真鮨 (Closed)

經常行過金巴利道都會見到moshi moshi, 今日晏晝終於有機會去試吓，叫咗啲刺身、壽司同飯鰻魚蛋包飯原條鰻魚極度肥美，燒過的鰻魚邊更為香脆，雞蛋炒過相當嫩滑，加上微辣咖哩好match!-赤海蝦壽司食落爽厚彈牙，加少計檸檬汁更為清新-芥辣八爪魚軍艦裝有滿滿八爪魚，芥辣唔會太攻鼻，大眾容易接受-甜蝦壽司好少見咁大隻甜蝦～口感幾好火炙類壽司-左口魚邊 肉質偏爽 火灸後更香-三文魚 油脂頗豐富所以食落更為軟腍👍🏻

突然心血來潮想食蛋包飯，上網見到有人推薦moshi moshi，即管去試吓！估唔到午市有咁多海鮮丼定食選擇，爭啲放棄咗個蛋包飯😂 食完一次嘅感想係: 一定會再encore！！火炙北海丼定食十分豐富，有茶碗蒸、麵豉湯、前菜八爪魚，仲包埋嘢飲添！ 而且魚生飯嘅海鮮好新鮮，不愧係夜晚做omakase嘅餐廳！火炙魚生唔會過熟，值得一讚係個海膽，完全冇苦味仲好鮮甜😋😋😋鰻魚蛋包飯咖喱好好味，唔會過濃影響鰻魚味。而且蛋嘅份量好多，好想知道師傅用咗幾多隻蛋去整一個飯😂 鰻魚厚肉而且唔多骨，抵食！

食得多尖咀連鎖餐廳有d厭，於是呢日跟同事去左呢間近美麗華既日本餐廳食午飯。入到黎見到底層有個榻榻米，好有日本風感覺喎。我地叫左個兩個餐: 壽司同鰻魚蛋包飯。隻碟幾靚，吾知係邊買。味付螺肉9秒9就到。螺肉有咬口，吾un，自認細食既同事都話食完胃口大增喎。蒸蛋有鳴門卷、香菇同魚籽做配料。蛋好滑，有陣陣蛋香，配料特別係魚籽提升左口感。麵豉湯咸度剛好，仲有吾少豆腐同海帶，一d都吾寡。話咁快鰻魚蛋包飯黎度。大過塊面既鰻魚原條咁放係蛋包飯上面，賣相精緻。蛋汁同咖哩好夾，味道平衡吾錯。雖然咖哩汁份量多，但都無沉淋d飯，因為d蛋夠濃密，隔住d咖哩汁。鰻魚表面有焦香，嫩滑厚肉，兩人分享好滿足。過一陣，壽司都黎埋，有8大舊:三文魚、八爪魚、墨魚、甜蝦、北寄貝、海膽、玉子和三文魚籽。三文魚肥美，仲有幾粒魚籽係上面。甜蝦好大隻，而且鮮甜度十足。魚生大大塊咁餔上飯度。海膽係份量吾吝嗇，一d腥味都無，味道甘甜，質感細膩，入口即溶，正。埋單每人一百蚊多d，以尖咀地段同食物質素來說，性比價頗高，值得一試。