Video
Read full review
2024-09-08
794 views
小妹成為人妻媽媽之後一直都未有動力及時間再上OpenRice今日適逢老公生日前夕，想同佢二人世界拍下拖，就特地上嚟搵咗呢間灘五鄉一試！想滿足一下我老公想食串燒嘅心願～睇完餐牌我哋好快已經選定咗一輪目標，分別有雞皮、牛舌芯、雞腿肉、豚肉年糕卷、鮪魚赤身刺身串、燒飯團、雞泡魚干、仲叫咗個無骨雞翼尖。好快就到嘅第一餐點係雞泡魚干，入口覺得有驚喜，感覺接下來的串燒都會是很好吃的，畢竟雞泡魚干要燒得焦香淋甜並不容易！呢道菜用嚟餸酒就一流～食完呢道就滿心期待之後嘅菜式！再之後就到呢串鮪魚赤身刺身串，很少有地方會有呢類刺身串，鮪魚赤身味道鮮，不過醬汁味道道唔突出。雞皮串、雞腿肉兩款雞串都係誠意之作，焦香得嚟又嫩滑多汁嘅雞腿肉，雞皮串就油香脆口。仲有唔記得影相嘅厚燒牛舌芯，係小妹大推嘅串燒，因為牛舌芯雖然厚但淋香，食落完全唔un，牛嘅油香都絕對唔少得。食到呢度依然好期待之後嘅串燒！呢個係口感十分有趣嘅豚肉年糕卷，外面有香脆豚肉包住入面煙靭嘅年糕，食落口真係別有一番風味，鍾意食年糕嘅人可以一試！嚟到呢個位我book咗7點入坐食完頭一輪大約8點，我再搵咗位紮頭髮嘅女店員幫手落第二輪嘅串燒。我分別請呢位店員
睇完餐牌我哋好快已經選定咗一輪目標，分別有雞皮、牛舌芯、雞腿肉、豚肉年糕卷、鮪魚赤身刺身串、燒飯團、雞泡魚干、仲叫咗個無骨雞翼尖。
雞泡魚干
156 views
0 likes
0 comments
好快就到嘅第一餐點係雞泡魚干，入口覺得有驚喜，感覺接下來的串燒都會是很好吃的，畢竟雞泡魚干要燒得焦香淋甜並不容易！呢道菜用嚟餸酒就一流～食完呢道就滿心期待之後嘅菜式！
鮪魚赤身刺身串
66 views
0 likes
0 comments
再之後就到呢串鮪魚赤身刺身串，很少有地方會有呢類刺身串，鮪魚赤身味道鮮，不過醬汁味道道唔突出。
雞皮串及雞腿肉串
11 views
0 likes
0 comments
雞皮串、雞腿肉兩款雞串都係誠意之作，焦香得嚟又嫩滑多汁嘅雞腿肉，雞皮串就油香脆口。仲有唔記得影相嘅厚燒牛舌芯，係小妹大推嘅串燒，因為牛舌芯雖然厚但淋香，食落完全唔un，牛嘅油香都絕對唔少得。食到呢度依然好期待之後嘅串燒！
豚肉年糕串
11 views
0 likes
0 comments
呢個係口感十分有趣嘅豚肉年糕卷，外面有香脆豚肉包住入面煙靭嘅年糕，食落口真係別有一番風味，鍾意食年糕嘅人可以一試！
嚟到呢個位我book咗7點入坐食完頭一輪大約8點，我再搵咗位紮頭髮嘅女店員幫手落第二輪嘅串燒。我分別請呢位店員幫手下單同叫起燒飯團，點知乾等咗大約一個鐘之後，多番追問其他店員下先得知，原來第二轉嘅單全部無落到，係全部！而且第一轉都落漏咗無骨雞翼尖。本來見餐廳滿座師傅非常忙碌，燒爐上滿滿嘅串燒，兩公婆亦不打算催單，我哋選擇咗耐心等候，係呢一個小時內望到我倆都非常之期待串燒到枱，到變成等到開始有嘅飽，結果一小時後只吃了滿肚嘅失望同空氣！係呢個時候幫我預定咗生日甜品嘅店員更一度以為我哋已經用完正餐，所以收咗我哋食主菜嘅碟為我地準備上甜品。
自家製三色蕨餅
13 views
0 likes
0 comments
今日係同老公慶生嘅日子，確認訂座嘅時候我已經訂定甜品，最後係一個未食飽咸點，半推半就嘅情況下就無奈直上生日甜品，而早已預留嘅燒飯團就係再次叫起嘅時候先最後到枱，呢件事令到成餐飯變成一個不愉快嘅用餐經歷，亦因為咁就算餐廳食物質素高，非常用心準備食材同烹製，我哋都唔會再光顧，亦唔推薦大家節日去訂座用餐。
Post
