雲壽司 (聯成商業中心)

Open Now

Now Closed

12月3日與長輩3:20下午茶，只坐了20分鐘，吃了一轉長輩即要求離開！原因見壽司吧內2位師傅玩手机，飲汽水，整理衫褲，撩牙，棟起腳睇文件等行為.....嚇到長輩O哂嘴，即唔敢再叫第二轉！绝冇半點誇大，大可翻睇CCTV ，怪不得全場只有我倆！

呢間壽司店真係好正！佢哋的炙燒左口魚壽司特別好味，魚肉鮮嫩，炙燒後散發出誘人的香氣，每一口都好有味道，仲有少少焦香，真係令人食到停唔到，係咁encore另外，海膽魚子丼都幾特別，海膽新鮮，味道鮮甜，搭配魚子，口感滑溜，食落去好過癮。米飯煮得啱啱好，吸收咗海鮮的鮮味，整碗丼飯簡直係無法抵擋不過呢間店的環境細咗少少，但服務方面都幾周到，店員都好親切。如果你鐘意食壽司或者想試下特別的海鮮，呢間壽司店絕對值得一試，肯定會令你滿意

這次試了十五品omakase 套餐，覺得都挺夠飽，整體品質不錯，食材也新鮮，係kkday成日有買一送一，很抵吃，大家可以留意下🔥頭盤是刺身，印象最深刻是深海池魚，很新鮮，魚味很濃厚。當天蠔無貨，轉做鮑魚，味道不錯👍🏻毛蟹肉也挺鮮美，口感豐富。刺身不用下鼓油，更吃到個鮮味。壽司部分有六款，大吞拿魚腩、北海道馬糞海膽、赤蝦都很新鮮，鮮甜，一口一舊，很滿足。接著會有一碗麵豉湯，不會過鹹，很夠熱，有很多昆布和豆腐，一些豆腐粒都很滑，喝完熱湯，整個人都很舒服☺️而最後一舊手捲有驚喜，整舊都充滿吞拿魚蓉，啖啖都是滿足感，用這句做成餐飯啲作結，我都好滿意，不過略嫌啲紫菜太韌。前面的壽司，師傅會直接放下你面前的碟子，而手捲就要用手去接。大家記得用餐前，用濕紙巾抹手。這次是我第一次在香港吃 Omakase，不管是用餐環境、服務態度還是食物品質，都很滿意。推薦大家試一試。💖

見到OpenRice有預付套餐做優惠，就買咗個二人餐諗住試試。本身都唔算好大期望，因為都覺得呢啲套餐唔會比咩好嘢你食，同埋份量會細，所以覺得都還好，質素符合意料之內，反而意外嘅係比想像中食得飽。套餐所有嘢一次過上晒，壽司然後沙律之後刺身 ，兩個丼飯同麵豉湯，都係5分鐘內上齊晒。其實呢個食評都唔知寫乜好，所有嘢都正常普通，唔好食亦都唔難食，無野值得highlight或者批評。唯一嘅意見就係所有嘢同時上，枱會有少少迫。然後有個丼飯係鰻魚飯，如果可以食咁啲嘢先上就唔使擺到凍晒，同埋鰻魚飯個飯照用壽司醋飯，有少少奇怪，可以轉返普通白飯會更好。可能好多飯嘅關係，食晒都好夠飽。

銅鑼灣🥰雲壽司周圍睇吓有咩食！見到舖頭裏面都坐滿人，所以睇吓佢嘅參加有咩好食。發現價錢都幾優惠，幾百蚊都可以食到廚師發辦。佢有一個餐係可以自選12件壽司，好啱我呢啲揀飲擇食嘅人，因為我係唔食魚生，所以食唔到廚師發辦，以為自選呢啲壽司質素麻麻地，食落都發現質素都唔錯👍另外叫咗一個貴啲嘅套餐，睇相都知刺身同埋魚嘅壽司好新鮮，但我都係聽我老公講，因為我唔食🤣🤣佢覺得都好抵仲配埋一個海鮮丼飯。見到佢餐牌午餐仲抵，大家不妨試吓😍

以前試過太子那間雲壽司，真的很不錯。可惜那間店已經結業了，這次特地來銅鑼灣這間試試。點了指定套餐，有刺身、壽司、手卷和麵豉湯。老實說，整體還算OK，魚生和壽司都新鮮，但我覺得太子那間更好吃。這次的手卷紫菜有點軟冧，不太脆口，帆立貝也有點像是解凍過左時咁，感覺不夠新鮮。另外，還點了幾款壽司，玉子壽司、飛魚將軍艦壽司和三文魚手卷，味道都不錯，但也只是一般。最尾那碗麵豉湯，有點偏鹹，喝完口有點渴。環境和服務都可以，但整體來說，可能因為之前太子那間的印象太好，所以這次有點失望。希望他們能再改進吧。

