Goobne Chicken (The Hart)

Open Now

Now Closed

壽星女話想食芝士食物，我們就去左goobne食拉絲cheese烤雞!UFO 芝士火鍋我地點了果味醬油蒜香和蜜糖烤雞！店員端上食物後，他會溫柔地幫忙炒埋中間mozazarella cheddar 芝士，以防痴底香濃芝士拉絲配埋無骨烤雞好正!!肉質超juicy!魚糕湯清清地但食得出陣陣胡椒味，魚糕彈牙，仲配左各2粒粉紅色和綠色魚蛋，綠色魚蛋食落有d似腸仔! 以前總是覺得tst 分店比較暗，唔知係咪換左燈光，光猛左!個人食雞都食得開心d!

個人覺得呢度啲嘢食好貴，烤雞$208，但係好好食，所以值得同好推薦。但係魚糕湯($150)同蛋卷($148)就覺得非常吾值。而且員工態度差，我去到嘅時候係6:00平日，基本上得4個客，勁多空位，我兩個人去想坐闊落啲，想坐四人位，但係佢話唔俾，一定要我地坐2人位，因為一陣繁忙時段會好多人，但我覺得平日會多人得去邊，結果到我食飽7:00走，發現根本仲有好多位淨，但係就要我夾硬迫落二人枱度，我哋兩個人叫三樣嘢食，張枱根本就唔夠位放。不過值得一提係講韓文嘅男員工非常有禮貌，唔似香港員工咁同佢落order要飲品，就咁講一個嗯字就走左，以下圖片係我食飽，大約7點，根本吾full。另外一提，呢間餐廳燈光好暗，個人唔太喜歡。

同朋友一行五人係尖沙咁食lunch，係公司附近有呢間烤雞店，就trytry佢啦😌Menu上有簡單介紹下佢地既idea同做雞既方法，係烤雞唔係炸雞喔。黎烤雞店緊係要食烤雞啦 !!! 😍 影左個正價既價錢比大家睇先。午市套餐$98係包括半份烤雞（可揀有骨/無骨），沙律或魚糕湯，飯，薯角，飲品。我哋除咗叫午市套餐之外仲另外叫咗個韓式炒粉絲雞蛋捲。雞蛋卷包得實淨唔會一咬就散開晒，包埋粉絲一齊食口感好新奇😛玉竹茶。鐵板芝士泡菜炒飯，滿滿嘅芝士包圍住個飯🤤味道好夾食完亦都唔會太膩。朋友話一定要叫呢個蜜糖咖喱烤雞，雖然兩個味道係好唔同嘅嘢，但因為佢咖喱味唔會太重太濃，所以放埋一齊個味道出奇地幾好食，食到甜味之餘亦都有咖喱嘅香味😮魚糕湯嘅份量都唔細入面亦都有兩至三塊魚糕，仲有少少辣，正(˶‾᷄ ⁻̫ ‾᷅˵)呢個係果味蒜香烤雞，食落去有好香嘅蒜味👍🏿呢個係黃金酥脆烤雞，只有呢一份嗌咗冇骨。本人最鍾意係食呢一個味道😍咬落去仲非常之juicy! 有肉汁流出黎！整體來講因為佢係一間烤雞店唔係炸雞店，所以雞肉都唔會太油膩，同埋感覺上健康少少🤣

初五開市, 約好同事要食餐好, 三五成群我最喜歡上OP 睇下有無優惠卷,於是又比我搵到GOOBNE 午市買三送一, 除番開每人四十幾蚊唔洗五十蚊, 抵食啊。我地十二點幾就去到, 唔洗等就就有得坐。午餐有六個set 可以揀, Goobne 最出名的烤雞系列62蚊一set, 有蛋, 有蔬菜, 有魚糕湯, 仲有一杯粟米茶。另外仲有兩款, 價錢會貴少少。每一個set 都包碗魚糕湯, D 魚糕份量都幾多, 以個湯細細碗黎講。我地4個人, 點左4款烤雞, 又可以交換食食晒唔同味。而每碗飯都包一隻蛋, 亦有蔬菜, 配色其實幾靚, 望多讓人想食多兩碗。黑椒烤雞係甜既, 少少少辣至於火山烤雞, 同事講話真係火山黎:「食到噴火」。韓式BBQ醬烤雞: 呢個都好味, 4種之中我最愛甜辣脆雞正正常常, 但也非常惹味最後埋單186元4個餐, 每人除番開都只係46.5, 以一餐午餐黎講, 食物有質素, 環境又舒服, 實在抵食。

