baby café (Closed)

旺角大型商場屈指可數，故小妹每次出旺角，特別是夏天近乎必會行朗豪坊，加上最近又有蛋黃哥坐陣，可以與朋友拍個照添!是日如以往一樣由上而下邊行邊覓食，而朋友提議不如找一個地方可以坐得比較耐的地方，於是來到baby café。翻看Menu，印象中好像與對上一次來的不同，小食、主菜等都煥然一新。除大Menu外，另有baby 2人晚餐的Dinner Set選擇，有沙律、湯、蠔、2個主菜等，大槪好處是不用特別想太多要吃什麼吧。最後，小妹都決定要自行點選，試新菜!等了約10分鐘，首先來到的是燒三文魚青木瓜柚子沙律，醒一醒胃先。沙律新鮮，而醬汁多，使沙律濕潤更易入口。上面的燒三文魚味道剛好，配上Wasabi粒粒蓉，混合沙律來吃更惹味。屬於小食的車打芝士是拉差焗釀蟹肉磨菇，味道有驚喜! 磨菇有嚼勁，釀著啖啖香濃芝士及鮮甜蟹肉，一啖一口剛剛好。說到要讚的是，鮮茄忌廉梭子蟹意大利粉，可謂全晚最美味的食物。除了賣相吸引，蟹大大隻足料之外，濃郁帶點酸酸的意粉，都吸收了蟹的鮮味。另烤大菇蟹肉意大利飯，大菇燒得剛剛好，好香兼爽滑，意大利飯比較黏，但不太水及有嚼勁，混合了蟹肉碎，食落不太膩。最後點少得來個甜品，小妹當

原本想點Set，因為唔駛特別去諗食咩好，但朋友見到散叫食物的相好吸引，於是提議叫。最後我哋點咗3碟主菜之餘，仲點咗個甜品。墨西哥辣茄醬茄子墨汁意大利粉，茄子好煮得淋，而墨汁意粉果然夠晒黑，夠辣好香口。鮮茄忌廉梭子蟹意大利粉，真係同張圖一樣，有成隻蟹蓋! 意粉帶有蟹味，侍應好細心比埋蟹鉗，雖然食蟹比較麻煩，不過隻蟹好新鮮。值得推介係菠蘿燒汁西班牙黑豚扒配紫薯，黑豚扒肉好鮮嫩，又啖啖肉大大塊，紫薯就整得好滑，又好有濃郁的蕃薯味，讚!特製朱古力布朗尼，單望賣相已唔錯啦! 布朗尼仲微熱，好鬆軟。值得一提係，原來CREAM入面有舊雲呢拿雪糕，連埋布朗尼一齊食，味道好夾，又可以中和膩感，而且令布朗尼更濕更易入口。整體食物真係唔錯，都好滿意，下次再嚟試吓個Set先。

之前都嚟過baby café，覺得D食物唔錯。今日晌朗豪坊睇完戲，順帶再同朋友嚟食。仲發覺原來近期更新咗餐牌，有好多新菜式，望相都幾吸引。鮮茄忌廉梭子蟹意大利粉，意大利粉好夠味，要讚係完全唔乾身，醬汁好Creamy，每啖都好易入口，而且好有鮮味，值得推介。日式鴛鴦蛋包飯，配兩款醬汁，白汁及咖哩汁，而個人認為咖哩汁唔錯，少少辣，岩晒我D唔係點食得辣之人。小食有好多款，簡直花多眼亂呀! 揀咗碟推介之一嘅車打芝士是拉差焗釀蟹肉磨菇。菇菇有好多芝士包住，入面亦有蟹肉碎，味道好夾，有少少辣辣地，好味!我哋仲點咗瓶Sangria碰杯，水果酒調配得剛剛好，酒味不太濃，浸埋多款水果，包括士多啤梨、橙 、蘋果、檸檬，不過就切得比較大舊，要用羹嚟食，水果好新鮮，令整個酒味道帶點甜甜地，好易入口，一口接一口!呢餐好豐富，而且食物質素唔錯。