雲壽司 (聯成商業中心)

Open Now

Now Closed

銅鑼灣晚市唔洗$500就有得食廚師發辦，價格親民就係謝斐道雲壽司，一間由米芝蓮師傅坐鎮既壽司店，座位唔多，每次經過都要排隊，設有高座位，廚師即整即送上到面前，不錯的體驗有三款的廚師發辦，價錢由$380-$680，主要分別在於刺身的數量，手卷同麵豉湯都必定有－－－－－－雲 KUMO $450刺身四款、壽司七件、手卷一件和麵豉湯刺身四款拖羅拖羅冇筋，入口即化，同檸檬片一齊放，味道帶有少少酸赤貝光澤亮麗，口感爽脆，味道鮮甜鰤魚切得大方，非常厚切，肉質甜美，油脂豐腴磯煮鮑魚肉質保持到鮮嫩彈牙，不過唔算好入味壽司七件生銀鱈魚、拖羅、筋子、鯖魚、深海池魚、金目鯛、海膽生銀鱈魚銀鱈魚上輕輕一燒，魚肉結實，口感偏爽口，味道較淡，魚油唔算好豐富拖羅肉質粉紅，口中緩緩溶化，不過不失筋子筋子爽口，鹹淡味適中，魚腥味唔重，非常鮮味深海池魚深海池魚肉質比較清爽，入口帶鮮甜同一點油份鯖魚放上薑蔥減緩魚腥味，味道正常海膽份量幾誘人，多到滿潟，口感Creamy，但味道好啖，唔重海水味同埋鮮甜度都欠奉卷物蔥拖羅手卷，紫菜好快變腍，拖羅蓉都幾多，唔錯

為何深宵總是餓？明明食完晚飯，行一陣街又覺得有少少餓，於是就買個外賣壽司返屋企做宵夜。老公鍾意食赤貝，所以揀咗特上壽司拼盤。雖然係外賣壽司，但包裝得非常好，所以拎到返屋企仍然能保持最佳狀態。吞拿魚腩🍣屬於「赤身」一類，油脂不太多，肉質實，有咬口。深海池魚🍣肉質紮實而爽口，微微帶點油香，非常鮮甜。牡丹蝦🍣蝦肉呈半透明狀態，蝦肉帶鮮且香甜。赤貝🍣肉質爽口，甘甜美味。海膽🍣外觀已經覺得非常飽滿，充滿光澤，新鮮香甜沒半點腥味。三文魚籽🍣粒粒晶瑩剔透，放入口中卜卜脆，每粒都帶有魚油嘅香味。火炙左口魚邊🍣帶有微微嘅焦香，左口魚邊肉質嫩滑。葱吞拿魚腩🍣將幼細嘅蔥花放在吞拿魚腩蓉之上，混入一齊食非常香口。鯖魚🍣第一次生食鯖魚，肉質彈牙，與熟食比較另有一番風味。我都係第一次食咁高質嘅外賣壽司，下次要來試吓堂食，享受一下正宗嘅日式服務。

呢排成日留係屋企好悶，今日頂唔順要出下街。首先解決左午餐先。我黎到銅鑼灣雲壽司，揀左特上壽司拼盤。午市包麵豉湯同沙律，枱面有抹茶粉俾你沖熱水飲。10件壽司分別係吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、魴鮄、蔥吞拿魚腩。壽司基本上都搽左薄薄一層wasabi，全部食落都冇筋，幾新鮮。牡丹蝦鮮甜。火炙左口魚邊口感肥美，油脂豐富。三文魚籽、海膽、蔥吞拿魚腩都係用紫菜包住既，冇wasabi。吞拿魚腩鮮甜肥美。鯖魚正常。魴鮄同深海池魚都唔錯。赤貝入口爽甜，有驚喜。