呢間銅鑼灣嘅壽司店都好多人介紹過，而且都好多好評，問過啲嚟俾我食嘅朋友都話唔錯，所以如果我自己一個去銅鑼灣行街，都會嚟呢一間度食壽司或者當飯。佢嘅外賣餐在如有折扣再平啲啲，但我通常都入去食，因為如果你嗌壽司拼盤嘅話，個師傅係會係你面前整俾你睇，每次食嗰啲食材都幾新鮮。而今次我就入去試咗佢嘅當飯，百零蚊有咁嘅質素都算係唔錯，而且佢啲食材都算係幾新鮮，幾足料，我自己一個食曬都覺得幾飽，細食嘅女仔應該可以兩個人Share都夠！鋪頭入面嘅位置唔算多，10零個位，但係都算坐得舒服！

我哋四位等叫我哋拎飛，咁冇問題既，我哋拎飛等位。我哋拎A1跟住有兩位係A2嘅，佢見A2入，但佢明明見到隔籬兩位客人準備離台。感覺就好似唔可以有空位，完全唔會留枱俾多人既客人。淨係不停叫我哋等吓一張，但係有其他兩位嘅客人就會叫兩位嘅客人入先。咁我使乜拎飛啫？一係你話兩位限定囉？已經唔係第一次幫襯，之前覺得佢幾好食，好價錢幾好，所以幫襯但今次感受後，完全唔會再幫襯。好失望！！明明係一間好好嘅餐廳就俾個經理定店員搞到，作為客人唔會再幫襯！

放工約咗朋友喺銅鑼灣行街，行街前決定試一試呢間壽司店🍣🍣嗌咗自選壽司拼盤，一嚟到賣相好似唔錯👍🏻食落去就覺得質素一般🥲本人認為壽司郎或者元氣比較好食，亦都唔值呢個價錢🫣=============================座位上安排得比較迫，好似坐緊茶餐廳咁，左邊嗰位男士嘅手臂經常與我左臂擦身而過。如果用呢個價錢食晚飯，又坐到咁，食完接壽司都唔使20分鐘🤷🏻‍♀️🤷🏻‍♀️

年初四諗住食碗雲桂香米線，點知冇開跟住行到去譚仔，跟住佢話落單要等半個鐘苦惱緊唔知食咩嘅時候見到對面有間雲壽司見到有三文魚吞拿魚蓉當外賣特價六十幾$70算係咁啦，買咗個都唔太差，正正常常都OK

突然好想食壽司於是上網睇下邊度有壽司好食🤔睇左食評見到銅鑼灣li間餐廳既壽司好似評語唔錯，於是特登黎試！晚餐時間6:30pm到餐廳客，人唔算多，十幾個既座位得一半滿🙈餐廳用qr code落單，叫左兩個套餐食，五分鐘後就已經上左菜😇壽司睇落賣相還好，但食落就幾失望….刺身唔係特別新鮮，壽司紫菜有d淋，壽司飯就有少少酸，尤其是拖羅個舊壽司🍣…我同朋友食十分鐘就食完，男仔食完應該唔會有飽既感覺😅😅😅我同朋友大家對望左一眼，決定專場再食😅我地覺得就算唔睇價錢，去元氣食壽司都會好味過係li度食🙃🙃🙃睇埋個價錢就更加😅😅整體而言係令人失望既晚餐，唔推薦大家黎食🫣

