三河屋•尾張屋

Open Now

Now Closed

家庭式日本餐廳，咩都有得食，見鰻魚飯最多人推介，我地就叫左，份量好夠，飯係珍珠米，夠熱，配埋個汁都算唔錯另外仲叫左豚肉鍋定食，有配埋飯，湯同埋小食，味道其實唔覺特別好食，不過老公話可能感覺因為家庭式有去左日本小店食野既感覺。我地亦叫左個其他地方較少見既梅酒煮蕃茄，有淡淡梅酒香，感覺加左唔少糖，所以蕃茄就唔覺酸，係幾清新既！不過價錢唔平，如果下次再黎都未必會再食。最後就係差唔多食曬先上既燒油甘魚，坦白講麻麻地，有d 鞋口，有d 位仲覺得好醒無食到總結黎講食物質素一般，不過家庭式體驗算都唔錯

咦！咁似對面果間三河屋嘅？冇錯，姊妹店是也！話說我地好想食三河屋，一點九左右，行到門口，店員叫我地去對面果間，因為三河屋收2:30，呢間收3:30，好彩有得食咋！食左三次，三次質素都冇變！keep得好好！雖然沒有大裝修，卻不知為何坐很幾舒服！打開餐牌好多野想食，因為價錢合理！上幾次食過雞泡魚乾，天婦羅拉麵，芝士年糕，池魚開邊燒，仲有次次都食嘅三文魚刺身同鰻魚飯。雞泡魚乾好食又易咬，三十多元，咁平的情況下竟然係我食過最好食嘅！天婦羅麻麻，粉漿溝得厚，唔推介。拉麵你唔好講究同拉麵店果d比，以三十多元一碗來計，平食之選好值得食。芝士年糕入面的芝士係較流質，奶味較重，好食。池魚開邊燒，我覺得平平無奇，身邊果個就好歡喜，我覺得冇咩肉食，而且燶左些少，中評！今次叫左一口芝士，其實同年糕入面芝士一樣，一人吃三粒有點悶，除非多人分享，如果唔係建議叫番年糕，多重滋味！講番今日食嘅三文魚，切條狀，但好厚，咬下去好有口感，而且魚油味重，旁邊有鹹香的海帶，好少地方食到這種，棒！至於鰻魚飯，先數份量，好大碗，兩個餓鬼叫左一碗飯兩個小吃極飽！附一碗味噌湯，普通啦有野濕下個口咁囉！睇過有食評話覺得唔夠汁餸飯，我覺得

媽媽是一個鰻魚控，莫講話去日本必定要食鰻魚，就連在香港食快餐店吉x家都要食。這次近近地就帶她來吃我覺得幾正既鰻魚飯。三河屋在紅磡都好多年歷史了，但環境差一點，既然帶長輩同行，自然是想坐得舒服些，就去對面尾張屋。-沒有選擇困難，來這裡就是為了鰻魚飯。就叫了兩碗。上桌時發現剛好是不同部位。前後段拼得成一條，賣相好吸引。-鰻魚飯　$88好大舊鰻魚，烤得好香，極厚肉，咬下去很香軟棉滑，前段更厚肉些；尾段則硬一點但份量多些；雖然沒前菜沒配菜，就只有鰻魚，但不覺得寡不覺得膩，實在好味。媽媽很歡喜，覺得對得起這個價錢。簡單又滿足的一餐。

收工近近地約左朋友去紅磡晚飯，仲記得以前讀書成日都會經過一間懷舊日本餐廳，無咩裝修但成日都好似好多人，唔貴但讀書年代又唔會去食。咁岩大家都想食熱野，就決定去尾張屋試下。可能係平日既關係，去到唔使等，可以即刻入去。座位唔多，只能容納大約25人。朋友介紹話呢到既忌廉汁好好味，我地就叫左個忌廉吉列豬扒飯。忌廉汁味道偏淡，質感唔算稠唔會太膩，豬扒炸得脆，但粉太多豬扒太薄。鰻魚飯係值得推介既，性價比高，鰻魚肉夠厚，魚唔多幼骨，個汁都唔錯又夠入味。總括黎講，鐘意食鰻魚既朋友絕對可以黎試下，比美得上係日本既鰻魚飯味道！其他食物就有待再嘗試✌🏻

難得假日去欣賞演唱會，去之前可以有充裕的時間去吃一個晚餐。於是選擇離紅館不遠的尾張屋，即是三河屋的分店。本來我和朋友是等候三河屋的，但店員指示我們到對面的分店。第一次來，不能比較兩間的味道有沒有分別，從相片看來，食物是一樣的。我當然要點最有名的鰻魚飯，吃過名古屋的鰻魚飯，實在令我非常回味出色的鰻魚飯。當然香港的始終不能與日本的比較，但尾張屋的性價比還是超出預期的。飯比想像中大碗，是湯碗的份量！不止飯碗的少。而重點的鰻魚！是非常大的份量！非常肥美！肉質比較淋身，鰻魚肉都十分嫰滑，鰻魚汁十分惹味，整個連麵豉湯不用一百元，只要八十八元。

三月二十五日 (星期五)記得上次走進這條街見到了對面一間外形與三河屋相類的日式食店它叫尾張屋,連LOGO也相似,是同族嗎?今日專情過來一試之前看過OR網友的食評知道食品與三河屋略有分別五時半我們已急不及待來到,可是六時才開門唯有四周圍逛逛再過來吃逛時又不忘找小吃,最後我們吃到半飽才過來看過MENU,我還是對烏冬較有興趣老公仔就鍾情於鰻魚飯加了個小吃-薯仔沙律店子小小,因當時尚早,才剛開門,除了我們外,只有另一位客人看看牆上的介紹,原來店子的LOGO是日本德川家族的LOGO來鰻魚飯鰻魚很大條,既香又肥美比起三河屋有過之而無不及上面的鰻魚汁很豐富珍珠米口感十足咖喱烏冬這個烏冬沒有令我失望,烏冬很彈牙,而且咖哩汁很濃,遇帶點辣有薯仔和紅蘿蔔做配料簡單而味美薯仔沙律很多紅蘿蔔絲,味道不太出眾這個小吃還是首選大戶屋它與三河屋的關係是什麼,有人可以告訴我們嗎?