青花亭 (Closed)

好多人都介紹過依間餐廳無論環境食物都賣相好吸睛嚟到太子順便去試吓依間餐廳💛♡ ♡ ♡鮮帶子蜜糖芥末雜菌意大利飯一直我都好鍾意食意大利飯,芥末味意大利飯真係第一次食帶子特別香濃肉質厚厚實,份量都好多意大利飯加咗蜜糖甜甜地,芥末味道唔算太濃雜菌提升咗意大利飯口感,真係好食值得推介 ♡ ♡ ♡蟹肉南瓜🎃意大利飯蟹肉絲份量比較多南瓜味比較特別,個人口味就唔太鍾意依種口感,意大利飯好似糊仔感覺好像南瓜嘅味道唔係好夾,有啲失望♡ ♡ ♡奶蓋鮮奶抹茶抹茶嘅味道特別甘香濃郁加上鮮奶嘅味道令到成個層次分明鮮奶配襯返抹茶特別香滑,值得一讚♡ ♡ ♡奶蓋鮮奶培茶同抹茶嘅分別係特別香濃多10倍,個人比較一般唔多起唔太鍾意太濃茶味飲到一點苦澀味,但整體加上奶味一樣都係咁香滑♡ ♡ ♡個人覺得店舖食品一般服務員態度希望做得更好希望有待改善

生日選擇去太子嘅青花亭消費。📍鮮帶子蜜糖芥末雜菌意大利飯鮮帶子兩大粒係面，煎得好香。蜜糖芥末嘅香草醬味好出，唔鐘意香草嘅朋友可能唔會太中意。意大利飯嘅軟硬度都適中。📍蟹肉南瓜意大利飯蟹肉同飯嘅分量都勁多，南瓜忌廉汁嘅味道唔係太出。📍水牛城雞翼配藍芝士醬辣度係BB程度，雞翼表面炸得幾脆，單骨方便食用。整體醬汁調味不過不失。.📍黑松露薯條正常發揮，炸出嚟夠香脆，配埋個醬好好味😋📍碟豆花白桃乳酸梳打碟豆花飲品都係夢幻嘅賣相，但其實飲落就係普通白桃乳酸梳打🤭.美味指數：3⃣/5抵食指數：3⃣/5再食機率：80%

同朋友討論時事一定要去返黃店先放心，幸好我哋喺繁忙時間前早早就到青花亭，如果唔係真係會一位難求！青花亭所使用嘅餐具同擺盤都非常用心，而且店鋪裝修文青味濃，影相真係一流。至於嘢食個人認為最好味係貓耳朵，貓耳朵煮得啱啱好唔會過硬或過淋，而且三文魚籽同明太子汁數量好夠，令到每一粒貓耳朵都掛到汁，完全停唔到口！而其他嘢食不過不失無太大驚喜，所以唔多介紹！反而估唔到跟餐嘅湯係敗北，非常之咸實在無法飲完！好彩最後嘅冷鮮奶焙茶非常香濃，扳回一城！希望非常有潛力嘅青花亭繼續努力留住年輕人們嘅胃！

係太子搵餐廳可以坐得舒服D傾下計朋友推介青花亭食物、環境、服務都相當好👍🏻👍🏻不過一定要book位，當晚見好多人walk in失望而回叫咗三個set dinner再加個青口同薯條，四個女仔啱啱好首先係個跟餐嘅洋蔥湯，洋蔥味都幾濃（不過又唔記得影相😅）川式宮保慢煮加拿大豬仔斧頭扒好特別，花椒味好出，少少辣好惹味重點係口感一流，豬肉好軟黑松露露荀野菌貓耳朵本身就好鍾意貓耳朵QQ口感，加埋個黑松露醬汁好香👍🏻鮮帶子蜜糖芥末雜菌意大利飯本身唔係好鍾意risotto個口感，不過味道都ok香草忌廉汁藍青口個醬汁幾好味，跟湯塊麵包蘸來食一流黑松露薯條正常發揮，香脆

身為偽文青，都唔會放過可以打卡既食點，單睇食物賣相同青花器皿巳經激發起我試佢既意欲，去到現場貫徹青花瓷特色，以白色為主調既簡約裝修，仲有靚女侍應同廚師。講番食物，同朋友分別叫左鮮帶子蜜糖芥末雜菌意大利飯配酥皮干邑龍蝦湯，刺身櫻花蝦烏魚子意粉，飲品檸檬茶配蜜糖同蝶豆花白桃乳酸梳打，甜品就乳酪海灘。賣相唔洗講，只係份量少，女士未必夠食，更何況係男士，好在我keep緊，唔會食飽...個意大利飯味道還好，只係帶子得兩隻，百幾蚊碟覺得可以加番的，個飯幾有咬感；至於意粉，朋友話無咩驚喜，佢仲拎富豪間中菜既櫻花蝦炒飯來比，攪笑！個湯酥皮正常，但唔知點解個龍蝦湯好腥，唔係好慣。杯檸檬茶配蜜糖都幾好飲，蝶豆花紫色就好吸睛，味道還好。最後個甜品，都係因為個樣而想試，味道都可以，其中的燕麥應該焗過，好咬口，但生果份量可以再放多d。總括而言，講餐廳裝潢，舒適度，以至食物賣相都幾滿意，但份量同味道都有進步空間。我比較支持用心既食店，加上一個靚字，朋友巳經講話想下次試下個蒸籠全日早餐，希望俾到驚喜我地。