食過Goobne chicken 幾次都幾好食😋 今次叫左魚糕湯，超多魚糕、魚蛋，個湯甜，其實係好多味精，飲完好口渴🙈叫左個Korean style fried chicken。好辣🙈 不過幾好味，cheese source 可以中和啲辣😂最後叫左杯Apple cider😌 冇帶HSBC credit card冇drinks half price😩🙈兩個人食份量都多，如果可以有半份，就可以試多啲。整體唔錯，不過不失👍🏻👍🏻😂不過價錢貴啲🙈

即係咁，芝士雞啲多重芝士粉真係好味嘛，再食，今次去尖沙咀店食，都係等位等到傻，不過呢尖沙咀呢間無咁迫，同埋有真韓仔做侍應，好喇食呢，叫蜜糖雞先再食芝士雞唔好搶左味嘛，蜜糖雞有啲乾，cider好味過鯊魚酒，魚糕湯好多唔同樣一樣味既魚糕，又叫蛋卷中

作為熱愛韓食既孩子都應該知道Goobne chicken~坊間太多韓式炸雞自稱第一，但goobne我真係相信佢係，由尖沙咀第一家分店食到而家旺角荃灣都有~呢日突登請半日假睇演唱會，lunch就同食神C 黎呢度食，lunch 基本上得兩三台客。今日叫呢個係有幾種晤同chesse的烤雞，本身怕好"溜"，但烤雞比炸雞優性係佢唔會有炸粉既熱氣油膩，所以Goobne無論你叫咩口味，雞既本身都係咁juicy咁美味，一d都唔"溜"呢個每次必叫既魚糕湯，食咁多間，呢間無論價錢同質素都係最好，個湯好夠味，又有好多款不同的魚糕。呢度水係要收費，本身想忍忍唔叫，但食烤雞唔叫野飲真係唔得...呢個有氣蘋果汁酸酸地好解渴好爽~

聽去過Goobne Chicken嘅朋友講都話好食，今次嚟到尖沙咀呢間一試。因為午飯時嚟，所以都唔算太多人，都冇訂位就入得。地方算大，但位與位間有點擠逼，唔會話坐得好舒適，特別我地2人坐嘅係2人枱。我地2人都係用Google map先搵到，搵到橦大廈之後要坐升降機上樓(樓梯不經)。去到有韓國侍應，可以同佢講英文，當然都有香港侍應啦。成間餐廳氣氛係causal，個人認為放工後同朋友嚟食下炸雞、飲酒係最好不過！食物種類唔算好多，主攻唔同味道嘅炸雞，有辣同唔辣。當然，芝士年糕、卷物都有啦。飲品方面，有酒/非酒精飲品，都有唔少選擇。我地2人一共嗌咗2樣野食，分別係:咖喱蜜糖炸雞、魚糕湯。仲有一杯野飲。 香，脆脆地，咖哩同蜜糖比例剛好！正！ 貪佢清清地，同炸雞一齊食冇咁heavy!量都幾多，但湯唔係想像中咁清。 呢杯好似海洋公園入面飲唧特飲咁，個人認為太甜，就算啲冰溶咗後都好甜，賣相就，個飲落 總結: 該餐廳冇set menu, 全部散嗌，價錢唔平，但勝在味道好，分量多！2人嗌一款雞都仲有淨，可以拎走，當然拎到返屋企再食質感已不同！ 堂食炸雞極推介！！ 2人3樣野食咗400幾蚊。