮫鰈魚薄切，點上酸汁後食落好清爽。燒活鰻 新鮮嘅鰻魚唔駛蒲燒，就咁簡簡單單地燒已經好好食，呢到真係做到皮脆肉嫩，唔點醬汁咁食仲可品嘗到魚本身嘅美味。黑豚肉西京燒 呢個就比較普通，豚肉燒得乾身，同埋食唔出平時西京燒嗰份甜甜哋嘅味。炸物 有天婦羅同蟹仔，天婦羅炸粉唔厚，唔錯。魚湯烏冬 烏冬彈牙，魚湯濃郁。綠茶雪糕 甘香幼滑，作為結尾一流。如果你鍾意睇我嘅食評，不妨關注我，支持吓我，謝謝你☺️💕

赫德道就成日去酒吧，原來隔離既寶勒巷都有好多正野食，成棟building都係餐廳！今日要同朋友預祝生日，佢鐘意食日本野，大日子梗係要食omakase師傅發板啦。平時d omakase閒閒地都要＄800-1000，呢度既午餐同餐都好經濟啵!唔知係咪新餐廳定競爭大，lunch set仲要8折好抵呢下次都要黎試，星期一至六都有架師傅發板有$588同$788兩種價錢選擇，用料由日本空運到港，所以抵到爛啦。日本白粟米北海道直送既白粟米甜度達1７度，每粒好似珍珠咁飽滿。生食已經夠甜，一啖咬落去，爆汁之餘仲帶有淡淡既忌廉香味。栽種過程好嚴謹，要遠離其他粟米品種，因為傳播花粉時有可能受沾柒而變成黃色。清清甜甜，係餐前既好開始！蜜柑鯛刺身師傳發板最好就係師傳話事，佢挑選最新鮮既食材，等我地可以試好多特別既魚種。呢種鯛魚好巴閉，養佢個時餵食蜜柑，所以魚肉都有淡淡既柑橘香味。食既時候配柚子醋同辣蘿蔔，清清既唔會喧賓奪主，反而提升魚既味道。吉烈池魚個漿做得非常好，薄薄既一層包著厚厚既雪白魚肉。肉質鮮嫩，鮮味無窮！特上壽司拼盤呢個特登為我朋友而叫，生日快樂！總共８八件！海膽，鮮甜，入口即溶三文魚籽(餐廳自己腌）