💡高質抵食日式之前食過太子分店都已經覺得唔錯，今次就同朋友黎到銅鑼灣的雲壽司，感覺滿足。連續多年獲得米芝蓮推介，質素果然有番咁上下，而且價錢仲要好抵食。拼盤一人餐（$168），包括有刺身×2+壽司×5+迷你饅魚飯。🍽刺身🐠有三文魚及帶子，新鮮的三文魚和帶子帶好鮮美口感，魚肉鮮嫩多汁，帶子則帶有淡淡的甜味。切得均勻的薄片展現了食材的精細度，讓人感受到廚師的巧手。🍽壽司🍣有赤蝦，左口魚邊，真鯛，吞拿魚面頰肉同埋三文魚籽壽司。赤蝦：赤蝦好新鮮，具有濃郁的甜味和豐富的口感。左口魚：左口魚是一種深海魚，肉質豐潤而緊實，具有濃郁的鮮味和微妙的甜味。真鯛：清爽的口感和溫和的鮮味，肉質柔軟，呈現淡粉紅色，好有彈性。吞拿魚面頰肉：吞拿魚的面頰肉係魚身上最軟嫩部位之一，有豐富的油脂和鮮甜的味道，肉質細嫩而濕潤。三文魚籽壽司：有好多三文魚籽鋪左係上面，滿滿的口感。🍽迷你饅魚飯🐠鰻魚經過炭火燒烤，外皮酥脆、內裡鮮嫩多汁。搭配珍珠米飯，口感絕佳。每一口都能感受到鰻魚的濃郁香氣和獨特的醬汁味道，令人垂涎欲滴。鰻魚肉質細緻，入口即化，帶來滿足感。

銅鑼灣壽司店比比皆是，要突圍而出必須有真功夫。雲壽司可說是其中一間高質之選。今晚和朋友便點了北海丼及特上壽司拼盤共同享用。北海丼內有吞拿魚腩、油甘魚、帶子、左口魚邊、海膽、三文魚及三文魚籽。所有食材均肥美鮮味，配上薑片和wasabi吃，口感一絕。特上壽司拼盤則包括吞拿魚腩、深海池魚、銀鱈魚、池魚、帶子、火炙左口魚邊、三文魚籽、海膽、魴鮄及葱吞拿魚腩壽司。首次吃魴鮄壽司，這種深海魚肉質鮮甜，令人一試難忘。除了海鮮新鮮，雲壽司的壽司飯亦較坊間一般壽司店優勝。這裡的壽司師傅壓出來的飯有空氣感，夾起來也不易散開，值得一讚。

朋友和我都十分喜歡吃日本菜。適逢今天在銅鑼灣，知道這間日本壽司餐廳經常排長龍，今天時間尚早，人流不是太多，我們立即入內！店舖不是太大，格局與一般壽司店差不多，看着壽司師傅即場製作，彷彿置身於日本東京小店吃壽司一樣！我選了特上壽司拼盤。拼盤有：吞拿魚腩、深海池魚、銀鱈魚、池魚、帶子、火炙左口魚邊、三文魚籽、海膽魴鮄、蔥吞拿魚魚腩。吞拿魚腩、深海池魚、銀鱈魚等質地鮮嫩，口感細膩。池魚和帶子充滿了海鮮的甜味，讓人愛不釋口。火炙左口魚邊有燒烤風味，蔥吞拿魚魚腩很軟綿，吃著有豐富的口感層次。朋友選了北海丼。有吞拿魚腩、油甘魚、帶子、左口魚邊、海膽、三文魚、三文魚籽。吞拿魚腩和油甘魚都有豐富的油脂，很鮮甜美味。帶子和左口魚邊則很鮮嫩。海膽充滿奶油味及帶著濃郁的海洋風味。加上三文魚和三文魚籽，整碗丼飯十分出色。這間餐廳果然名不虛傳，食材十分新鮮，每一件海鮮都十分好味，米飯煮得香甜軟糯，怪不得長期客滿，還得到米芝蓮推介呢。不是誇張，我已經心思思想定下次再到雲壽司吃壽司了。

打八號風前夕聞說個風好鬼勁要去食定啲嘢先如果唔係有排留家冇啖好食⋯⋯下午茶獎例自己食左個豐盛一人餐. 繼續支持親民價日式壽司小店，今次試嘅係有幾間分店並由米之蓮師傅助陣嘅雲壽司，銅鑼灣分店地點就腳鄰近地鐵站SOGO 等. 餐廳裝修走高檔omakase 風用上雲石同木做主調成個感覺都好舒服. 食客可以現埸睇住師傅新鮮即製食物信心更高，至於茶粉熱水等自助非常方便. 叫左個豐盛一人餐（$248）有油甘魚同赤貝刺身各兩片，至於壽司有吞拿魚/ 餃鰈/ 深海池魚/蟹肉蟹膏， 仲有碗丼係吞拿魚腦火炙海鮮天丼. 油甘魚肥美油脂十足， 赤貝爽口鮮甜. 至於壽司，新鮮不在話下，每件都呈現出自己特色各有特色絕對係水準以上. 食埋個丼飯夠曬鮑，好滿足. 整個餐夠多元化而且食物種類口感不會只偏重一類，層次滿足夠曬豐富，大讚. 絕對值得支持下.